ESAIA 5:13 - Jinghpaw Hanson Version Bible

¹³ Dai rai nna, nye a amyu masha ni gaw chye chyang ai myit n lu ai majaw, bawng rim mat wa ai hkrum nna, arawng lu ai ni kawsi kyet ai, yu maya ni gaw hpang kara let ai, hkrum ma ai.

Jinghpaw Common Language Bible 2009

¹³ dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

ESAIA 5:13 ပူးပေါင်းရင်းမြစ်များ

2 HKAWHKAM 17:6

Hoshea hkaw dung ai jahku ning hta e, Asuri hkawhkam gaw Samari mare hpe lu la nna, Israela masha ni hpe Asuri mung de bawng rim wa ai hte, shanhte hpe Hala shara e, Gozan hka makau na Habora ginwang hte, Mede masha ni a mare ni hta nga shangun mu ai.

GA SHAGAWP 10:21

Dinghpring ai ni a n-gup gaw, masha law law hpe bau nga ai: Myit n su ai ni chyawm gaw, nyan kata ai majaw si ma ai.

ESAIA 1:3

Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

ESAIA 1:7

Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

ESAIA 23:9

Gumrawng gumtawng re ai arawng sadang yawng hpe awu asin di kau na hte, ga ntsa arawng lu ai ni yawng hpe jahpoi kau na matu, Zaw nawng zaw wa up ai Yehowa ndai lam myit shatawng da nu ai.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 3:1

Kaning rai nme law, yu mu, Zaw nawng zaw wa up ai Madu Yehowa gaw, Yerusalem mare hte Yuda mung na, myit manoi shara hte shamyet shanat shara hpe dawm kau na ra ai: lusha jarit yawng hpe mung, hka lu yawng hpe mung,

ESAIA 3:3

hpyen manga shi up ai du, arawng lu ai wa, hpaji daw chye ai wa, hpaji maka pru ai wa, mandan chye bau ai ni yawng hpe, jahtum kau na ra ai.

ESAIA 44:19

Ataw, ngai gaw chyen mi hpe wan ju ni ai: de a wan n-ga ntsa e muk kabaw ni ai; ngai shan kangau nna, sha hkru ni ai; ya ngam ai chyen mi hpe mahtang, matsat shabat shatai na rai ni? ngai gaw hpuntawng man e gum dagup na rai ni? nga nna myit dum ai hte, aru yu lu nna hpaji rawng ai nyan, gaja wa, kadai n rawng a hka.

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

YEREMIA 14:18

Ngai pa ga de hkawm yang, si ai ni hkrai jawng ma ai; mare kata de shang yu yang, kawsi hpang gara majaw machyi hkrum ai ni hkrai rai nga ma hka! Myihtoi wa hte hkinjawng wa pyi, hpa n chye ai, shara magup hkan e jawt hkawm ma ai.

YEREMIA 14:3

Arawng lu ai ni tinang a ma ni hpe hka ja shangun nna, shanhte ntsin htung de du jang ntsin n mu ma ai; dibu kaman sha hte bai nhtang wa ma ai; shanhte baw htinggrum let kaya kahpa hte mak mat ai hkrum ma ai.

YEREMIA 8:7

Gaja wa, ntsa malen na u kawp gaw, tinang a du hkra ladaw hpe chye nga ai; hkrudu, pilan hte mali tau ni gaw tinang bai wa na aten chye matsing ma ai: nye a amyu masha ni chyawm gaw, Yehowa a tara dara ai lam hpe n chye na ma ai.”

SHARUNG SHAYAWT 4:9

Ri nhtu hte si ai ni gaw, kawsi hpang gara hte si ai ni hta, grau chyamai nga ma ai: Shanhte gaw, nsi naisi htum ai majaw, lasi lamun rai let nsa hkyet mat masai.

EZEKELA 7:12

Aten du sai, nhtoi gu sai; mari ai wa gaw hkum kabu et, dut ai wa mung hkum yawn et; kaning rai nme law, yawng mayawng a ntsa e sindawng kahtet ai jung nga ai.

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

AMO LAIKA (AMOS) 8:13

Dai shani e tsawm htap ai hkawnsek ni hte, n-gun ja ai shabrang ni gaw, hpang gara ai hte ba mat na mara ai.

LUKA 19:44

nang hpe mung, na a kashu kasha ni hpe mung, ga hte azat kayau kau ai nhtoi gaw, nang kaw pru na ra ai rai nna, nang hta nlung langai mi a ntsa e nlung langai mi pyi n ngam mara lu ai rai na ra ai,” ngu wu ai.

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

2 PETRU 3:5

Rai timung, sumsing lamu ni gaw, moi chyaloi nhkoi kaw nna nga nga ai hte, hka hta na dawng pru nna, hka e gaw da ai ginding aga hpe mung, Karai Kasang a mungga a majaw agrin nga ai hte,