ESAIA 48:8 - Jinghpaw Hanson Version Bible

⁸ Gaja wa, nang n na yu ndai; gaja wa, nang n chye ndai; gaja wa, moi kaw nna na a na hpaw ai n rai: kaning rai nme law, nang gaw gumle gumlau amu grai galaw nna, kanu a hkritung kaw nna pyi, tara tawt lai ai, ngu ai mying mying ai hpe ngai chye nngai.

Jinghpaw Common Language Bible 2009

⁸ Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

ESAIA 48:8 ပူးပေါင်းရင်းမြစ်များ

SHAKAWN KUNGDAWN 40:6

Hkungga hte lusha kumhpa nang n ra nit dai; Nye a na lashing nang hpaw ya nit dai: Wan nat hkungga hte htingrai hkungga nang n hpyi ndai.

SHAKAWN KUNGDAWN 51:5

Yu mu, shut hpyit ai hta ngai shangai wa nna, Nu a hkritung e pyi yubak kap nga nngai.

SHAKAWN KUNGDAWN 58:3

Tara n lang ai ni hkritung nna hpre nga ma ai, Masu ga tsun ai ni shangai kaw nna lam dam mat wa ma ai.

ESAIA 21:2

Hkrithpa shingran ngai mu nngai; myit magaw ai wa gaw, magaw ai hku galaw nga ai, jahten shabyak ai wa gaw jahten shabyak nga ai; Elam masha ni e, lung wa mu; Medi masha ni e, wang tawn mu: dai mare a majaw madai ai lam yawng, ngai jasim kau we ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 42:25

Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

ESAIA 46:8

Dai lam dum nna dakan nga mu; tara tawt lai ai ni e, dai hpe bai dum mu law.

ESAIA 47:11

Dai re ai majaw, tsin-yam tsindam na a ntsa e du nna, dai kanang na pru ai gaw, nang n chye ndai: shoihpa shoirang na ntsa e hkrat bun nna, nang dai hpe gang kau lu na n rai: nang n dum shami e, hten byak ai gaw na a ntsa e akajawng sha du na ra ai.

ESAIA 48:4

Nang gaw je hpre ai wa rai nna, na a du lasa ni ahpri, na a lahtan gaw magri rai nga ai hpe, ngai chye nngai majaw,

ESAIA 48:7

Dai lam ni ya she byin nga ai, moi kaw nna n rai; dai ni du hkra nang n na yu ndai: dai rai nna, Yu u, ngai chye nga nngai, nga nna nang tsun lu na n rai.

ESAIA 50:5

Madu Yehowa gaw nye a na hpe hpaw ya nna, ngai mung lale kau ai hte, kanut mat wa ai n rai.

ESAIA 57:4

nanhte kadai hpe hkap daw myit ta? nanhte kadai hpe n-gup mahka nna, shinglet shaw dan myit ta? nanhte gaw tara tawt lai ai wa a kashu kasha ni, hkalem hkalau ai wa a matu mara ni, n rai nga myit ni?

YEREMIA 3:20

Israela dap e, madu jan gaw madu wa hta sadi n dung ai hte maren, gaja wa nanhte gaw ngai hta sadi n dung myit dai, nga nna Yehowa tsun ai.

YEREMIA 5:11

Israela dap rai timung, Yuda dap rai timung, ngai hpe myit magaw ai hku grai galaw ma ai,” nga nna Yehowa tsun ai.

YEREMIA 5:21

myi tu ninglen n mu, na tu ninglen n na ai, nyan kata ai, angawk angak re ai amyu e, ndai ga madat mu: Yehowa ning nga ai:

YEREMIA 6:10

Shanhte madat mara lu hkra, ngai kadai hpe ga tsun nna, sakse shatai na rai ta? yu u, shanhte a na matu gadoi n hkam ai na rai nna, n madat mara lu ma ai; Yehowa a mungga gaw shanhte a jahpoi shara rai nga ai; dai hta sharawng awng ma ai n rai.

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

HOSEA 6:7

Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

HOSEA 7:9

Tsasam masha ni gaw shi a n-gun sha kau timung, shi dai lam n chye nga ai: shi a baw hta kara ahpraw kayau kaya tu pru timung, shi dai lam n chye nga ai.

MALAHKI 2:11

Yuda amyu gaw hkalem hkalau lam hkan nna, Israela hte Yerusalem mare hta matsat shabat amu byin pru nga ai: kaning rai nme law, Yuda amyu gaw, Yehowa tsawra ai chyoi pra ai shara hpe, awu asin di kau nna, maigan hpara a shayi sha hpe hkungran la nu ai.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

TARA JAHPRANG 31:16

Shaloi Yehowa Mawshe hpe, “Yu u, nang gaw nji nwa ni hte yup pyaw nga na nit dai; ndai amyu masha ni chyawm gaw rawt nna, ya sa wa ai mung e nga ai tsasam amyu ni nawku ai Hpara ni hte shut hpyit nna, ngai e kau da let ngai tawn da ya ai ga shaka run kau na ra ai.

TARA JAHPRANG 31:18

Shanhte Hpara shaje hpang de rai mat wa nna, shut ai yubak nlang hte a majaw, dai shani e ngai gaw nye myi man shanhte kaw na teng teng makoi kau na we ai.