ESAIA 51:16 - Jinghpaw Hanson Version Bible

¹⁶ Sumsing lamu hpe gap da nna, ginding aga hpe npawt gaw da na matu mung, Nang gaw nye a amyu rai nga ai, nga nna Ziun hpe tsun lu na matu mung, ngai gaw, nye a mungga na a n-gup hta bang ya nna, nye lata a shingnip hte nang hpe ka-up da ni ai.

Jinghpaw Common Language Bible 2009

¹⁶ Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 51:16 ပူးပေါင်းရင်းမြစ်များ

SHAKAWN KUNGDAWN 75:3

Aga hte dai hta nga ai ni nlang run wa yang, De a shadaw ni hpe, ngai madi nga nngai. [Selah.]

SHAKAWN KUNGDAWN 91:4

Shi a singkaw mun hte shi nang hpe magap da nna, Shi a singkaw npu e, nang shim nga lu na ndai: Shi a sadi sahka gaw, n-gang hte hpyen palawng rai nga ai.

SHAKAWN KUNGDAWN 92:13

Yehowa a nta e hkai tawn da ai ni, Anhte a Karai Kasang a wang e, kaba wa na mara ai.

PRU MAT 33:22

shing rai nye a hpung shingkang lai wa nga yang, nang hpe dai lung kran e ngai bang da nna, ngai lai mat wa hkra, nang hpe nye a lata hte magap da na de ai:

PRU MAT 4:15

Nang shi hte shaga nna ndai ga shi a n-gup hta hti bang ya na rai ndai; shing rai ngai gaw na n-gup hta mung, shi a n-gup hta mung rawng nga nna, nan kaning ngu tsun na gaw sharin ya na made ai.

ESAIA 45:18

Kaning rai nme law, sumsing lamu hpe hpan da ai Yehowa, ginding aga hpe hpajang tawn da ai hte shagrin da nhtawm, shanu nga na matu, akrin akraw n hpan da ai Karai Kasang, ning nga ai: “Ngai gaw Yehowa rai nga nngai; ngai hta kaga kadai n nga ai.

ESAIA 48:13

Gaja wa nye a lata gaw ginding aga hpe gaw da sai, nye a hkra lata gaw sumsing lamu hpe hpyan da nu ai: ngai shaga yang, dai ni gaw rau tsap nga ma ai.

ESAIA 49:2

shi nye a n-gup hpe dai ai nhtu zawn shatai ya nna, shi a lata a shingnip hta ngai hpe ka-up da ni ai; atu nsan ai pala shi ngai hpe shatai nna, shi a pala ndum hta ngai hpe kyem da ni ai:

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

ESAIA 57:19

N-gup a asi hpe ngai hpan da nngai; sumtsan mung na wa hta mung, ni nga ai wa hta mung, ngwipyaw lam, gaja wa, ngwipyaw lam, rai nga u ga; ngai shi hpe shamai shatsai na nngai,” nga nna Yehowa tsun ai.

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 65:17

Kaning rai nme law, yu mu, sumsing lamu ningnan ginding aga ningnan ngai hpan da nga nngai: shawng na lam ni hpe dum na mung n rai, myit sumru yu na mung n rai.

ESAIA 66:22

“Kaning rai nme law, ngai hpan da ai sumsing lamu ningnan hte, ginding aga ningnan gaw, nye a man e grin nga ai zawn, nanhte a aru arat hte nanhte a amying shingteng mung grin nga na ra ai,” nga nna Yehowa tsun ai.

YEREMIA 1:9

Bai Yehowa gaw shi a lata ladawn nna, nye a n-gup hpe ahtawk let, “Yu u, na a n-gup hta nye mungga hpe ngai bang da se ai:

YEREMIA 24:7

Ngai Yehowa rai nga ai hpe, shanhte chye lu na myit, ngai shanhte hpe jaw na nngai: shanhte gaw tinang myit masin mahkra hte, ngai hpang de kayin wa ai majaw, shanhte gaw nye a amyu, ngai gaw shanhte a Karai Kasang, tai na nngai.

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

YEREMIA 32:38

shanhte gaw nye a amyu, ngai gaw shanhte a Karai Kasang tai na nngai:

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

ZEHKARIA 8:8

ngai shanhte hpe woi wa nna, shanhte gaw Yerusalem mare kata e shanu nga na mara ai; shing rai shanhte gaw nye a amyu tai nna, ngai gaw shanhte a tengman ai hte dinghpring ai Karai Kasang tai na nngai,” nga ai.

YAWHAN 17:8

kaning rai nme law nang ngai e jaw dat ai mungga hpe, ngai shanhte hpe jaw mawe ai rai nna, shanhte mung dai hpe hkap la masai majaw, nang kaw na ngai pru sa nngai gaw, shanhte gaja wa teng teng chye ma ai hte, nang ngai hpe shangun dat ndai mung, kamsham ma ai.

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

TARA JAHPRANG 18:18

Shanhte a kahpu kanau ni hta na nang zawn re ai myihtoi langai mi, shanhte a matu ngai paw pru shangun na we ai rai nna, dai wa a n-gup hta nye a ga ngai hti bang na hte, ngai hkang da mada hte maren shi shanhte hpe htawn tsun na ra ai.

TARA JAHPRANG 33:27

Chyi nma Karai Kasang gaw na shingbyi shara rai nga ai, Htani htana lahpum ta gaw nang hpe pawn la nga ai. Shi gaw, Jahten shabya kau mu, nga nna, Hpyen wa hpe na a man na jahtaw kau wu ai.

HEBRE 8:10

Da ndai gaw, dai nhtoi ni a hpang e Israela a nta hte ngai shaka na ga shaka rai nga ai: Nye a tara hpe shanhte a myit hta ngai bang da nna, Shanhte a kraw lawang hta ka da na we ai; Ngai shanhte a Karai Kasang tai na we ai, Shanhte mung nye a amyu tai na mara ai;

2 PETRU 3:13

Shing rai byin wa timung, shi a ga ndat majaw, dinghpring rawng ai sumsing lamu nnan hte ginding aga nnan hpe, anhte myit mada nga ga ai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai: