ESAIA 51:11 - Jinghpaw Hanson Version Bible

¹¹ Shing rai, Yehowa a lata hte hkye mawai la hkrum ai ni bai wa nna, Ziun bum de mahkawn mangoi let du na mara ai: shanhte a baw ntsa e, prat dingsa na kabu gara ai gaw, mara nga na ra ai; shanhte gaw sharawng awng nna, ngwipyaw ai lu la na mara ai; yawn hkyen ai hte madai ai gaw hkoi mat na ra ai.

Jinghpaw Common Language Bible 2009

¹¹ Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 51:11 ပူးပေါင်းရင်းမြစ်များ

SHAKAWN KUNGDAWN 126:2

Dai shaloi anhte a n-gup mani ai hte, Anhte a shinglet shakawn ai hte hpring nga ai: “Yehowa shanhte a matu bungli kaba galaw nu ai.” nga nna amyu masha ni tsun nga ma ai.

SHAKAWN KUNGDAWN 126:5

Myi prwi hte gat hkai ai ni, Kabu gara let bai shu lu na mu ai.

ESAIA 11:15

Yehowa mung, Egutu panglai a shinglet hpe atsai awai dawm kau nna, shi a kahtet la ai nbung hte rau, dai Hkanu ntsa e shi a lata nwat ai hte, dai hpe hkaraw sanit kayat shatai kau nhtawm, masha ni hpe hkarang ntsa hku rap wa shangun na ra ai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 44:23

Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.

ESAIA 48:20

Babelon mare na pru wa mu, Hkalde a masha ni kaw na hprawng wa mu: mahkawn mangoi ai nsen hte, Yehowa gaw shi a shangun ma Yaku hpe hkye hkrang la nu ai, nga nna lamu ga htum hkra tsun shabra mu.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ESAIA 55:12

Nanhte gaw kabu gara let pru wa nna, ngwipyaw ai hte woi wa ai hkrum na myit dai; bum ni hte kawng ni, nanhte a man e, mahkawn mangoi ai nsen hte garu nna, nam mali na hpun ni yawng, lahpawk dum na mara ai.

ESAIA 61:7

Nanhte kaya kahpa hkrum ai a malai, akyu htam lahkawng lu la nna, arawng hpoi hkrum ai a malai, shanhte a kumhtaw hta kabu gara lu na myit dai: dai rai nna shanhte gaw tinang a mung hta akyu htam lahkawng lu la nna, htani htana kabu gara ai hkrum na mara ai.

ESAIA 65:14

yu mu, nye a shangun ma ni gaw kabu gara ai myit hte mahkawn mangoi na mara ai, nanhte chyawm gaw myit yawn ai hte jahtau hkrap nna, myit htum ai hte sharung shayawt na myit dai.

ESAIA 65:19

Ngai gaw Yerusalem mare hta kabu gara nga nna, nye a amyu masha ni hta awng sharawng nga na nngai: dai mare hta htawm hpang e hkrap ngu hkrap ngoi ai nsen hte, hkrap shabam ai nsen, na lu na n rai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

SHINGRAN 21:1

Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.

SHINGRAN 21:4

shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.

SHINGRAN 22:3

Dagam dala ngu ai hpa mung htawm hpang n nga na ra ai; Karai Kasang hte Sagu Kasha a tingnyang gaw, dai mare kata e anga nga na ra ai rai nna, shi a shangun ma ni shi hpe daw jau na mara ai:

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.