ESAIA 51:1 - Jinghpaw Hanson Version Bible

¹ Dinghpring ai hku hkan nang nna, Yehowa hpe hkan tam ai ni e, nye a ga madat mara mu: nanhte hpe tawk la ai lunghkrung hte, nanhte hpe htu shapraw la ai nhkun hpe mada yu mu.

Jinghpaw Common Language Bible 2009

¹ Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

ESAIA 51:1 ပူးပေါင်းရင်းမြစ်များ

2 HKAWHKAM LABAU 15:2

shi gaw Asa hpe tau la na pru let, Asa e, Yuda hte Ben-yamin masha nlang hte e, nye a ga madat mara mu: nanhte gaw Yehowa hpang maga nga ai hte yang, shi gaw nanhte hte rau nga na ra ai; nanhte shi hpe tam yang mu na mu ai; shi hpe kau da yang, shi nanhte hpe mung kau da na myit dai.

2 HKAWHKAM LABAU 15:4

rai timung, shanhte ruyak hkrum let, Israela Karai Kasang Yehowa hpang de kayin tam wa yang, shanhte shi hpe mu mu ai.

SHAKAWN KUNGDAWN 24:6

Ndai amyu shi hpe tam ai amyu rai nga ai: Na a myi man hpe hkan tam ai ni Yaku rai nga ai. [Selah.]

SHAKAWN KUNGDAWN 94:15

Dingman ai lam gaw naw awlaw nga na rai nna, Myit malang ai ni yawng dai hku hkan nang na mara ai.

GA SHAGAWP 15:9

Tara n lang ai wa a lm hpe, Yehowa matsat nga ai; Dinghpring ai lam shachyut ai wa hpe chyawm gaw, shi tsawra nga ai.

GA SHAGAWP 21:21

Dinghpring ai hte chyeju lam hkan tam ai wa gaw, Asak hkrung ai, dinghpring ai hte arawng sadang mu la na ra ai.

ESAIA 45:19

Nsin sin ai lamu ga ginwang hkan e ngai mayun tsun ai, n rai; Ngai hpe kaman sha tam mi, nga nna Yaku a aru arat hpe ngai n tsun nngai: ngai Yehowa gaw dinghpring ai ga tsun nga nngai; tengman ai lam hpe ngai shana ya nngai.”

ESAIA 48:1

Yaku a dap nta na ni e, Israela ngu ai amying mying ai ni, Yuda hka hpawk kaw na pru ai ni; Yehowa a amying hta dagam nna, Israela Karai Kasang a mying gang timung, tengman ai hte dinghpring ai hku n hkan ai ni;

ESAIA 48:12

Yaku e, ngai shaga la ai Israela e, nye a ga madat u; Ngai dai wa nan rai nga nngai: shawng na wa mung, hpang jahtum na wa mung ngai rai nga nngai.

ESAIA 51:4

Nye a amyu e, nye a ga madat mara la mu; nye a amyu baw ni e, nye a ga na la mu: tara langai mi ngai kaw nna pru na ra ai rai nna, nye a dinghpring ai lam amyu baw ni a nhtoi tai na ra ai.

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

ESAIA 55:6

Yehowa hpe mu lu ai aten e shi hpe tam mu; shi naw ni nga yang, shi hpe hpyi shaga mu:

ESAIA 65:10

Ngai hpe tam ai, nye amyu a matu, Sharon layang gaw sagu udat, Ahkora kadit gaw, yamnga hpung ni a hpum shara, tai na ra ai.

AMO LAIKA (AMOS) 5:6

Yehowa hpe hkan tam mu, shaloi nanhte hkrung nga na myit dai; shing n rai, shi gaw Yawsep a nta ntsa e wan zawn lung nna, kadai n sat lu hkra, Betela shara hpe hkru kau na ra ai, nga ai.

ZEHPANI 2:3

Ga ntsa hta myit sumnung nga nna, Yehowa a tara hkan nang ai ni yawng hte e, Yehowa hpe hkan tam mu; dinghpring ai lam hte sumnung ai lam hpe tam manu: Yehowa a masin pawt ai nhtoi hta, nanhte hprawng makoi shara mu dam nhten.

MAHTE 5:6

Dinghpring ai hpe kawsi hpang kara nga ai ni gaw, a lu ma ai; kaning rai nme law, shanhte hkru kat wa lu na mara ai.

MAHTE 6:33

Nanhte chyawm gaw, shi a mungdan hte shi a dinghpring ai lam hpe shawng tam nga mu; shaloi dai nlang nanhte hpe kahtap jaw na marin dai.

ROMA 10:3

Karai Kasang a dinghpring ai lam hpe n chye n chyang ma ai rai nna, tinang a dinghpring ai lam hpe shagrin da na chyam yu ma ai majaw, shanhte Karai Kasang a dinghpring ai lam a npu e n taw ma ai.

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

HPILIPI 3:13

Hpunau ni e, dai hpe ngai hkap la lu ni ai, ngai hkum dai n myit nngai: rai timung, lam langai sha ngai hkan nngai;

1 TIMOHTI 6:11

Nang chyawm gaw, Karai Kasang a masha wa e, ndai lam hte hpe koi gam nga u: dinghpring ai, tara hkungga ai, kamsham ai, tsawra ai, shakut sharang ai hte sumnung ai myit hpe hkan shachyut nga u.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.