ESAIA 50:2 - Jinghpaw Hanson Version Bible

² Ngai sa du yang hpa majaw masha kata, ngai shaga yang, htan ai wa hpa majaw n nga a ta? Nye a lata gaw gadun nna, n hkye hkrang la lu ai rai ni? ngai gaw mawai la lu na atsam n rawng a ni? Yu u, ngai daru yang, nammukdara ni hkyet kan mat nna, hka nu ni zaibru jang, tai mat wa ai: hka n nga ai majaw, nga ni hpang kara ai hte si wa nna, manam hkying nga ma ai.

Jinghpaw Common Language Bible 2009

² “Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 50:2 ပူးပေါင်းရင်းမြစ်များ

NINGPAWT NINGHPANG 18:14

Yehowa n di lu ai amu lama mi nga a ni? Nhtoi gu jang ngai nang hpang de bai du na ring ngai rai nna, Sara gaw shadang sha lu na ra ai,” ngu wu ai.

2 HKAWHKAM LABAU 32:15

Dai re ai majaw, Hezekia gaw nanhte hpe ndai lam hku n hkalau kau u ga, shi a ga hpe mung hkum kam myit; Hpara tsasam ni gaw, tinang a amyu ni hpe, nye a lata hte, ji wa ni a lata na, hkye mawai la lu ai n rai: dai hta grau nna nanhte a Karai Kasang gaw, nanhte hpe nye a lata na hkye mawai la lu na n rai, ngu nna htet dat mu ai.

SHAKAWN KUNGDAWN 106:9

Hkyeng ai Nawng hpe shi daru kau nna, dai gaw hkyet mat wa ai; Shi shanhte hpe hkarang e zawn, dai sung ai shara e, woi rap wa mu ai.

SHAKAWN KUNGDAWN 107:33

Mung masha ni a n hkru ai amu majaw, Shi gaw hka nu ni hpe zaibru jang,

PRU MAT 14:21

Shaloi Mawshe dai nawng ntsa e shi a lata ladawn wu ai; Yehowa mung shana tup nachying ja ai sinpraw nbung hte dai hka hpe shabai kau dat wu ai rai nna, dai nawng gaw hkarang tai mat nga ai: dai hka mung ga karan mat nga ai.

PRU MAT 14:29

Israela kashu kasha ni chyawm gaw dai nawng ka-ang hkarang hta e hkawm wa lu ma ai rai nna, hka dai gaw shanhte a hkra maga pai maga shakum tai nga malu ai.

PRU MAT 7:18

hka hta rawng ai nga ni mung si ma na mara ai; dai hka mung manam hkying mat na ra ai; Egutu masha ni mung dai hka lu na matsat na mara ai, ngu nna hkap tsun u, ngu wu ai.

PRU MAT 7:21

Hka hta rawng ai nga ni mung si mat ma ai rai nna, dai hka manam hkying nga ai majaw, Egutu masha ni hka dai hpe n lu lu mu ai: Egutu mung ting gaw asai hkrai pri rai nga ai.

GA SHAGAWP 1:24

Ngai shaga yang, nanhte n dang kau ai hte, Ngai lata ladawn yang kadai mung n matsing nga ai sha,

ESAIA 11:15

Yehowa mung, Egutu panglai a shinglet hpe atsai awai dawm kau nna, shi a kahtet la ai nbung hte rau, dai Hkanu ntsa e shi a lata nwat ai hte, dai hpe hkaraw sanit kayat shatai kau nhtawm, masha ni hpe hkarang ntsa hku rap wa shangun na ra ai.

ESAIA 19:5

Shaloi nammukdara hka gaw yawm mat nna, Hkanu gaw hkyet kan mat na ra ai:

ESAIA 23:11

Yehowa gaw nammukdara ntsa e shi a lata ladawn let, mungdan ni hpe ashun awam dat wu ai; Hkanan mung na hpyen dap ni hpe jahten na matu, shi gaw ga hkang da sai.

ESAIA 36:20

Yehowa gaw Yerusalem mare hpe nye a lata na hkye hkrang la lu hkra, mung shagu na Hpara ni mahkra hta, gara mahtang tinang a mung hpe nye a lata na hkye hkrang la lu na rai ta?” ngu nna jahtau tsun wu ai.

ESAIA 41:28

Shanhte hpe mada yu yang, masha ngu na n nga ai; shanhte hte bawng yu mayu yang, ga htan chye ai wa langai mi muk n nga ai.

ESAIA 42:15

Ngai gaw bum ni hte kawng ni hpe shakrin kau nna, tu matu yawng hpe jahkraw kau na nngai: hka nu ni hpe zunlawng ngai shatai nna, hka lawng ni hpe shahkyet kau na we ai.

ESAIA 43:16

Nammukdara hta lam waw nna, hka kaba ni hta lam hpaw ai wa,

ESAIA 44:27

sung htum ai hka hpe, Hkyet mat u; ngai gaw na a hka nu ni hpe shahkyet kau na nngai, nga nna tsun ai wa;

ESAIA 51:10

Sung htum ai shara na nammukdara hka hpung ni hpe shahkyet kau nna, hkye mawai la hkrum ai ni lai lu na matu, nammukdara htumpa hku lam waw ai wa gaw, nang rai nga ai, n rai ni?

ESAIA 54:6

Kabai kau hkrum nna gawng run hkawm ai hte, ram prat e jan tai nna, jahka kau hkrum ai num hpe zawn, madu jan bai tai na, Yehowa nang hpe shaga nit dai, nga nna na a Karai Kasang tsun nga ai.

ESAIA 59:1

Yu u, Yehowa gaw n hkye la lu hkra, lata gadun ai n rai; n na lu hkra, na lahpang ai n rai:

ESAIA 59:16

Karum ai wa n nga ai gaw shi mu nna, htinglu htinglai ai wa n nga ai majaw, shi mau nga ai; dai rai nna shi a lata gaw, tinang matu hkye hkrang la ai lam shapraw nna, shi a dinghpring ai lam gaw, shi hpe shadaw ya nga ai.

ESAIA 63:13

prang ga e gumra hpe gau ai zawn, abai ala n hkrum ai sha, sung htum ai shara hta shanhte hpe woi wa ai wa gaw, kanang rai nga a ta? nga ai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

ESAIA 65:12

nanhte a Auba gaw nhtu rai nga nna, sat kau hkrum na matu yawng gum dagup na marin dai: kaning rai nme law, ngai shaga yang, nanhte n htan, ngai tsun yang, nanhte n madat myit dai: nanhte gaw nye a man e n kaja ai hku galaw nna, ngai n ra ai hpe lata la myit dai.

ESAIA 66:4

Ngai mung, shanhte hkan ai kaman lila lam san da nna, shanhte hkrit nga ai hpe shanhte a ntsa e shapraw na nngai: kaning rai nme law, ngai shaga yang, htan ai wa n nga ai; ngai ga tsun yang, shanhte n madat ma ai: shanhte gaw nye a man e n hkru ai amu galaw nna, ngai n ra ai hpe lata la ma ai.

YEREMIA 14:9

Mak mat ai wa hte, n mawai la lu ai share wa zawn, hpa majaw tai nga n ta? gaja wa, Yehowa e, nang gaw anhte a ka-ang e shanu nga ndai; anhte gaw na a mying hte shamying ai ni tai saga ai; anhte hpe hkum kau da mi law.

YEREMIA 35:14

Tsabyi jahku n lu na matu, Rehkab a kasha Yonadab gaw, shi a kashu kasha ni hpe htet da ai ga grin nga nna, shanhte gaw tinang a kawa htet da ai hte maren, dai ni du hkra tsabyi jahku n lu ma ai: ngai chyawm gaw jau jau rawt nna, nanhte hpe a tsun nga timung, nanhte nye a ga n madat myit dai.

YEREMIA 35:15

Dai hta kaga ngai gaw jau jau rawt nna, nye a shangun ma myihtoi ni mahkra hpe mung, nanhte hpang de shangun dat nna, Nanhte langai hte langai hkan ai n hkru ai lam hpe koi kau mu; nanhte a arawn alai hpe shading mu; hpara tsasam ni hpe daw jau na matu hkum hkan myit; shing rai nanhte hte nanhte a nji nwa ni hpe ngai jaw da ai mungdan hta, nanhte shanu nga lu na myit dai, ngu tsun da timung, nanhte gaw tinang na pat kau nna, nye a ga n madat myit dai.

YEREMIA 5:1

Ngai gaw, Yerusalem mare hpe yubak shalawt dat lu hkra, dinghpring ai hku hkan nna, kangka lam tam ai wa langai ngai nga yang, dai wa hpe mu hkrup hkra, mare lam ni hte htingwan hkan e gat kahkrang hkawm nna sawk yu mu:

YEREMIA 7:13

Ya, Yehowa ning nga ai, Nanhte gaw ndai amu mahkra hpe galaw ai majaw mung, ngai jau jau rawt nna, nanhte hpe shadum jahprang timung, nanhte n madat ai hte, ngai shaga yang, n htan hkraw ai majaw mung,

YEREMIA 7:27

Nang gaw ndai ga mahkra shanhte hpe tsun lu timung, shanhte nang hpe n madat na ma ai; nang shaga timung, shanhte n htan na ma ai.

YEREMIA 8:6

Ngai atsawm sha madat yu yang, shanhte gaw malang ai ga n tsun ma ai; “Ngai hpa galaw hkrup se ai i?” nga nna tinang shut ai hpe dum let, kadai mung myit nem ai n rai; hpyen htim ai gumra zawn, langai hte langai tinang lam hta gat hkawm ma ai.

Daniela 3:15

Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Daniela 3:29

Dai re ai majaw, masha amyu baw shagu hte, ga amyu kaga ga tsun ai amyu ni hta na langai ngai, Shadrak, Meshak, Abed-nego a Karai Kasang hpe shatan yang, dai ni gaw kahtum gadaw di ai hkrum mu ga; shanhte a nta ni nga hkyi sumpum tai u ga, nga nna ngai hkang da ni ai: kaning rai nme law, dai zawn hkye hkrang la lu ai Karai Kasang shaje n nga ai,” nga nna tsun nhtawm,

Daniela 6:20

Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.

Daniela 6:27

shi hkye hkrang la nna mawai la lu ai; sumsing lamu hte ginding aga hta lamik kumla hte mauhpa amu shi galaw nga ai; shi gaw Daniela hpe hkanghkyi ni a n-gup na mawai la lu ai,” ngu nna ka shabra dat wu ai.

HOSEA 11:2

Myihtoi ni gaw shanhte hpe je shaga, shanhte je lam dam mat wa ma ai: shanhte gaw Balim hpara ni hpe hkungga nawng ya nna, tawk ai sumla ni hpe manam pyaw ai baw nat nawng ya ma ai.

HOSEA 11:7

Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

NAHUM 1:4

Shi gaw nammukdara hpe daru nna, shahkyet kau wu ai; hka nu ni yawng hpe, hkyet kan mat shangun wu ai: Bashan hte Hkarmela bum gaw nyip nyui mat ma ai; Lebanon apu mung, hkraw mat nga ai.

HABAKU 3:8

Yehowa gaw hka nu ni hpe, myit kahtet nga ai, rai ni? Na a gumra ni hte, hkye hkrang la ai hpyen leng ni a ntsa e, nang jawn wa ai du hkra, Hka nu ni hpe nang masin pawt wa nna, Nammukdara hpe n-yun bu nga ai, rai ni?

BU HKAWM 11:23

Shaloi Yehowa Mawshe hpe, “Yehowa a lata gadun li ni? nye a ga tup n tup gaw ya nang mu na rin dai,” ngu wu ai.

MARKU 4:39

Dai majaw shi rawt nna, nbung hpe daru wu ai hte, dai nawng hpe, “Atsin sim rai nga u,” ngu wu ai. Dai nbung mung num mat wa nna, a katsi sha rai mat wa ai.

YAWHAN 1:11

Shi gaw shi a mung ga de du sa ra ai rai timung, shi a baw sang ni gaw shi hpe n hkap la ma ai.

YAWHAN 3:19

Tara dara ngu ai mung, Nhtoi gaw mungkan ga de shang sai, rai timung, masha ni a arawn alai n shawp nga ma ai majaw, shanhte gaw nhtoi hta nsin hpe grau tsaw ma ai, dai gaw tara dara hkrum ai lam nan rai nga ai.

YAWSHU 3:16

hka hku de na lwi hkrat wa ai hka gaw dai yang hkring mat nna, grai tsan ai Zarehtan makau na Adam mare du hkra rawt tsaw mat wa ai; pa nawng ngu ai Jum Nawng de lwi wa ai hka mung atsai awai hkyet mat nna, amyu masha ni gaw, Yerihko ang hku rap wa ma ai.