ESAIA 48:7 - Jinghpaw Hanson Version Bible

⁷ Dai lam ni ya she byin nga ai, moi kaw nna n rai; dai ni du hkra nang n na yu ndai: dai rai nna, Yu u, ngai chye nga nngai, nga nna nang tsun lu na n rai.

Jinghpaw Common Language Bible 2009

⁷ Ya na lang chyawm gaw dai lam ni hpe ngai shabyin dat nga nngai; dai gaw lai sai aten hta, dai zawn re ai lam hpa mung n byin yu nga ai. Dai lam byin ai rai yang, dai hte seng ai lam yawng mayawng nang chye nga ai hpe tsun na rai ndai.

ESAIA 48:7 ပူးပေါင်းရင်းမြစ်များ

YOBA 32:13

Nanhte gaw, “anhte nan hpaji byeng-ya mu saga ai,” nga nna tsun shara n nga ai; shinggyim masha n rai, Karai Wa nan Yoba hpe shamak kau lu ai.

ESAIA 48:6

Nang dai lam na yu nu ai; dai yawng mayawng hpe mada yu u; nanhte mahtang n tsun shana ai nga na myit ni? ningnan lam mung, nang n chye ai makoi magap da ai lam ni mung, ngai gaw ya kaw nna nang hpe madun dan ni ai.

ESAIA 48:8

Gaja wa, nang n na yu ndai; gaja wa, nang n chye ndai; gaja wa, moi kaw nna na a na hpaw ai n rai: kaning rai nme law, nang gaw gumle gumlau amu grai galaw nna, kanu a hkritung kaw nna pyi, tara tawt lai ai, ngu ai mying mying ai hpe ngai chye nngai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.