ESAIA 51:13 - Jinghpaw Hanson Version Bible

¹³ sumsing lamu hpe hpyan da ai hte, ginding aga npawt ni gaw da ai, nang hpe Hpan da ai wa Yehowa hpe malap kau ai hte, jahten shabyak maw ai wa a n-yun bu ai hpe shani shagu tutnawng hkrit ai wa, nang gaw, hpa wa rai nga nta? jahten shabyak maw ai wa a n-yun bu ai mung, ya kanang rai nga a ta?

Jinghpaw Common Language Bible 2009

¹³ Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 51:13 ပူးပေါင်းရင်းမြစ်များ

ESHTA 5:14

Dai rai nna madu jan Zeresha hte jinghku jing-yu ni mahkra gaw, “Dawng manga shi tsaw ai wudang sharawt jung da u; dai hta Mordehkai hpe shadau sat na matu, hpawt ni e hkawhkam wa hpe ahkang hpyi u; dai hpang kabu gara ai myit hte hkawhkam wa hte rau, poi sa lawm u,” ngu nna shi hpe tsun mu ai. Haman mung dai ga hpe na ra nna, wudang sharawt jung shangun mu ai.

ESHTA 7:10

Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

YOBA 37:18

Jaw ai magri jamna zawn grin nga ai lamu madin hpe, nang shi hte rau din da nni?

YOBA 9:8

Sumsing lamu hpe shi nan kahpyen da nna, nammukdara hka leng ni hta, kabye hkawm nga ai.

SHAKAWN KUNGDAWN 104:2

Nhtoi hpe nba zawn nang hpun lawai nga ndai, Sumsing lamu hpe hpajawng zawn, nang kahpyen da nu ai.

SHAKAWN KUNGDAWN 106:13

Gade n na yang shanhte gaw shi a amu hpe malap kau ya mu ai, Shi hpaji daw ai lam hpe, n myit yu ma ai.

SHAKAWN KUNGDAWN 76:10

Gaja wa, na a masin pawt ai daw mi sha, Nang shingkyit zawn kyit nga yang, Masha wa a masin pawt ai gaw, Nang hpe shakawn kungdawn na ra ai.

ESAIA 10:24

Dai re ai majaw, Zaw nawng zaw wa up ai Madu Yehowa gaw, Ziun bum e shanu nga ai nye a amyu e, Asuri wa gaw ri tawng hte nang hpe kayat nna, Egutu masha ni zawn ri numdu hte adup timung, shi hpe hkum hkrit et:

ESAIA 14:4

nang gaw Babelon hkawhkam hpe sha-ang let, ndai ga shagawp ning nga tsun na ndai: Adip arip re ai wa gaw htum mat sahka! Ja mare gaw nyawp mat sahka!

ESAIA 16:4

Ngai hte seng ai shapraw kau hkrum ai ni gaw, nang hte rau anga nga mu ga; nang gaw, Moba hpe zingri zingrat ai ni a man e shingbyi shingwung shara tai u ga; kaning rai nme law, Kashun kashe re ai wa gaw kaman sha rai nga nna, hten byak ai lam sim wa sai; adip arip re ai ni gaw dai mungdan hta shaza kau ai hkrum ma ai:

ESAIA 17:10

Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

ESAIA 40:21

Nanhte n chye myit ni? n na yu myit ni? moi npawt kaw nna nanhte hpe n shapraw dan yu a ni? lamu ga nnan lat kaw nna, n chye na nga myit ni?

ESAIA 40:22

Lamu madin ntsa e dung nna, de a npu e shanu nga ai ni hpe, dinggam-yaw zawn nawn ai wa gaw, Shi nan rai nga ai: shi gaw sumsing lamu hpe nba zawn grang nna, shanu na matu sum zawn kahpyen da wu ai.

ESAIA 42:5

Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

ESAIA 43:1

Ya chyawm gaw, Yaku amyu e, nang hpe hpan da ai wa, Israela dap e, nang hpe hpajang da ai wa Yehowa ning nga ai: “Hkum hkrit et, ngai nang hpe hkrang la ni ai; na a amying hte ngai nang hpe shaga nna, nang nye a rai nga ndai.

ESAIA 44:24

Nang hpe mawai la ai wa, hkritung kaw nna nang hpe shachyaw ai Yehowa ning nga ai: Yawng mayawng hpe hpan da ai Yehowa ngai rai nga nngai; ngai nan sumsing lamu hpe hpyan da nngai; ginding aga hpe ngai nep da nngai: ngai hte rau nga ai wa kadai?

ESAIA 45:12

Ngai gaw ginding aga hpe galaw da nna, de a ntsa e shinggyim masha hpe hpan da se ai: nye a lata nan sumsing lamu hpe hpyan da nna, de a Zaw nawng zaw wa up ai ni yawng hpe, ngai hkang da ni ai.

ESAIA 45:18

Kaning rai nme law, sumsing lamu hpe hpan da ai Yehowa, ginding aga hpe hpajang tawn da ai hte shagrin da nhtawm, shanu nga na matu, akrin akraw n hpan da ai Karai Kasang, ning nga ai: “Ngai gaw Yehowa rai nga nngai; ngai hta kaga kadai n nga ai.

ESAIA 48:13

Gaja wa nye a lata gaw ginding aga hpe gaw da sai, nye a hkra lata gaw sumsing lamu hpe hpyan da nu ai: ngai shaga yang, dai ni gaw rau tsap nga ma ai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

ESAIA 57:11

Nang gaw masu nga ai hte, ngai hpe malap kau nna, hpa n nawn ai majaw, kadai hpe hkrit kamyin nga n ta? Ngai na na wa atsin sha nga ai majaw, nang ngai hpe n hkrit nga ai, rai ni?

ESAIA 7:4

Sadi let, asim sha nga u; wan hkut sha mawng ai, ndai wanhtaw daw lahkawng ngu ai, Suri mung na Rezin hte Remalia kasha pawt sindawng bu ai a majaw, hkum hkrit et, gawng hkum run et.

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

YEREMIA 2:32

Mahkawn gaw, tinang mawn sumli ai gali lakai hpe, num ningnan gaw tinang a shingkyit hpe, malap kau lu a ni? nye a amyu masha ni chyawm gaw, n dang hti hkra law ai nhtoi tup, ngai hpe malap mali kau ma ni ai.

YEREMIA 38:19

Shaloi hkawhkam Zedekia gaw, Hkalde masha ni hpang de rap wa ai Yuda masha ni hpe ngai hkrit nngai; ngai hpe shanhte a lata hta ap kau nna, ngai gaw shatan nhkan hkrum na hpe, ngai tsang nngai, ngu nna Yeremia hpe tsun wu ai.

YEREMIA 41:18

kaning rai nme law, Babelon hkawhkam munggyi aya dang da ai, Ahikam a kasha Gedalia hpe, Nehtania kasha Ishmaela sat kau ai majaw, shanhte gaw Hkalde masha ni hpe hkrit nga ma ai.

YEREMIA 51:15

Shi gaw shi a n-gun atsam hte lamu hte lamu ga hpe hpan da nu ai; shi a hpaji byeng-ya hte mungkan ga hpe shagrin da nu ai; shi a nyan hte sumsing lamu hpe kahpyen da nu ai:

YEREMIA 51:19

Yaku a matu rai nga ai wa chyawm gaw, dai ni hte bung ai n rai; shi gaw nga yawng nga pra hpe hpan da ai wa rai nga ai: Israela gaw shi a sali wunli amyu rai nga ai; shi a amying gaw, Zaw nawng zaw wa up ai Yehowa rai nga ai.

Daniela 3:15

Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Daniela 3:18

Shi n mawai la dam timung, hkawhkam wa e, na a hpara ni hpe anhte daw jau na n rai; nang shadun da ai ja sumla hpe mung, nawku na ga ai n rai, chye nga u,” ngu nna hkawhkam wa hpe htan mu ai.

Daniela 3:19

Dai rai nna Nebuhkadneza n-yun bu ai hte, Shadrak, Meshak, Abed-nego majaw myi man hten nna, dai wan htung hpe shawng na hta, htam sanit kahtet shangun na matu, ga hkang dat mu ai.

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

1 KORINHTU 1:20

Hpaji byeng-ya rawng ai wa kanang nga a ta? laika ka ai sara kanang nga a ta? ndai mungkan ga na bawmung wa kanang nga a ta? Mungkan ga a hpaji byeng-ya hpe, Karai Kasang shangawk shangak kau ya nu ai, n rai ni?

1 KORINHTU 15:55

Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?

TARA JAHPRANG 32:18

Nang hpe sharat ai lunghkrung hpe n dum nit dai, Nang hpe shangai ai Karai Wa hpe malap nu ai.

TARA JAHPRANG 6:12

Egutu mung hte mayam nta na nang hpe shaw woi wa ai Yehowa hpe nang n malap kau n ga, sadi nga u.

TARA JAHPRANG 8:11

Dai ni ngai nang hpe htawn tsun ai hkang da ai ga, dawdan ai tara hte matsun maroi ga hpe n hkan kau nna, na a Karai Kasang Yehowa hpe malap kau ai kaw n du lit ga, sadi nga u:

HEBRE 11:15

Shanhte pru kau da ai buga hpe nan, bai dum ma ai rai yang gaw, nhtang wa lu na aten naw nga malu ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:9

Dai ni gaw lamu ga pang pat lung wa nna, chyoi pra ai ni a dap hte, dai tsawra ai mare hpe, wang nga ma ai: shaloi sumsing lamu de na wan hkrat nna, shanhte hpe hkru kau mu ai.