ESAIA 5:24 - Jinghpaw Hanson Version Bible

²⁴ Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

Jinghpaw Common Language Bible 2009

²⁴ Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 5:24 ပူးပေါင်းရင်းမြစ်များ

2 HKAWHKAM 19:22

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

YOBA 18:16

Kata de na shi a ru ni hkraw mat nna, ntsa de na lakung lakying ni, krum kau hkrum na ra ai.

YOBA 8:17

Shi a ru ni lung rawk ntsa e hkram nga nna, nlung nta hpe shi mada yu nga ai.

SHAKAWN KUNGDAWN 50:17

Sharin ai ga hpe nang n dawng nga nna, Nye a mungga hpe na a shingdu de kabai kau ndai.

PRU MAT 15:7

Nang hpe hpyen ai ni e, na a daru magam shingkang hte nang kaming kamawng di kau nu ai: Na a pawt ai shadawng dat dat nna, shanut zawn shanhte hpe hkru kau nu ai.

PRU MAT 5:12

Dai majaw dai amyu masha ni gaw yi hku di na matu yi hku ndu sa tam la na nga Egutu mung ting bra hkawm nga ma ai.

ESAIA 1:31

Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

ESAIA 1:4

N shawp ai amyu e, nang gaw yubak lit gun ai amyu, n hkru n hkra ai aru arat, myit magaw ai kashu kasha rai nga n hka! Shanhte Yehowa hpe kau da masai; Israela a Chyoi pra ai wa hpe n gawn n sawn di kau manu ai; shanhte kayin nna kanut mat wa masai.

ESAIA 24:6

Dai re ai majaw lamu ga gaw dagam dala hkrum sha nna, de a ntsa e shanu nga ai ni gaw mara kap ma ai; ga ntsa e nga ai masha ni hkru kau ai hkrum nna, ngam nga ai ni gaw n law ma ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 30:12

Dai re ai majaw, Israela a Chyoi pra ai Wa gaw, “Nanhte nan ndai mungga hpe n kaw n law di nna, myit magaw ai lam hte adip arip re ai hpe kam let dai hta manoi nga myit dai majaw, nanhte a yubak gaw,

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 47:14

Shanhte yi hku zawn tai nna, nat kau ai hkrum na mara ai; shanhte nan tinang hkum hpe wan hta na gare la lu na, n rai: wan kra na matu wan n-ga mung, lum na matu wan nhtaw mung, ngam nga lu na, n rai.

ESAIA 7:9

Ehprim mung a baw Samari mare, Samari mare a baw Remali kasha rai nga timung, Ehprim mung hta amyu n tai hkra, kru shi manga ning laman e agrawp kau ai hkrum na ra ai. Nanhte n kam myit yang gaw, gaja wa grin lu na n rai,” nga nna tsun ai.

ESAIA 8:6

“Ndai amyu gaw angwi sha lwi ai Shilo hkaraw na hka hpe gang kau nna, Rezin hte Remalia kasha hta kabu ma ai majaw,

ESAIA 9:18

Zaw nawng zaw wa up ai Yehowa a pawt sindawng ai a majaw, mungdan gaw hkat mat wa nna, mung masha ni gaw wan shat zawn rai nga ma ai: kadai mung tinang kahpu kanau wa hpe pyi n lahpawt ma ai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

YEREMIA 6:19

Ginding aga e, na la u: yu u, ndai amyu gaw nye a ga n madat ai hte, nye a tara hpe n hkan hkraw ai majaw, shanhte myit mang ai lam hte maren, ngai shanhte a ntsa e tsin-yam tsindam shapraw na nngai.

YEREMIA 8:9

Hpaji rawng ai ni kaya kahpa hkrum ma ai: mak mat nna, mahkam hta lu masai; yu u, shanhte gaw Yehowa mungga hpe gang kau manu ai: shanhte hta hpa baw hpaji rawng a ta?

EZEKELA 15:6

Dai re ai majaw Madu Yehowa ning nga ai: Maling na hpun ni hta na, ju na hpun matu ngai ap kau ai tsabyi ru hpe zawn, Yerusalem mare na ni hpe ngai ap kau na nngai.

HOSEA 11:9

Ngai gaw masin pawt kahtet ai hte maren, n dawdan mayu nngai; Ehprim hpe shamyit kau na, ngai nhtang wa na nngai, n rai: kaning rai nme law, ngai gaw masha n rai, Karai Kasang rai nga nngai: na a ka-ang e shanu nga ai Chyoi pra Htum ai wa, ngai rai nga nngai; ngai gaw n-yun bu ai hte du na n rai.

HOSEA 5:12

Dai re ai majaw ngai gaw, Ehprim a matu manut, Yuda nta a matu bya wa ai ana zawn, rai nga nngai.

HOSEA 9:16

Ehprim gaw ahtu adep hkrum ai majaw, tinang aru hkraw mat nna, asi n si lu ma ai; kasha shangai timung, tsawra htum ai kasha ni hpe, ngai sat kau na nngai.

YOELA 2:5

Dai ni gaw, bum pungding ntsa e, ngoi ai hpyen leng zawn, yi hku hkru ai wan shinglet zawn, hpyen htim na matu hkyen tawn ai n-gun ja ai amyu zawn, wu nna, gumtawng shingtawt nga ma ai.

AMO LAIKA (AMOS) 2:4

Yehowa ning nga ai: Yuda a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw Yehowa a tara hpe kau da nna, shi a matsun maroi ga hpe, hkan nang ma ai, n rai; shanhte a kaji kawa ni hkan nang yu ai masu ga gaw, shanhte hpe mung shut kau shangun mu ai:

AMO LAIKA (AMOS) 2:9

Rai timung ngai gaw, arit hpun hte maren tsaw nna, wamyi hpun zawn ja ai Amori masha ni hpe, shanhte a man e shaza kau ni ai: gaja wa, ndung de na asi hpe mung, npawt de na aru hpe mung ngai shaza kau nngai.

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

LUKA 10:16

Nanhte a ga madat ai wa gaw, nye a ga madat ai mung, rai nga ai. nanhte hpe gang kau ai wa gaw, ngai hpe mung gang kau ai, rai nga ai: ngai hpe gang kau ai wa gaw, ngai hpe shangun dat ai wa hpe mung, gang kau ai rai nga ai,” ngu nna tsun dat mu ai.

LUKA 3:17

shi a lata hta shi hkuwawn lang nna, shi a mam chyarang hpe yit jasan kau nhtawm, mam gu hpe shi dum hta shinggyin bang da nna, nsan hpe gaw n sat lu ai wan hte nat kau na ra ai,” ngu nna mahkra hpe htan mu ai.

LUKA 7:30

Hparishe ni hte tara sara ni chyawm gaw, Shi jaw ai baptisma n hkam la ma ai hta, Karai Kasang a maw mawn ai hku hpe, tinang a matu ran kau ma ai.

YAWHAN 12:48

Ngai hpe n hkap la ai hte nye a ga n hta la ai wa hpe, jeyang na madu kaga mi nga ai: ngai tsun ai mungga e nan, hpang jahtum na nhtoi hta, dai wa hpe jeyang na ru ai.

KASA 13:41

Dai lam marai langai ngai nanhte hpe hkai dan timung, hpa n kam na marin dai,' nga nna myihtoi ni tsun ai ga, nanhte hta n ang u ga, sadi nga mu,” ngu nna hkaw tsun nga ai.

TARA JAHPRANG 28:24

Yehowa gaw na a mungdan hta htu ai marang hpe ga nhpu hte nbun shatai nna, nang htum mat ai du hkra dai gaw lamu de na, na ntsa e htu na ra ai.”

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.

1 SAMUELA 15:23

n madat ai myit chyawm gaw, hpyi shung shung sha ai zawn, je hpre ai myit gaw, mandan lakle hte sumla nawku ai zawn, mara kaba nga ai. Nang Yehowa a ga kabai kau ndai majaw, Yehowa mung nang hpe hkawhkam aya hta na jahkrat nna, kabai kau nit dai,” ngu wu ai.

1 SAMUELA 15:26

Samuela chyawm gaw, “Ngai nang hte rau n wa na nngai; nang Yehowa ga kabai kau ndai majaw, Yehowa nang hpe Israela hkawhkam aya hta na jahkrat nna, kabai kau nit dai,” ngu nna Shawlu hpe tsun let,