ESAIA 49:2 - Jinghpaw Hanson Version Bible

² shi nye a n-gup hpe dai ai nhtu zawn shatai ya nna, shi a lata a shingnip hta ngai hpe ka-up da ni ai; atu nsan ai pala shi ngai hpe shatai nna, shi a pala ndum hta ngai hpe kyem da ni ai:

Jinghpaw Common Language Bible 2009

² Shi gaw nye a n-gup hpe dai ai nhtu zawn shatai nu ai. Shi a lata hte nan ngai hpe makawp maga da nga ai. Shi gaw ngai hpe lang na matu jin jin masen da ai pala zawn shatai nga ai.

ESAIA 49:2 ပူးပေါင်းရင်းမြစ်များ

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

PRU MAT 33:22

shing rai nye a hpung shingkang lai wa nga yang, nang hpe dai lung kran e ngai bang da nna, ngai lai mat wa hkra, nang hpe nye a lata hte magap da na de ai:

ESAIA 11:4

shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

ESAIA 51:16

Sumsing lamu hpe gap da nna, ginding aga hpe npawt gaw da na matu mung, Nang gaw nye a amyu rai nga ai, nga nna Ziun hpe tsun lu na matu mung, ngai gaw, nye a mungga na a n-gup hta bang ya nna, nye lata a shingnip hte nang hpe ka-up da ni ai.

YEREMIA 1:18

Yu u, mungdan ting a man e mung, Yuda hkawhkam ni a man e mung, de a du salang ni a man e mung, de a hkinjawng ni a man e mung, mung masha ni a man e mung, ngai nang hpe dai ni jang, bunghku kum ai mare, hpri shadaw hte magri shakum a malai shatai na de ai.

HOSEA 6:5

Dai re ai majaw ngai shanhte hpe, myihtoi ni a ga hte kahtum gadaw di kau ni ai; nye a n-gup na pru ai ga hte shanhte hpe sat kau ni ai: ngai jeyang ai lam gaw, htoi tu ai nhtoi zawn, rai nga ai.

HABAKU 3:11

Na a kabrim kabram ai pala ni poi mat wa nna, Tu ala ai ri tu ni htoi gala ai majaw, Jan hte shata gaw tinang a shara hta hkring nga ai.

LUKA 23:46

Shaloi Yesu gaw, “Wa e, nye a Wenyi na a lata hta ngai ap ya de ai,” nga nna nsen kaba hte jahtau wu ai: shing nga tsun ngut jang, shi nsa hti mat ai.

EHPESU 6:17

Hkye hkrang la ngu ai hpri gup chyawp hpe chyawp nna, Karai Kasang a mungga ngu ai Wenyi a ntawng nhtu hpe, a hpye nga mu.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

SHINGRAN 1:16

Shi a hkra lata hta shagan sanit lang da wu ai; shi a n-gup hta na nshan lahkawng dai ai ntawng nhtu pru nga ai; shi a myi man gaw htoi kang ai jan zawn tu ala nga ai.

SHINGRAN 19:15

Masha amyu baw ni hpe kahtam na matu, shi a n-gup hta na dai ai ntawng nhtu pru nga ai; shanhte hpe mung hpri sumdoi hte shi up na ra ai: Chyahtum chyalai n-gun rawng ai Karai Kasang a sindawng kahtet ai pawt bu ngu ai tsabyi htumbyen hta shi kabye shup nga ai.

SHINGRAN 2:12

Bai, Pergamu mare na Hpung a kasa hpe ning ngu ka dat u: Nshan lahkawng dai ai ntawng nhtu lang ai wa gaw, ning nga nga ai:

SHINGRAN 2:16

Dai re ai majaw myit malai lu u; shing n rai yang, ngai nang kaw alawan du nna, nye a n-gup nna pru ai ntawng nhtu hte shan hte hpe gasat na we ai.