ESAIA 50:9 - Jinghpaw Hanson Version Bible

⁹ Yu u, Madu Yehowa ngai hpe karum na ra ai; ngai hpe dawdan ai wa gaw kadai rai ta? dai ni yawng hpun nba zawn dingsa mat na mara ai; manut e mung sha kau na maru ai.

Jinghpaw Common Language Bible 2009

⁹ Tsaw Htum ai dai Madu gaw shi nan ngai hpe makawp maga ya nga ai- Kadai wa ngai hpe mara lu ai ngu sakse hkam lu nga a ta? Ngai hpe mara tam ai ni yawng hkoi mat na mara ai; shanhte gaw manut e sha kau hkrum ai sumpan zawn tsam mat na mara ai.

ESAIA 50:9 ပူးပေါင်းရင်းမြစ်များ

YOBA 13:19

Ngai hpe mara madun ai wa, kadai rai ta? madun lu yang, ngai atsin sha nga nna, si hkam na nngai.

YOBA 13:28

nang gaw, nye a lagaw hpe sharen da nna, ngai sa wa ai lam shagu hpe matsing da ndai: ngai tsap nga ai grup yin e pyi, nhpan kum da ndai.

SHAKAWN KUNGDAWN 102:26

Dai ni hten wa ma timung, nang agrin nga ndai; Yawng gaw hpun nba zawn dingsa mat ma ai; Nang dai hte hpe nba zawn galai kau nna, Dai ni galai mat ma ai.

SHAKAWN KUNGDAWN 39:11

Yubak majaw nang daru nna, masha hpe ari jaw yang, nang shi a hpung hpe manut sha ai nba zawn, di kau ya wu ai: Masha mahkra gaw kaman lila sha rai nga ma ai. [Selah.]

SHAKAWN KUNGDAWN 54:6

Mayu hkungga ngai nang hpe jaw na nngai: Yehowa e, na a amying mai kaja nga ai majaw, Ngai dai hpe shakawn kungdawn na nngai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 54:17

Nang hpe hpyen na matu galaw ai ri nhtu, langai mi tai na n rai; nang hpe sumri dan na matu rawt ai tara agyi kadai hpe mung, nang dawdan na ra ai. Dai gaw Yehowa a shangun ma ni a sali wunli hte, ngai kaw na pru ai dinghpring ai lam rai nga ai,” nga nna Yehowa tsun ai.

YAKU 5:2

Nanhte a sutgan gaw yat mat ma ai rai nna, nanhte a hpun nba hpe manut e sha kau manu ai.