ESAIA 49:9 - Jinghpaw Hanson Version Bible

⁹ shing rai nang gaw, bawng dung ai ni hpe, “Pru wa mu,” nsin e dung nga ai ni hpe, “Dawng pru wa mu,” ngu nna tsun na maru ai. shanhte gaw hkrun lam e shat lusha nna, krin ai kawng shagu ntsa e, shanhte a matu udat shara tai na ra ai.

Jinghpaw Common Language Bible 2009

⁹ Ngai gaw bawng dung ai masha ni hpe, ‘Ndut ndang pru wa manu!,’ ngu nna mung, nsin kata e rawng nga ai ni hpe, ‘Nhtoi de pru wa marit!,’ ngu nna mung tsun na nngai. Shanhte gaw kawng ni hkan ushat sha nga ai sagu ni zawn tai na mara ai,

ESAIA 49:9 ပူးပေါင်းရင်းမြစ်များ

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 42:7

ngai Yehowa nan dinghpring ai hte nang hpe shaga la nna, na a lata hpe shadaw let, nang hpe makawp maga nna, masha amyu ni a matu ga shaka, maigan amyu ni a matu nhtoi, nang hpe san da de ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 41:18

Ngai gaw krin ai kawng ni a ntsa e hka nu, kadit ni a ka-ang e hka hpawk, jahpaw na nngai; nam mali e hka lawng, hkraw hkun ai shara e hka deng, ngai shatai na we ai.

ESAIA 9:2

Nang gaw mung masha ni hpe shalaw nna, shanhte a kabu gara ai hpe jat ya mu ai: shanhte gaw nmut ta e kabu gara ai hte, lanep karan ai ni kabu jahtau ai zawn, na a man e kabu gara nga ma ai.

SHAKAWN KUNGDAWN 102:20

Bawng dung ai ni a madai ai hpe shi madat nga ai, Si na wa a matu shi chyinghka hpaw ya nga ai.

SHAKAWN KUNGDAWN 69:33

Yehowa gaw matsan mayan ni hpe madat ya nga nna, Shi bawng dung ai ni hpe, n gawn n sawn di mu ai n rai.

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

EHPESU 5:14

Dai majaw, Yup pyaw ai wa e, rawt u, Si ai kaw na bai rawt wa nu; Shaloi Hkristu nang hpe jahtoi na ra ai, nga nna tsun ai.

EHPESU 5:8

kaning rai nme law, nanhte shawng e nsin mak rai nga myit timung, ya gaw dai Madu hta e, nhtoi rai nga myit dai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

YAWHAN 10:9

Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.

YAWHAN 8:12

Dai re ai majaw Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai: nye a hpang hkan nang ai wa gaw, nsin hta n hkawm n sa lu na rai nna, asak a nhtoi lu la na ra ai,” ngu mu ai.

LUKA 1:79

Anhte a lagaw hpe ngwi ai lam de woi wa na matu mung, Dai Madu a lam lajang na, shi a shawng e nang sa wa na rai nga ndai,” nga ai.

YOELA 3:18

Dai aten e, bum ni gaw, dwi ai tsabyi jahku yun nna, kawng ni gaw, nga chyu lwi na ra ai: Yuda hka lawng hka hkawng ni yawng, hka lwi na ra ai; Yehowa nta kaw na hka hpawk hpaw pru nna, Shitim kadit hpe madit na ra ai.

EZEKELA 34:29

Ngai gaw kajai gumhkawng ai sun langai mi, shanhte a matu lajang da nna, shanhte gaw dai mungdan hta, htawm hpang de hku wa hkrum na n rai; maigan amyu ni a man e mung, shatan nhkan hkrum na n rai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

ESAIA 5:17

Dai shaloi e sagu kasha ni gaw, tinang a udat shara e zawn, dai hta sha lu nna, katsi katsang tai wa ai sahti kunmi ni madu yu ai shara ni hta, malet nhprang manam ni shang sha lu na mara ai.

SHAKAWN KUNGDAWN 146:7

Nni nkri hkrum ai ni hpe shi tara dara ya mu ai, Hku hku hkrum ai ni hpe lusha shahpa jaw mu ai. Yehowa gaw bawng dung ai ni hpe raw dat mu ai;

SHAKAWN KUNGDAWN 22:26

Matsan mayan ni hkru kat hkra lu sha lu na mara ai, Yehowa hpe hkan tam ai ni, shi hpe shakawn na mara ai; Nanhte a myit masin tutnawng e ahkrung nga malit ga.

TARA JAHPRANG 32:13

Ga ntsa tsaw grau ai shara hta shi hpe shajawn, Yi hkauna nsi naisi hte shi hpe shangawn wu ai: Machyu lunghtawn na lagat jahku, Nhpai lungkring na namman chyu mu shachyu wu ai.

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

ESAIA 48:17

Nang hpe Hkye hkrang la ai wa, Israela Chyoi pra ai wa Yehowa ning nga ai: “Ngai gaw, na a akyu matu nang hpe sharin achyin ya nna, nang mai hkan ai lam hta nang hpe lakawn wa ai, na a Karai Kasang Yehowa rai nga nngai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

JAW JAU 25:54

Dai hku n hkrang n shaw lu yang gaw, pahtau garu shaning du yang, shi hte shi a kashu kasha ni lawt wa lu na rai ma ai.