ESAIA 48:9 - Jinghpaw Hanson Version Bible

⁹ Rai timung, nang hpe n shamyit kau hkra, ngai gaw nye a amying nsang a marang e, nye a pawt bu ai myit dip kau nna, nye a arawng sadang matu, na a lam naw hkam sharang na nngai.

Jinghpaw Common Language Bible 2009

⁹ “Amyu masha ni gaw nye a mying hpe shakawn kungdawn lu na matu, nye a masin kahtet ai myit hpe ngai dip da nngai; Ngai gaw nang hpe n jahten kau u ga, hkam sharang nga nngai.

ESAIA 48:9 ပူးပေါင်းရင်းမြစ်များ

SHAKAWN KUNGDAWN 106:8

Rai timung, shi a daru magam dan hkung wa u ga, Shi mying nsang a matu, shi shanhte hpe hkye hkrang la mu ai.

SHAKAWN KUNGDAWN 143:11

Yehowa e, na a amying nsang a matu mara ngai hpe shalan shabran ya e; Na a dinghpring ai majaw, ru tsang ai hta na, nye a myit masin hpe shaw la ya e.

SHAKAWN KUNGDAWN 25:11

Yehowa e, na amying majaw, nye a yubak hpe dat kau ya e: Kaning rai nme law, dai gaw kaba nga li ai.

SHAKAWN KUNGDAWN 78:38

Shi chyawm gaw, matsan dum nga nna, N jahten kau ai sha, mara magap ya mu ai: Shi a masin pawt ai law law lang shakawp kau nna, Shi a myit kahtet ai nlang n sharawt wu ai.

SHAKAWN KUNGDAWN 79:9

Anhte hpe hkye hkrang la ai Karai Kasang e, Na amying a arawng majaw, anhte hpe karum la mi; Na amying nsang a gawp e, Anhte hpe mawai la nna, yubak magap kau ya mi.

GA SHAGAWP 19:11

Sadi sahka re ai wa gaw, myit galu kaba nga ai rai nna, Masha wa shut ai hpe, hkam mana ai gaw, shi a arawng rai nga ai.

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 37:35

Kaning rai nme law, Yehowa tsun ai gaw, “Ngai hkum nan a majaw mung, nye shangun ma Dawi a majaw mung, ndai mare hpe ngai makawp maga nna hkye hkrang la na we ai, nga ai,” ngu dat mu ai.

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

ESAIA 48:11

Nye a marang e, rai sa, nye a marang e, ndai lam ngai galaw na nngai; nye a amying hpa majaw jahpoi ai hkrum na rai ta? nye a arawng sadang hpe kaga wa e ap ya na n rai.

ESAIA 65:8

Bai Yehowa ning nga ai, Tsabyi sumbaw hta tsabyi jahku mu yang, masha langai ngai, “Hkum jahten et, shaman ai rawng nga ai,” nga nna tsun ai hte maren, nye shangun ma hpe tau yu let, ngai galaw nna, mahkra jahten na n rai.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

EZEKELA 20:14

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nngai.

EZEKELA 20:22

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nna, nye a lata dawm la nngai:

EZEKELA 20:44

Israela dap e, nanhte a n hkru ai arawn alai hte, nanhte a n seng ai amu hte maren, ngai nanhte hpe n dawdan ninglen, nye a amying ningsan tau let, nanhte hpe dawdan yang, ngai Yehowa rai nga ai hpe, nanhte chye lu na marin dai,” nga nna Madu Yehowa tsun ai.

EZEKELA 20:9

Rai timung, shanhte nga ai maigan amyu ni a man e, nye mying ningsang jahpoi kau ai n hkrum hkra, de a matu ngai shakut sharang nna, maigan amyu ni a man e, shanhte hpe nye hkum shadan dan let, shanhte hpe Egutu mung na shaw woi wa nngai.”

EZEKELA 36:21

Ngai chyawm gaw, Israela masha ni du ai, maigan mung shagu hta awu asin hkrum nga ai, nye a chyoi pra ai mying ningsang hpe, lahpawt dum nga nngai.”

YAWSHU 7:9

Hkanani masha ni hte ndai mung na masha ni nlang ndai na na mara ai rai nna, anhte hpe sa wang nhtawm, anhte a mying hpe ga ntsa na shamyit kau ya na mara ai; dai rai nna na a galu kaba ai mying ningsang matu, kaning di na wu ta?” nga nna sa lajin wu ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.