ESAIA 5:19 - Jinghpaw Hanson Version Bible

¹⁹ Yehowa lawan ru ga; shi a amu anhte mu lu hkra, tin shapun shabyin u ga; anhte chye na lu hkra, Israela a Chyoi pra ai Wa a hpaji daw ai gaw ni wa ai hte dik wa ru ga, nga nna tsun ai ni gaw dingnye lu ma ai.

Jinghpaw Common Language Bible 2009

¹⁹ Nang gaw, “Dai Madu gaw tin tin rai nna shi tsun, shi myit ai hku galaw u ga, shaloi dai amu hpe anhte mu lu nga ai. Israela a chyoi pra ai Karai Kasang gaw shi a yaw shada lam ni hpe matut galaw u ga; shi a myit masin hta hpa rawng ai lam anhte mu lu u ga,” ngu nna tsun ai.

ESAIA 5:19 ပူးပေါင်းရင်းမြစ်များ

ESAIA 30:11

lam yen mu, tengman ai hpe koi mu; Israela a Chyoi pra ai Wa a lam anhte a man e ip da mu,” nga nna tsun ma ai.

ESAIA 66:5

Yehowa mungga majaw hkrit gari ai ni e, shi a ga madat mu: “Nanhte hpe n dawng n yawt ai hte, nye a amying majaw nanhte hpe kau da ai nhpu nnau ni gaw, Nanhte kabu gara nga ai, anhte mu lu hkra, Yehowa gaw hpung shingkang pru u ga,” nga nna tsun jahpoi timung, shanhte nan kaya kahpa hkrum na mara ai.

YEREMIA 17:15

Yu u, mung masha ni gaw, Yehowa a mungga kanang rai nga a ta? ya shapraw mu ga, nga nna ngai hpe tsun ma ai.

YEREMIA 23:18

Yehowa mungga matsing lu nna chye na lu hkra, shi hte kadai bawng yu a ta? shi a ga hpe dum nna chye na lu ai wa gaw, kadai wa rai ta?

YEREMIA 23:36

Yehowa shingran, nga nna htawm hpang de tsun lu na, n rai: kaning rai nme law, nanhte gaw, ahkrung nga ai Karai Kasang, Zaw nawng zaw wa up ai, anhte a Karai Kasang Yehowa ga hpe manai kau ai majaw, langai hte langai a ga gaw, tinang a shingran tai na ra ai.

YEREMIA 36:23

Yehudi gaw laika daw masum mali hti ngut jang, hkawhkam wa gaw chyare wa nhkyi hte, dai hpe gadoi dut nhtawm, wanban ntsa e grung ai wan hta kabai bang kau nna, laika katsu ting hkru mat sai.

EZEKELA 12:22

“Masha kasha e, Aten ladaw galu nga timung, shingran yawng hten mat sai, nga nna Israela mungdan hta tsun ai ga malai gaw, hpa rai ta?”

HOSEA 10:3

Gaja wa, shanhte gaw, Anhte Yehowa hpe n hkrit hkungga ai majaw, anhte hkawhkam n lu ga ai; hkawhkam lu timung, shi anhte a matu hpa galaw lu na rai ta? nga nna ya tsun na mara ai.

MALAHKI 2:17

Nanhte gaw Yehowa hpe na jin hkra, nanhte a ga hte shatsang myit dai. Rai timung nanhte gaw, Shi hpe kaning rai shatsang ga ta? nga nna san myit dai. Nanhte gaw, Yubak galaw ai ni yawng, Yehowa man e mai kaja nga ma ai; shi gaw shanhte hta sharawng awng nga ai: tara malang ai hku hkan ai Karai Kasang gaw, kanang nga a ta? nga nna tsun ai gaw, shi hpe shatsang ai, rai nga ai.