ESAIA 5:7 - Jinghpaw Hanson Version Bible

⁷ Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

Jinghpaw Common Language Bible 2009

⁷ Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 5:7 ပူးပေါင်းရင်းမြစ်များ

NINGPAWT NINGHPANG 4:10

Shaloi Yehowa gaw, “Nang hpa di nu ta? Nnau wa a asai nsen gaw ga de nna ngai hpe jahtau nga ai.

2 SAMUELA 7:10

Nye a amyu Israela matu mung, nga shara ngai tawn da nna, htawm hpang de shanhte shamu shamawt n re ai sha, tinang shara e nga grin lu hkra, ngai shanhte hpe shangang na we ai:

YOBA 34:28

Dai re ai majaw matsan chyaren ai ni a jahtau shaga ai nsen shi kaw du nna, nni nkri hkrum ai ni a jahtau shaga ai nsen shi na wu ai.

SHAKAWN KUNGDAWN 147:11

Yehowa gaw shi hpe hkrit kamyin ai ni hte, Shi a chyeju hpe myit mada ai ni hta, awng nga ai.

SHAKAWN KUNGDAWN 149:4

Kaning rai nme law, Yehowa gaw shi a amyu hta, awng nga ai rai nna, Myit gyip nga ai ni hpe hkye hkrang la ai hte, mawn sumli mu ai.

SHAKAWN KUNGDAWN 80:15

Na a hkra lata hkai da nna, Na a matu nang lata la ai lakung hpe, lanu nga u.

PRU MAT 3:7

Bai Yehowa gaw, “Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai:

GA SHAGAWP 21:13

Matsan mayan ni hpyi jahtau yang, na pat kau ai wa gaw, Tinang nan jahtau yang, kadai mung n madat nga ai.

HPAJI NINGLI 4:1

Bai, jan a npu e zingri zingrat ai lam yawng hpe ngai sumru yu nngai: zingri zingrat hkrum ai ni myi prwi pru timung, shalan shabran ai wa n nga ai; zingri zingrat ai ni adip arip di timung, shalan shabran ai wa n nga ai.

Shawlumon A Mahkawn Ga 7:6

Nja jan e, ngwi ngawn nga na matu, Nang gade tsawm htap nna pyaw nga a hka!

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 1:6

Lagaw lahpan kaw nna baw pungding du hkra, hkam kaja ai hpa mung n nga ai; nma hpye ai, hkala nba ai hte kayat ai hkang katsing hkrai rai nga ai: dai hpe mazang lu ai n rai; ahkang kayawp nga ai n rai; namman hte garai n shakya lu ai.

ESAIA 27:2

Dai shani e, tsabyi sun hpe lakap nna mahkawn mangoi mu.

ESAIA 3:14

Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 3:15

nye a amyu masha ni hpe adip arip di kau nna, matsan mayan ni hpe myi man jasum ai gaw, hpa majaw rai ta? nga nna Zaw nawng zaw wa up ai, Madu Yehowa tsun nga ai.

ESAIA 3:17

Madu gaw, Ziun shayi sha ni a baw pungding hpe hpye shakan kau ya ai hte, Yehowa gaw shanhte a hpun palawng sharun kau ya nna, kaya jahkrum na mu ai.

ESAIA 30:12

Dai re ai majaw, Israela a Chyoi pra ai Wa gaw, “Nanhte nan ndai mungga hpe n kaw n law di nna, myit magaw ai lam hte adip arip re ai hpe kam let dai hta manoi nga myit dai majaw, nanhte a yubak gaw,

ESAIA 46:12

Myit ja nna dinghpring ai lam hte tsan ai ni e, nye a ga madat mu:

ESAIA 5:2

shi dai hpe htu lajang nna, nlung ni rawm kau nhtawm, kaja htum ai tsabyi ru ni hkai da wu ai; de a ka-ang e shi langchyi gap da nna, tsabyi shup ai htumrin tawk da wu ai: dai sun hta tsabyi si kaja si na shi myit mada nga timung, tsabyi chyalam hkrai si nga a hka.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 59:14

Tengman ai tara gaw, kanut mat wa sai; dinghpring ai gaw, tsan tsan e tsap nga ai; tengman ai gaw mare lam hkan e kadawng mat sai; malang ai myit gaw shang lu ai n rai.

ESAIA 59:4

Dinghpring ai hku hkan nna sa shawk ai gaw, kadai n nga ai; tengman ai hku hkan nna tara dara ai gaw, kadai n nga ai: shanhte kaman lila hta shamyet shanat nna masu ga tsun ma ai; shanhte gumlau gumle hte na-um nasin rai nga nna, masu magaw shangai dat mu ai.

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

YEREMIA 12:10

Law la ai sagu rem ni gaw, nye a tsabyi sun hpe jahten kau manu ai; shanhte gaw nye a sali wunli hpe kabye kau manu ai; nye a pyaw la ai kumhtaw hpe, shingran katsi ai zaibru jang shatai kau manu ai.

YEREMIA 24:2

Ka langai mi hta, shawng myin ai, lakum si zawn, ja ai lakum si rawng nga ai; langai mi hta gaw, grai n ja ai, n sha mai ai lakum si rawng nga ai.

YEREMIA 50:46

Babelon mare hpe gasat la ai nsen majaw, lamu ga gari nga ai; de a ngoi kadu ai nsen hpe, masha amyu ni na lu ma ai.

EZEKELA 22:29

Mung masha ni gaw adip arip hpya lu hpya sha ai amu hkan galaw ma ai; gaja wa, nni nkri hte matsan mayan hkrum ai ni hpe, zingri mu ai; malet nhprang manam hpe mung, pagawn di kau mu ai.

HOSEA 10:1

“Israela gaw asi si ai, ring ai tsabyi ru rai nga ai: asi law ai made, shi gaw tawn hkungri ni hpe shalaw wu ai; shanhte a mungdan mai kaja ai hte maren, shanhte gaw tsawm ai shadaw sumla ni hpe sharawt ma ai.

MIHKA 6:12

Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

MIHKA 6:8

Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

HABAKU 1:3

Nang hpa majaw n shawp n kap ai amu, ngai hpe madun dan nna, myit magaw ai lam mu shangun nga n ta? hten byak ai hte kashun kashe, nye a man e rai nga nna ndang kalang hkat ai hte, ga law ga la ai, law htam nga ai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

MAHTE 23:23

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw shingtawn pan, pansoi, hpakgyi tum re ai ni hta na, htamshi hta htammi lahkawn la ninglen, dai jep ai tara hta lawm ai grau akyu rawng ai, dinghpring ai, matsan dum chye ai hte kamsham ai lam hte hpe nanhte lai kau da myit dai: shawng de na hpe mung galaw lu nna, hpang de na hpe mung n lai kau taw gaw, mai nga ai.

LUKA 18:7

Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

YAWHAN 15:2

Ngai hta asi n si ai lakung shagu hpe gaw, shi krum kau wu ai: asi si ai lakung shagu hpe chyawm gaw, asi grau si u ga nga, tsan kau ya wu ai.

TARA JAHPRANG 15:9

Na a kraw hta n shawp ai myit rawng nna, Sanit ning ngu na raw dat ningdaw du magang ra ai nga, dum let, dai matsan mayan hpunau wa hpe lahpawt ai myit hte hpa n jaw ai nga nna, dai wa Yehowa hpe jahtau shaga yang na ntsa e yubak n du lit ga, sadi nga u.

YAKU 5:4

Yu mu, nanhte a yi hkauna ni hpe dan shangun nhtawm, nanhte hkalem sha kau ai bungli galaw ai ni a shabrai gaw, jahtau nga ai rai nna, mam dan ai ni a garu ai nsen mung, dai Madu Seba-ut a na hta e hkrang shang wa sai.