ESAIA 5:8 - Jinghpaw Hanson Version Bible

⁸ Tinang ni hkrai lamu ga ka-ang e dè nga nna, man ai shara n nga lu hkra, nta mi hte nta mi, hkauna mi hte hkauna mi matut la ai ni gaw, dingnye lu ma ai.

Jinghpaw Common Language Bible 2009

⁸ Nanhte gaw dingnye hkrum nga myit dai! Nanhte gaw nanhte hkam la lu sai hta jat nna dum nta ni hte yi sun ni hpe grau mari da nga myit dai. Kade n na yang, dai shara hta marai langai mi nga na shara nga na ra ai n rai, nang chyu sha dai lamu ga hta nga na rai ndai.

ESAIA 5:8 ပူးပေါင်းရင်းမြစ်များ

YOBA 15:28

Katsi katsang re ai mare hta shi nga nga nna, masha n mai rawng ai, daw hten magang wa ai, nta htingkraw ni hta, shi rawng nga ai.

YOBA 20:21

Shi a lawhpa ai n-gup hta hpa mung ngam nga ai, n rai; dai re ai majaw shi a sutgan grin nga ai, n rai.

GA SHAGAWP 15:27

gumhpraw maji ai wa gaw, tinang a nta hpe sharu shatsang nga ai; Sake manawn matsat ai wa chyawm gaw, asak hkrung na ra ai.

EZEKELA 33:24

“Masha kasha e, marawng marang tai mat ai Israela mung hta e naw shanu nga ai ni gaw, ‘Abraham shi hkrai sha nga timung, dai mungdan hpe sali wunli hkam la lu ai: anhte mahtang law nga ga ai; dai mungdan hpe anhte a matu sali wunli jaw da ma ni ai,’ nga nna tsun ma ai.

AMO LAIKA (AMOS) 1:13

Yehowa ning nga ai: Ammon a kashu kasha ni a yubak masum hta n-ga, yubak mali majaw, ngai ari n jaw ai, nga na n rai; kaning rai nme law, shanhte gaw, tinang a lamu ga hpe maden jat na matu, Gelead mung na na-um nasin re ai num ni hpe ahkri ga kau manu ai:

MIHKA 2:1

Tinang a yup ku ntsa e n kaja ai hku maw nna, n hkru ai lam galaw ai ni gaw, dingnye lu ma ai: shanhte gaw tinang a lata hta ahkang aya lu ai majaw, jahpawt nhtoi htoi jang, dai lam shabyin ma ai.

MIHKA 2:2

Dai ni gaw, yi hkauna marit nna kashun la ma ai; nta hpe ra nna, gare la ma ai; kaja ai wa hte shi a dap hpe, madu hte shi a sali wunli hpe, adip arip di kau mu ai.

HABAKU 2:6

Shanhte nlang hte gaw, shi a lam ga shadawn hku tsun nna, shatan nhkan gumwai ga shapraw let, Tinang a n re ai sutgan mahkawng da nna, tinang a ntsa e ru hka shalaw ai wa gaw, dingnye lu u ga: gaten du hkra dai zawn nga nga na kun? nga nna tsun na ma ai, n rai ni?

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.