ESAIA 51:10 - Jinghpaw Hanson Version Bible

¹⁰ Sung htum ai shara na nammukdara hka hpung ni hpe shahkyet kau nna, hkye mawai la hkrum ai ni lai lu na matu, nammukdara htumpa hku lam waw ai wa gaw, nang rai nga ai, n rai ni?

Jinghpaw Common Language Bible 2009

¹⁰ Dai daru magam n-gun hte panglai hka hpe nang shahkyet kau nna dai hka hku lam langai waw nga ndai, shaloi nang hkye da sai ni rap di lu ma ai.

ESAIA 51:10 ပူးပေါင်းရင်းမြစ်များ

SHAKAWN KUNGDAWN 106:10

N dawng ai ni a lata na, shi shanhte hpe hkye hkrang la nna, Gumlau ni a lata na, shanhte hpe mawai la mu ai.

SHAKAWN KUNGDAWN 106:9

Hkyeng ai Nawng hpe shi daru kau nna, dai gaw hkyet mat wa ai; Shi shanhte hpe hkarang e zawn, dai sung ai shara e, woi rap wa mu ai.

SHAKAWN KUNGDAWN 74:13

Nang gaw na a n-gun hte nammukdara hpe jahka nu ai; Hka kata na nga matse ni a baw, nang baw kau nu ai.

SHAKAWN KUNGDAWN 77:19

Na a lam nammukdara hta e rai nga nna, Nang sa ai hku, hka kaba ni hta e rai nga ai: Na a lagaw hkang hpe kadai n chye lu ai.

PRU MAT 14:29

Israela kashu kasha ni chyawm gaw dai nawng ka-ang hkarang hta e hkawm wa lu ma ai rai nna, hka dai gaw shanhte a hkra maga pai maga shakum tai nga malu ai.

PRU MAT 15:13

Nang hkye hkrang la ai amyu hpe, matsan dum ai hte nang woi wa nit dai; Na a chyoi pra ai nga shara de, na a chyeju ningsam hte nang shanhte hpe lam woi madun wa nit dai.

ESAIA 11:15

Yehowa mung, Egutu panglai a shinglet hpe atsai awai dawm kau nna, shi a kahtet la ai nbung hte rau, dai Hkanu ntsa e shi a lata nwat ai hte, dai hpe hkaraw sanit kayat shatai kau nhtawm, masha ni hpe hkarang ntsa hku rap wa shangun na ra ai.

ESAIA 11:16

Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 35:9

Dai lam hta hkanghkyi nga na n rai, matse labye mung lai na n rai; tam tim mu na n rai; bawng lawt ai ni hkrai dai hku lai na mara ai:

ESAIA 42:15

Ngai gaw bum ni hte kawng ni hpe shakrin kau nna, tu matu yawng hpe jahkraw kau na nngai: hka nu ni hpe zunlawng ngai shatai nna, hka lawng ni hpe shahkyet kau na we ai.

ESAIA 43:16

Nammukdara hta lam waw nna, hka kaba ni hta lam hpaw ai wa,

ESAIA 50:2

Ngai sa du yang hpa majaw masha kata, ngai shaga yang, htan ai wa hpa majaw n nga a ta? Nye a lata gaw gadun nna, n hkye hkrang la lu ai rai ni? ngai gaw mawai la lu na atsam n rawng a ni? Yu u, ngai daru yang, nammukdara ni hkyet kan mat nna, hka nu ni zaibru jang, tai mat wa ai: hka n nga ai majaw, nga ni hpang kara ai hte si wa nna, manam hkying nga ma ai.

ESAIA 62:12

Shing rai amyu baw ni gaw shanhte hpe, Chyoi pra ai amyu, Yehowa a lata hte Hkye hkrang la hkrum ai amyu, ngu nna shamying na maru ai: nang hpe mung, Mare dingsa n rai, Shanu nga mai ai mare, nga nna shamying na mara ai.

ESAIA 63:9

Shanhte nni nkri hkrum shagu hta, shi mung nni nkri dum nna, shi a man na lamu kasa gaw, shanhte hpe hkye hkrang la mu ai: shi tsawra ai hte matsan dum ai myit majaw, shi shanhte hpe mawai la nna moi na prat shagu hta pawn ba mu ai.

MIHKA 7:15

Egutu mung na pru wa ai shani e, nang mu ai hte maren, ngai shanhte hpe mauhpa amu bai madun na nngai.

ZEHKARIA 10:11

Shi gaw kyin dut ngu ai nawng hta rap lu nna, ngai gaw nammukdara hka leng ni hpe kayat kau na hte, Nila hka hpungla ni yawng, hkyet mat na mara ai: shing rai Asuri mung a gumrawng gumtawng shara yu mat nna, Egutu mung na hkawhkam sumdoi, htawm kau ai hkrum na ra ai.