ESAIA 5:23 - Jinghpaw Hanson Version Bible

²³ tara n lang ai ni hpe shalawt dat nna, dinghpring ai ni a dinghpring ai lam hpe shingkan ai ni gaw, dingnye lu ma ai.

Jinghpaw Common Language Bible 2009

²³ Rai ti mung mayun kumhpa a majaw mara lu ai hpe nang shalawt dat nga ai, teng man rap ra ai lam lu la na matu, mara n kap ai wa hpe nang hkum shingdang da nga ndai.

ESAIA 5:23 ပူးပေါင်းရင်းမြစ်များ

1 HKAWHKAM 21:13

Shaloi dai n hkru ai masha lahkawng gaw Nabot a man e sa dung nna, shan gaw mung masha ni a man e, “Nabot gaw Karai Kasang hpe mung, hkawhkam wa hpe mung matsa kau wu ai,” nga nna shi a lam sakse hkam ma ai. Dai hpang, dai mare de na shi hpe shapraw nhtawm, nlung hte kabai sat mu ai.

2 HKAWHKAM LABAU 19:7

Yehowa a hkrithpa gaw nanhte a ntsa e anga nga u ga; sadi ai hte galaw mu: anhte a Karai Kasang Yehowa hta n hkru n hkra ai hpa mung n rawng nga ai; shi gaw myi man n tau ai hte, sake manawn n sha nga ai,” ngu nna hkang dat mu ai.

SHAKAWN KUNGDAWN 94:21

Shanhte dingman ai wa a asak hpe rau htim nna, Mara n lu ai asai hpe, ga dan kau mu ai.

GA SHAGAWP 17:15

Tara n lang ai wa hpe mara shalawt dat ai wa hte, Dinghpring ai wa hpe mara shagun ai yan hpe, Yehowa maren matsat nga ai.

GA SHAGAWP 17:23

Tara n lang ai wa gaw, tara lam hpe shanut kau na matu, Masha wa a sumbu na, sake manawn manaw la wu ai.

GA SHAGAWP 24:24

“Nang dinghpring ndai,” nga nna tara n lang ai wa e tsun ai wa hpe, Masha amyu ni dagam kau nna, amyu baw ni matsat kau na maru ai.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 10:1

Matsan mayan ni hpe sum shangun nna, nni nkri hkrum ai, nye a amyu masha ni hpe, map sha maw sha ai hte, gaida gaina ni hpe lanep shatai let, chyahkrai nmai ma ni a sutgan kashun la lu hkra,

ESAIA 10:2

n teng n man ai tara tawn da ai ni hte, myit magaw ai laika ka da ai chyare ni gaw, dingnye lu ma ai.

ESAIA 28:7

Rai timung shanhte pyi tsabyi majaw shut masai; chyaru majaw ndi nda hkawm masai; hkinjawng wa hte myihtoi wa gaw chyaru majaw shut masai; shanhte tsabyi jahku hta galu nna, chyaru majaw ndi nda hkawm ma ai; shanhte teng ai shingran n mu, tengman ai hku tara n dara ma ai.

ESAIA 29:21

tara lam manai nna, chyinghka lam e sa shawk ai wa hpe mahkam hkam ai hte, dinghpring ai wa hpe pagawn gang kau let, n hkru n hkra galaw maw ai ni yawng, shamyit kau ai hkrum ma ai.

ESAIA 32:7

Maji ai wa a galaw ai lam mung, n hkru la nga ai: matsan mayan ni tara hte maren galaw timung, masu ai ga hte myit gyip ai ni hpe jahten na nga, shi n hkru ai hpaji daw nga ai.

ESAIA 59:15

Gaja wa, tengman ai ga n nga ai; shut hpyit ai hpe koi mayu ai wa gaw, kashun kashe hkrum na ra ai. Shaloi Yehowa dai lam hpe mu nna, tengman ai tara n nga ai majaw, myit n pyaw nga ai.

AMO LAIKA (AMOS) 5:12

Kaning rai nme law, nanhte a tawt lai ai yubak amyu myu hte, nanhte a mara gade kaba nga ai hpe, ngai chye nngai: nanhte gaw dinghpring ai ni hpe zingri zingrat nna, sake manawn sha let, matsan mayan ni hpe mare chyinghka lam e n tara ai hku dawdan myit dai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MIHKA 7:3

N hkru n hkra ai amu galaw na, shanhte a lata tsam mari shakut ma ai: du wa gaw kumhpa hpyi nga ai; tara agyi wa gaw, mayun kumhpa sha nga ai; aya kaba lu ai wa gaw, shi myit magaw ai lam shapraw dan nga ai: shing rai shanhte gaw myit langai sha hte galaw ma ai.

MAHTE 23:35

Shing rai, dinghpring ai wa Abela a asai kaw nna, dai nawku Htingnu hte tawn hkungri a lapran e nanhte sat kau ai Barahkia kasha Zakari a asai du hkra, ga ntsa e ru kau ai, dinghpring ai asai yawng mayawng gaw, nanhte a ntsa e galu na ra ai.

TARA JAHPRANG 16:19

Tara lam hta na nang jashai lu na n rai; masha myi man tau lu na n rai; manawn kumhpa mung sha lu na n rai: kaning rai nme law, manawn kumhpa gaw hpaji rawng ai ni a myit hpe dingga kau ya nna, dingman ai ni a ga hpe gale kau ya chye ai.

YAKU 5:6

Dai dinghpring ai wa hpe nanhte dawdan nna, sat kau manu ai; shi gaw nanhte hpe ban hkum nga ai n rai.