ESAIA 5:25 - Jinghpaw Hanson Version Bible

²⁵ Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

Jinghpaw Common Language Bible 2009

²⁵ Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 5:25 ပူးပေါင်းရင်းမြစ်များ

1 HKAWHKAM 14:11

Yeroboam hte seng ai wa mare hkan e si yang, gwi ni e sha kau ai hkrum na ma rai ai; pa hkan e si yang, ntsa malen u ni e sha kau ai hkrum na mara ai: ndai lam Yehowa tsun da sai.

1 HKAWHKAM 16:4

Basha hte seng ai wa gaw mare hkan e si yang, gwi n e sha kau ai hkrum na ra ai; pa hkan e si yang, ntsa malen u ni e sha kau ai hkrum na ra ai,” nga ai.

1 HKAWHKAM 21:24

Ahab hte seng ai wa mare hkan e si yang gwi ni e sha kau ai hkrum na mara ai; pa hkan e si yang, ntsa malen u ni e sha kau ai hkrum na mara ai,” nga ai.

2 HKAWHKAM 13:3

Shing rai Yehowa gaw Israela hpe pawt sindawng nga ai rai nna, Suri hkawhkam Hazaela hte shi a kasha Benhada a lata hta e, shanhte hpe tut tut ap kau mu ai.

2 HKAWHKAM 9:37

“Ndai gaw Yezebela a lup rai nga ai, nga nna kadai mung n tsun lu hkra, shi a mang gaw Yezrela ga dachyawk hta e ga hpun zawn tai na ra ai, nga ai.

2 HKAWHKAM LABAU 36:16

Shanhte gaw Karai Kasang a kasa ni hpe aroi arip di nna, shi a myihtoi ni hpe n kaw n law di kau ai hte, shi aga hpe n kaw n law di nna, shi a myihtoi ni hpe asawng asang di kau mu ai; dai rai nna, hkye hkrang la na lam n hku hkra, Yehowa a pawt sindawng ai gaw dai amyu masha ni a ntsa e ka htet bu nga ai.

YOBA 9:13

Karai Wa gaw myit kawp wa na, n rai; Rahab a shingtau ni pyi shi a npu e dagum nga ma ai.

SHAKAWN KUNGDAWN 106:40

Shaloi Yehowa shi a amyu hpe myit kahtet nga nna, Shi a sali wunli hpe matsat kau wu ai.

SHAKAWN KUNGDAWN 114:7

Ginding aga e, dai Madu a man e, Yaku a Karai Kasang a man e, gari ashun nga u.

SHAKAWN KUNGDAWN 18:7

Shaloi lamu ga shamu nna a wam nga ai, Bum ni a npawt nhpang ni gari nga ai: Shi myit kahtet ai majaw, dai hte kangi kanga rai ma ai.

SHAKAWN KUNGDAWN 68:8

Ginding aga gari kawa rai nga nna, Sumsing lamu Karai Kasang a man e yun nga ai: Karai Kasang, Israela a Karai Kasang a man e, Wora Sina bum mung, gari kawa rai nga ai.

SHAKAWN KUNGDAWN 77:18

Nbung laru hta e, na a mu ngoi ai ngoi nga nna, Myihprap ni mungkan ga hpe jahtoi ya nga ai: Lamu ga mung gari nna awam nga ai.

SHAKAWN KUNGDAWN 78:38

Shi chyawm gaw, matsan dum nga nna, N jahten kau ai sha, mara magap ya mu ai: Shi a masin pawt ai law law lang shakawp kau nna, Shi a myit kahtet ai nlang n sharawt wu ai.

SHAKAWN KUNGDAWN 83:10

Endora makau e, shanhte sum mat wa nna, Aga a namhpun zawn, rai mat ma ai.

PRU MAT 7:19

Dai hta kaga Yehowa Mawshe hpe tsun wu ai gaw, “Arun hpe, Na a dawhkrawng la nna, Egutu mung na hka ngu ai hka shi hka nu, hka lawng hka nawng ni a ntsa e na a lata ladawn u; dai yawng gaw asai tai mu ga; shing rai hpun lawtawk ni hta rai timung, nlung yam ni hta rai timung, Egutu mung ting hta e asai tai na ra ai, ngu u,” ngu wu ai.

ESAIA 10:4

Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 14:19

Nang mahtang matsat shabat re ai lakung zawn, na a lup na shapraw kau ai hkrum ndai: ri nhtu hte galun sat hkrum nna, lup nlung ni hta kabai tawn ai si mang ni hte rau, na a moi mang mung kabye kau hkrum nga ai.

ESAIA 23:11

Yehowa gaw nammukdara ntsa e shi a lata ladawn let, mungdan ni hpe ashun awam dat wu ai; Hkanan mung na hpyen dap ni hpe jahten na matu, shi gaw ga hkang da sai.

ESAIA 25:11

Hka hpung-yawt ai wa gaw hpung-yawt na matu, shi a lata ladawn ai hte maren, Yehowa gaw Moba mung ka-ang e shi a lata ladawn nna, dai mung a gumrawng gumtawng ai hte hpawn, de a lata marai hpe shagrit kau na ra ai.

ESAIA 29:2

shaloi ngai gaw Ariela hpe sharu shatsang nna, sharung shayawt ai hte myit yawn ai pru na ra ai; rai timung shi gaw nye a man e Ariela zawn naw rai nga na ra ai.

ESAIA 42:25

Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

ESAIA 51:20

Na a shadang sha ni gaw htan mat masai; shanhte gaw mahkam hta lu ai shan zawn, mare lam mashe shagu hta taw nga ma ai: shanhte gaw Yehowa a n-yun bu ai, na a Karai Kasang a daru jet ai hte hkru nga ma ai.

ESAIA 64:3

Anhte myit mada ai hta grau ai hkrithpa amu nang shapraw ai shaloi jang, nang yu wa nna, bum ni gaw na a man e ashun gari ma ai.

ESAIA 66:15

Kaning rai nme law, yu mu, myit kahtet ai hpe n-yun bu ai hte, daru jet ai hpe grung ai wan hte shapraw dan na matu, Yehowa gaw wan hte du nna, shi a leng ni bungsha zawn rai na ra ai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

ESAIA 9:11

Suri masha ni man de, Hpilisti masha ni shingdu de, n-gup mahka nna, Israela amyu hpe araw sha kau na mara ai. Rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 9:16

Dai re ai majaw Madu gaw shanhte shabrang ni hta n kabu lu ai hte, shanhte a chyahkrai ma ni hte gaida ni hpe, matsan n dum nga ai: kaning rai nme law, yawng hte gaw matsa mawa ga tsun ai hte, n shawp ai amu galaw ai ni hkrai rai nga nna, n-gup shagu angawk ai ga tsun nga ma ai. Dai rai nna shi a pawt sindawng ai gaw sim wa sai n rai; shi a lata naw a ladawn nga ai.

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

ESAIA 9:20

Manashe amyu gaw Ehprim amyu hpe, Ehprim amyu gaw Manashe amyu hpe kawa sha na mara ai; shan lahkawng gaw rau, Yuda amyu hpe gumlau na mara ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

YEREMIA 15:3

Shanhte hpe sat kau na matu nhtu, karawt sha na matu gwi, sha kau nna shaza kau na matu ntsa malen u ni hte pa ga na matse labye ngu ai tsin-yam amyu mali, ngai shanhte a ntsa e tawn da nna, Yuda hkawhkam, Hezekia a kasha Manashe gaw, Yerusalem mare galaw ai amu majaw, ga ntsa mungdan ni mahkra hta, ngai shanhte hpe hkrithpa kumla shatai na nngai, nga nna Yehowa tsun ai.

YEREMIA 16:4

Shanhte gaw ana amyu myu hte si na mara ai; shanhte hpe sharung shayawt na n rai, lup makoi na mung n rai; ga ntsa e namhpun zawn tai na mara ai: shanhte gaw nhtu tsin-yam, kawsi hpang gara ai hte htum mat nna, si mang ni gaw ntsa malen u ni hte pa ga na matse labye ni a shahpa tai na ra ai.

YEREMIA 17:4

Ngai nang hpe jaw ai sali wunli hta na, nang hkum nan htawt mat na ndai; nang n chye ai mung hta, nang hpe hpyen ai ni a mayam, ngai nang hpe shatai na de ai: kaning rai nme law, nye a pawt sindawng ai hte tutnawng hkru ai wan hpe, nanhte shachyi manu ai.

YEREMIA 4:24

Bum ni hpe ngai mada yu yang, dai ni gari kawa rai nga nna, kawng ni yawng, ashun awam nga ma ai.

YEREMIA 4:8

Dai majaw, lachyit nba bu hpun let, hkrap ngu hkrap ngoi, sharung shayawt nga mu: kaning rai nme law, Yehowa a pawt kahtet ai gaw anhte kaw na garai n dawm la nga ai.

YEREMIA 6:12

Shanhte a nta ni hte hpawn, yi hkauna ni, madu jan ni gaw, tsasam masha ni a lata hta du na mara ai; kaning rai nme law, ngai gaw ndai mungdan masha ni a ntsa e, nye a lata hpe ladawn na nngai,” nga nna Yehowa tsun ai.

YEREMIA 8:2

shanhte tsawra ai, daw jau ai, hkan nang ai, hkan tam nna nawku ai ajan, shata hte lamu na zaw nawng zaw wa ni a man e lam da na mara ai. Dai nrut nra ni hpe sumpum da na mung n rai, lup kau na mung n rai, ga ntsa e namhpun tai na mara ai.

YEREMIA 9:22

Tsun u, Yehowa ning nga ai: “Masha si mang ni gaw, hkauna pa na namhpun hte, mam dan ai wa a hpang e, lahkawn ai wa n nga ai, hkauling zawn, taw nga na mara ai.”

SHARUNG SHAYAWT 5:22

Nang chyawm gaw anhte hpe atsai awai kau da mi ai; Nang anhte hpe grai wa pawt bu nga ndai law.

EZEKELA 15:6

Dai re ai majaw Madu Yehowa ning nga ai: Maling na hpun ni hta na, ju na hpun matu ngai ap kau ai tsabyi ru hpe zawn, Yerusalem mare na ni hpe ngai ap kau na nngai.

EZEKELA 30:25

Babelon hkawhkam a lahpum hpe ngai n-gun shaja nna, Hpara-u a lahpum gaw kya mat na ra ai; nye a nhtu hpe Babelon hkawhkam a lata hta ngai ap ya nna, shi gaw dai nhtu hpe Egutu mung ntsa e shada da yang, ngai Yehowa rai nga ai hpe shanhte chye lu na ma ra ai.

EZEKELA 6:14

Ngai gaw shanhte a ntsa e nye a lata ladawn nna, shanhte shanu nga ai shara shagu hpe, Dibla nam mali ga hta grau nna shingran katsi ai hte hkraw hkun ai shara shatai na nngai: shaloi ngai Yehowa rai nga ai hpe, shanhte nan chye lu na mara ai,” nga ai.

Daniela 9:16

Ya Madu e, na a dinghpring ai myit ting hkan nna, na a pawt sindawng ai hte myit kahtet ai hpe, chyoi pra ai bum ngu ai, na a mare Yerusalem hta na dawm la kau u, ngu nna ngai tawngban nngai: kaning rai nme law, anhte a yubak hte anhte a ji wa ni a shut hpyit ai a majaw, Yerusalem mare hte, na a amyu masha ni gaw, grup yin e de nga ai nlang hte a man e, shatan nhkan shara tai wa sai.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

AMO LAIKA (AMOS) 8:8

Ndai ga majaw lamu ga gari awam nna, dai hta shanu nga ai ni yawng, yawn hkyen nga na, n rai ni? gaja wa dai gaw, hka nu zawn tung rawt nna, Egutu hka nu zawn lim wa ai hte bai hkyet mat na ra ai.

MIHKA 1:4

Bum ni gaw shi a npu e byawng mat nna, kadit ni gaw; wan makau na gitbaw hte, nhkap na lwi hkrat wa ai hka zawn, ga mahka wa na mara ai.

NAHUM 1:5

Shi a majaw bum ni ashun awam nna, kawng ni byawng mat nga ai; lamu ga gaw, gaja wa, mungkan ga hte dai hta nga manga yawng, shi a man e shamu nga ma ai.

HABAKU 3:10

Bum ni nang hpe mu nna, hkrit gari nga ma ai; Hka hpungla ni lai mat wa ai; Sung htum ai shara gaw wu kadu let, Tinang a lata hpe ladawn nga ai.

ZEHPANI 1:17

Mung masha ni gaw Yehowa hpe shut kau ai majaw, ngai shanhte a ntsa e ru tsang shangun nna, shanhte gaw myi hten ai ni zawn lamawm hkawm na mara ai: shanhte a asai gaw, ga nhpu zawn, shanhte a hkum shan gaw, hkyi zawn, kabai kau ai hkrum na mara ai.

TARA JAHPRANG 31:17

Dai shani e ngai shanhte hpe masin pawt nna shanhte hpe kabai kau na we ai; shanhte kaw na nye a myi man ngai makoi kau nna, shanhte hten bya hkrum ai hte ruyak kyin dut amyu myu kadup na mara ai: dai shani shanhte gaw, ‘Anhte a Karai Kasang anhte hta n nga ai majaw ndai yubak shoihpa anhte a ntsa e du ai n rai nga a ni?’ nga na mara ai.

TARA JAHPRANG 31:18

Shanhte Hpara shaje hpang de rai mat wa nna, shut ai yubak nlang hte a majaw, dai shani e ngai gaw nye myi man shanhte kaw na teng teng makoi kau na we ai.

1 HTESALONI 2:16

maigan masha ni hkye hkrang la ai hkrum na matu hkaw tsun dan na, shanhte gaw anhte hpe ban hkum kau mi ai; shing rai shanhte gaw tinang a yubak hpe tutnawng e shalaw jahtam nga nna, dai pawt sindawng ai mung shanhte a ntsa e htum hkra dep nga sai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.