ESAIA 5:6 - Jinghpaw Hanson Version Bible

⁶ Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

Jinghpaw Common Language Bible 2009

⁶ Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 5:6 ပူးပေါင်းရင်းမြစ်များ

1 HKAWHKAM 17:1

Shaloi Gilead mung e sa nga ai Tirbi masha Elia gaw, Ahab hpe, “Ngai daw jaw nga ai Israela Karai Kasang Yehowa hkrung nga ai hte maren ngai n tsun yang gaw, ya kaw nna mari mung n hkrat, marang mung n htu na ra ai,” ngu wu ai.

1 HKAWHKAM 8:35

“Nang hpe shut ai mara majaw marang n htu nna jan gri nga yang, shanhte gaw dai shara de yawng let, akyu hpyi nna, nang shanhte hpe ari jaw ai majaw, na a amying nsang hpe yin la let tinang a yubak hpe kau da ma yang;

YOBA 31:40

hkaulan mam a malai ju hpun, muk-yaw mam a malai manam tsing lu u ga law,” nga ai. Yoba tsun ai ga htum sai.

GA SHAGAWP 24:31

Yu u, ju hpun hkrai tu nna, Ga ting tsamat ka-up nga ai hte De a nlung bunghku run mat nga ai hpe, ngai mu nngai.

ESAIA 24:12

Mare kata e shingran katsi ai hkrai ngam nga nna, mare chyinghka gaw agrawp run kau ai hkrum nga ai.

ESAIA 30:23

Bai, Yehowa gaw, na a yi hkauna hta nang gat ai nli a matu, marang jahtu nna, lamu ga a nsi naisi hta na muk law wa na ra ai; dai gaw dwi sau ai hte n taw n tsang rai nga ai: dai shani e na a yamnga ni gaw, dam lada ai udat shara hta sha nga na mara ai.

ESAIA 32:10

N dum shami nga ai num ni e, laning mi daram lai yang, nanhte myit ru na marin dai; kaning rai nme law, tsabyi si shu ai aten htum mat na ra ai; nmut ta shang lu na n rai.

ESAIA 49:19

Na a akrin akraw, katsi katsang re ai shara ni hte, hten byak hkrum ai mungdan a malai, ya kaw nna masha law ai majaw, shara gyeng na ra ai; nang hpe mayu kau ai ni mung, tsan mat na mara ai.

ESAIA 55:13

Ju hpun a malai marau hpun, ju singwum a malai jangnai hpun tu na ra ai: dai gaw Yehowa man e n hten n run ai, htani htana amying shingteng hte sakse kumla tai na ra ai.

ESAIA 7:19

shanhte nlang sa du nna, mahkra gaw shingran katsi ai kadit ni hta mung, lungbra shara ni hta mung, ju hpun nhpan ni yawng hta mung, udat shara ni yawng hta mung, shanu nga na mara ai.

YEREMIA 14:1

Jan gri ai lam lakap nna, Yeremia kaw du ai Yehowa mungga gaw: Yuda mung sharung shayawt nga nna, de a mare chyinghka ni gawng kya nga ma ai; mung masha ni gaw chyang ai hpun palawng bu hpun let ga hta dung nga nna, Yerusalem masha ni hkrap shabam ai nsen lung wa sai.

YEREMIA 14:22

Maigan masha ni a hpara sumla ni hta, marang jahtu lu ai wa, nga a ni? lamu gaw shi hkrai marang htu lu a ni? Anhte a Karai Kasang Yehowa e, ndai lam nang hkrai shabyin lu ai, n rai ni? dai re majaw, anhte nang hpe ala nga ga ai; ndai lam yawng nang tawn da nit dai.

YEREMIA 25:11

Ndai mung ting katsi katsang hte mauhpa shara tai na ra ai: ndai amyu ni gaw sanit shi ning tup Babelon hkawhkam a mayam ni tai na mara ai, nga nna Yehowa tsun ai.

YEREMIA 45:4

Yehowa ning nga ai, Shi hpe ning ngu htawn tsun u: Yu u, ngai galaw da ai hpe, ngai run kau na nngai; ngai hkai da ai ngu ai, ndai mung ting hpe, ngai baw kau na nngai.

SHARUNG SHAYAWT 2:6

Shi gaw shi a wang hpe sun zawn aja awa la kau nna, shawa zuphpawng shara hpe jahten shabyak kau nu ai; Ziun mare e galaw ai ndat da ai poi hte, laban nhtoi hpe, Yehowa malap kau shangun nu ai: Shi pawt sindawng let, hkawhkam wa hte hkinjawng wa hpe mung, n kaw n law di kau nu ai.

HOSEA 3:4

Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

HOSEA 9:6

Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

YOELA 1:7

Shi gaw nye a tsabyi ru hpe shaza kau nna, nye a lakum hpun hpe agrawp kau nu ai: shi dai hpe atsai awai hpyi gaw kau nna, kabai kau nu ai; de a lakung lakying ni hpraw nga ai.

AMO LAIKA (AMOS) 4:7

Dai hta kaga ngai gaw, nmut ta garai n du yang, shata masum, nanhte a ntsa e marang n htu shangun ni ai; mare langai mi a ntsa e marang jahtu nngai, bai langai mi a ntsa e jahpawng da nngai; mungdaw mi a ntsa e marang htu, n htu ai mungdaw mahtang, hkun hkraw nga ai.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

TARA JAHPRANG 29:23

htawm hpang prat na nanhte a kashu kasha ni hte sumtsan mung na sa ai tsasam wa mu ma yang, masha amyu myu ni gaw, “Ndai mungdan hpe hpa majaw Yehowa ning di wu ai i? Nde wa pawt ai sindawng gaw kaning re ai i?” nga nna san shajang na mara ai.

SHINGRAN 11:6

Shan a myihtoi htoi ai nhtoi hte hta marang n htu lu u ga, lamu hpe pat kau na ahkang shan lu ma ai; hka nu ni hte hka htung ni hpe sai shatai na hte, galoi galaw mayu yang, shan gaw ga ntsa hpe ana ahkya amyu myu hte tsin-yam dat na ahkang mung, lu ma ai.