ESAIA 5:2 - Jinghpaw Hanson Version Bible

² shi dai hpe htu lajang nna, nlung ni rawm kau nhtawm, kaja htum ai tsabyi ru ni hkai da wu ai; de a ka-ang e shi langchyi gap da nna, tsabyi shup ai htumrin tawk da wu ai: dai sun hta tsabyi si kaja si na shi myit mada nga timung, tsabyi chyalam hkrai si nga a hka.

Jinghpaw Common Language Bible 2009

² Shi gaw ga sau htu lajang nna dai hta na nlung ni hpe rawm kau nga ai; shi gaw kaja htum ai sabyi ru ni hpe hkai da nga ai. Shi gaw dai hpe makawp maga na matu langchyi langai gap da nga ai, sabyi si ni kabye na matu nhkun langai hpe shi htu da nga ai. Shi gaw sabyi si ni myin na matu ala nga ai, rai ti mung sabyi si shagu gaw hkri mat nga ai.

ESAIA 5:2 ပူးပေါင်းရင်းမြစ်များ

2 SAMUELA 7:10

Nye a amyu Israela matu mung, nga shara ngai tawn da nna, htawm hpang de shanhte shamu shamawt n re ai sha, tinang shara e nga grin lu hkra, ngai shanhte hpe shangang na we ai:

NEHEMIA 13:15

Dai aten e, Yuda mung hta nkau mi gaw, laban nhtoi e tsabyi htumbyen kabye ai hte, hkauling lahkawn nna lawze htaw nga ai mung, tsabyi jahku tsabyi si lakum si hte dut rai amyu myu htaw let, laban nhtoi hta Yerusalem e jashawn ai mung, ngai mu nngai: shanhte ning rai shahpa dut sha ai nhtoi hta ngai shanhte hpe shadum jahprang nngai.

SHAKAWN KUNGDAWN 80:8

Nang gaw Egutu mung na tsabyi ru langai mi la wa nna, Masha amyu ni hpe shaden kau nhtawm, dai hpe hkai da wu ai.

SHAKAWN KUNGDAWN 80:9

De a shara nang tsan kau wu ai rai nna, Shi a ru jung wa nna, mung ting e hkram nga ai.

PRU MAT 33:16

Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni?” ngu wu ai.

ESAIA 1:8

Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 5:7

Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

YEREMIA 11:17

Kaning rai nme law, Israela dap hte Yuda dap ni, Bala hpara man e manam pyaw ai baw nat nawng nna, ngai hpe pawt sindawng shangun ai n kaja ai amu majaw, nang hpe hkai da ai Zaw nawng zaw wa up ai Yehowa gaw, nang hpe dawdan na de ai, nga ai.

YEREMIA 2:21

Rai timung, kaja htum ai tsabyi ru jet, tengman ai nli ngu ai nang hpe ngai hkai da ni ai: dai rai yang, nang nye a man e ru chyalam a lakung lakying zawn, kaning rai tai wa n ta?

HOSEA 10:1

“Israela gaw asi si ai, ring ai tsabyi ru rai nga ai: asi law ai made, shi gaw tawn hkungri ni hpe shalaw wu ai; shanhte a mungdan mai kaja ai hte maren, shanhte gaw tsawm ai shadaw sumla ni hpe sharawt ma ai.

MIHKA 4:8

Sagu hpung a langchyi ngu ai, Ziun shayi sha a Ohpela bum e, nang up lu na ndai; gaja wa, shawoi na ahkang aya ngu ai, Yerusalem shayi sha a mungdan gaw, na a lata hta bai du na ra ai.

BU HKAWM 23:9

Lunghkrung ntsa na ngai shi hpe mu se ai, Kawng pungding nna ngai shi hpe yu se ai Amyu dai gaw kaga lak rai nga ai. Amyu gale hta lawm nga ai n rai.

MAHTE 21:19

Shaloi lam makau e tu ai maihpang hpun langai mi mu wu yang, dai de shi sa nna, dai hta e alap sha mu wu ai majaw, shi gaw, “Ya kaw nna prat dingsa e, nang hta asi n si n ga,” ngu nna tsun ai: maihpang hpun gaw dai ahkring sha e hkraw kyip mat wa ai.

MAHTE 21:33

Ga shadawn kaga hpe naw madat la mu; Nta madu langai mi tsabyi sun hkai sharam da nna, de a grup yin e nhpan kum da ai hte, dai hta e tsabyi htung htu da nna, langchyi gap da nhtawm, sun galaw ai masha hpe shap ya nna, kaga mung de sa nga mat ai.

MAHTE 21:34

Ya, asi ngai ai aten du jang, shi a asi sa la mu ga, sun galaw ai ni hpang de, shi a mayam ni hpe shangun dat mu ai.

MARKU 11:13

Shaloi tsan tsan kaw na, alap lap ai maihpang hpun langai mi shi mu hkrup nna, dai hta e si langai ngai lu la lu na, shi myit nna sit sa wa ai. Dai de du wa yang, maihpang si si na aten n re ai majaw, alap sha shi mu wu ai rai nna,

MARKU 12:1

Dai shaloi ga shadawn hte hte shi shanhte hpe tsun hpang mu ai gaw, “Masha langai mi tsabyi sun hkai sharam da nna, grup yin e nhpan kum da ai hte tsabyi htung htu da nna, langchyi gap da nhtawm, sun galaw ai masha hpe boi ya da nna, kaga mung de sa nga mat ai.

MARKU 12:2

Ya aten du jang, sun galaw ai ni a lata na, dai sun na asi nkau mi lu la u ga, sun galaw ai ni hpang de, mayam langai mi hpe shangun dat wu ai.

ROMA 9:4

shanhte gaw Israela masha rai nga ma ai; kasha yin la ai akyu mung, dai hpung shingkang mung, ga shaka ni mung, tara jaw ai shingran mung, daw jau ai lam mung, ga ndat ni hpe mung, shanhte lu ma ai:

1 KORINHTU 9:7

Kadai wa mi tinang a jarit hte majan amu gun a ta? Sun galaw nna dai hta na n di sha ai, kadai wa rai ta? Yamnga rem nna, yamnga chyu n lu n sha ai, kadai wa rai ta?

TARA JAHPRANG 32:6

Angawk ai hte myit n su ai amyu e, Yehowa hpe dai hku htang na mu ni? Shi nang hpe hkrang la ai kawa n rai lit ni? Shi nang hpe hpan da nna shagrin da nit dai.

TARA AGYI 16:4

Dai hpang Samson gaw, Sorek kadit e nga ai, Delila mying ai num langai mi hpe tsawra wu ai.