ESAIA 5:26 - Jinghpaw Hanson Version Bible

²⁶ Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

Jinghpaw Common Language Bible 2009

²⁶ Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 5:26 ပူးပေါင်းရင်းမြစ်များ

SHAKAWN KUNGDAWN 60:4

Tengman ai lam majaw sharawt na dawnghkawn gaw, Nang hpe hkrit kamyin ai ni hpe, nang jaw nit dai. [Selah.]

SHAKAWN KUNGDAWN 72:8

Nammukdara kaw nna nammukdara du hkra, Uhprat hka nu kaw nna lamu ga htum hkra, shi up nga u ga.

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 13:2

Krin ai bum ntsa e dawnghkawn sharawt mu; nsen kaba hte shanhte hpe jahtau mu; shanhte gaw du magam ni a chyinghka ni hta shang lu hkra, lata wak mu.

ESAIA 13:3

Nye a lam hta tinang hkum nawng kau ai ni hpe ngai htet da nna, ngai pawt sindawng ai shakawp na matu, nye a share ninghkrin ni hte nye a arawng sadang hta ninglaw ai ni hpe, ngai shaga la ni ai.

ESAIA 13:4

Masha wunawng wuwa kaba wu ngoi ai zawn, bum ni a ntsa e wu ngoi a hka! Masha amyu ni a mungdan ni zuphpawng nga ma ai majaw, wu kadu a hka! Zaw nawng zaw wa up ai Yehowa gaw hpyen gasat na matu amyu baw ni hpe hpyen saw nga ai.

ESAIA 13:5

Mungdan ting hpe jahten shabyak na matu, Yehowa hte rau, pawt sindawng ai hpyen ri nhtu ni gaw, sumtsan mung kaw nna, lamu htum ai de na, du shajang ma ai.

ESAIA 18:3

Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 30:16

Nanhte mahtang, ‘N rai law, anhte gumra hte hprawng na ga ai,’ nga nna tsun myit dai majaw, gaja wa hprawng na myit dai; ‘Anhte laram ai gumra jawn na ga ai,’ nga myit dai majaw, nanhte hpe hkan shachyut ai ni, lawan na mara ai.

ESAIA 31:9

Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 39:3

shaloi myihtoi Esaia gaw hkawhkam Hezekia hpang de sa du nna, “Ndai manam ni gaw hpa lam tsun ma ta? kanang nna nang kaw sa du ma ta?” ngu nna san wu yang, Hezekia gaw, “Tsan tsan e nga ai Babelon mung na sa du ma ai,” ngu nna htan wu ai.

ESAIA 7:18

Dai shani e Yehowa gaw, Egutu hka gai ni htum ai maga de nga ai jinu hte, Asuri mung e nga ai lagat hpe lahpyaw shaga ai majaw,

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

YEREMIA 5:15

Yehowa ning nga ai: Israela amyu e, nang hpe gasat na matu, sumtsan mung na amyu langai mi hpe ngai woi wa na nngai: dai gaw, n-gun atsam rawng ai amyu, moi chyaloi nhkoi na amyu, rai nga ai; dai amyu a ga hpe nang n chye, shanhte tsun ai hku, nang n chye na ndai.

YEREMIA 51:27

Dai mung hta dawnghkawn sharawt mu; amyu baw ni hta pahtau dum mu; shi hpe gasat na, masha amyu ni hpe hkyen tawn mu; shi hpe wang tawn na matu, Ararat, Minni, Ashkena mungdan ni hpe jahpawng mu; shi a ntsa e hpyen agyi san da mu: dinggam-yaw zawn kamawng ai gumra hpyen ni gaw, shi hpe gasat na matu lung wa mu ga.

SHARUNG SHAYAWT 4:19

Anhte hpe hkan shachyut ai ni gaw, ntsa malen na langda ni hta grau lawan ma ai; Shanhte gaw bum lang hkan e, anhte hpe hkan shachyut ma ai; nam mali hkan e anhte hpe gyam ma ai.

EZEKELA 38:17

“Madu Yehowa ning nga ai: Ngai nang hpe shanhte hpang de lung gasat shangun na nngai,’ nga nna moi shawng e law law ning myihtoi htoi ai, nye a shangun ma Israela myihtoi ni hpe, ngai madun dan ai shingran gaw, nang hpe sha-ang ai, n rai ni?

YOELA 2:7

Shanhte gaw share ninghkrin zawn gat nna, hpyen masha zawn, mare bunghku hpe lung ma ai; langai hte langai n shai ai, tinang lam ang ang hkan sa ma ai.

HABAKU 1:8

Shanhte a laring gumra ni gaw, rawnggawk hta grau lawan chye nna, shana na chyahkyawn ni hta grau n hkru ma ai; gumra jawn ai ni, sumtsan kaw na du nna, pri rai nga ma ai: dai ni gaw, hpya lu hpya sha na matu, lawan ai langda zawn, htim ma ai.

ZEHKARIA 10:8

“Ngai shanhte hpe lahpyaw shaga nna, jahpawng na nngai; kaning rai nme law, ngai shanhte hpe hkye hkrang la ni ai: shawng e law htam ai zawn, shanhte law htam na mara ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai: