ESAIA 50:4 - Jinghpaw Hanson Version Bible

⁴ Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

Jinghpaw Common Language Bible 2009

⁴ Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 50:4 ပူးပေါင်းရင်းမြစ်များ

YOBA 4:4

Na a ga gaw kataw ai wa hpe shadaw ya nga ai, kya noi mat ai lahput ni hpe, nang shaja ya ndai.

SHAKAWN KUNGDAWN 119:147

Nhtoi garai n htoi yang, ngai jahtau nga nngai, Na a mungga hpe ngai myit mada nga nngai.

SHAKAWN KUNGDAWN 143:8

Nang hpe ngai shamyet shanat nga nngai majaw, Jahpawt manap e, na a chyeju ngai hpe shana ya e. Nang kaw nye a myit masin hpe ngai sharawt nga nngai majaw, Ngai sa wa ai lam ngai hpe sharin ya e.

SHAKAWN KUNGDAWN 40:7

Shaloi ngai gaw, “Yu u, ngai sa du ring ngai, Laika katsu hta nye a lam ka da nga ai.

SHAKAWN KUNGDAWN 45:2

Masha kasha ni hta nang ahpraw grau tsawm nga ndai. Na a n-gup hta chyeju ru bang ya nga ai. Dai majaw Karai Kasang gaw nang hpe tut tut shaman ya ndai.

SHAKAWN KUNGDAWN 5:3

Yehowa e, nang jau jau e nye a nsen na lu na ndai. Jahpawt manap e ngai na a matu hkungga lajang da nna, a mada nga nngai.

SHAKAWN KUNGDAWN 88:13

Ngai chyawm gaw, Yehowa e, nang hpe shaga nga nngai; Jahpawt e, nye a akyu hpyi ai ga na a man e du nga ai.

GA SHAGAWP 12:25

Myit ru ai lam gaw, gum dagup shangun nga ai; Ngwipyaw ai ga chyawm gaw, kabu gara shangun nga ai.

GA SHAGAWP 15:23

Masha gaw tinang htan ai ga hta kabu nga lu ai; Ahkyak e tsun ai ga gaw, gade pyaw nga a hka!

GA SHAGAWP 25:11

Htaphtuk ai ga gaw, gumhpraw hta ka hkrep ai, Aja makawk si hte bung nga ai.

ESAIA 28:19

Dai galoi du jang, nanhte hpe dep na ra ai; lahpawt mi hte lahpawt mi, shani shana dai gaw du pru nna, de a lam shiga na yang pyi hkrit kajawng shara rai nga ai.

ESAIA 28:9

“Dai myihtoi wa gaw kadai hpe sharin mayu a ta? shi tsun ai shiga, kadai hpe chye shangun a ta? Chyu chyu nna, kanu a madoi chyu hpang hta hka ai ni hpe, rai kun?

ESAIA 35:5

Dai shaloi e myi hten ai ni, myi mu lu nna, na n na ai ni, na lu na mara ai.

ESAIA 40:29

Shi gaw n-gun yawm ai ni hpe n-gun shaja nna, atsam n rawng ai ni hpe, atsam shalaw wu ai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

ESAIA 8:16

Nye a sape ni kaw, ndai sakse ga hpe kyem da u, ndai tara hpe dazik shakap da u.

YEREMIA 1:9

Bai Yehowa gaw shi a lata ladawn nna, nye a n-gup hpe ahtawk let, “Yu u, na a n-gup hta nye mungga hpe ngai bang da se ai:

YEREMIA 31:25

Hki ba hkrum ai myit masin hpe ngai jahkru shakat nngai; yawn hkyen hkrum ai ni yawng hpe, ngai shalan shabran nngai.

EZEKELA 46:13

Bai, shani shagu Yehowa hpe nawng ya na wan nat hkungga matu, ra n rawng ai hte ladu hkrum ai sagu kasha langai mi nang shapraw ya na ndai; jahpawt shagu dai hpe shapraw ya na ndai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 13:54

Shi a buga de sa du wa yang shanhte a tara jawng ni hta shanhte hpe sharin shaga ya nga ai; dai rai nna, shanhte gaw myit amau nga ai hte, “Ndai wa gaw, ning re ai hpaji byeng-ya hte daru magam atsam gaw, kanang na lu la wu hka?

MAHTE 22:46

Kadai wa mung, ga hkaw mi pyi shi hpe n htan lu mu ai hte, dai shani kaw nna htawm hpang de kadai wa mung shi hpe hpa ga pyi n san wam mu ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

LUKA 4:22

Nlang hte gaw shi a lam sakse hkam ya ai hte, shi a n-gup hta na pru ai chyeju ga majaw mau nga nna, “Ndai wa gaw Yawsep a kasha n rai nga a ni?” nga nna tsun shajang ma ai.

YAWHAN 7:46

“Wora wa zawn nga nna sharin shaga ai kadai mung n nga yu ai,” ngu nna htan mu ai.

TARA JAHPRANG 18:17

Yehowa mung, “shanhte tsun ai ga htuk nga malu ai.

TARA JAHPRANG 18:18

Shanhte a kahpu kanau ni hta na nang zawn re ai myihtoi langai mi, shanhte a matu ngai paw pru shangun na we ai rai nna, dai wa a n-gup hta nye a ga ngai hti bang na hte, ngai hkang da mada hte maren shi shanhte hpe htawn tsun na ra ai.