ESAIA 48:6 - Jinghpaw Hanson Version Bible

⁶ Nang dai lam na yu nu ai; dai yawng mayawng hpe mada yu u; nanhte mahtang n tsun shana ai nga na myit ni? ningnan lam mung, nang n chye ai makoi magap da ai lam ni mung, ngai gaw ya kaw nna nang hpe madun dan ni ai.

Jinghpaw Common Language Bible 2009

⁶ “Ya chyawm gaw ngai tau tsun da sai amu ni byin nga sai; nang gaw ngai tau tsun da sai ga ni teng nga sai hpe yin la na rai ndai. Ngai gaw shawng de garai n madun yu ai mabyin lam ni ngu ai byin wa na ningnan lam ni hpe tsun dan na nngai.

ESAIA 48:6 ပူးပေါင်းရင်းမြစ်များ

SHAKAWN KUNGDAWN 107:43

Hpaji rawng ai wa kadai rai timung, ndai amu hpe myit yu nna, Yehowa a chyeju hpe dum nga mu ga law.

SHAKAWN KUNGDAWN 119:13

Na n-gup na tara dara ai hku yawng hte hpe, Nye a nten hte, ngai hkai dan na nngai.

ESAIA 21:10

Ngai kabye ai yi hku hte, nye a chyarang e pru ai mam e, Zaw nawng zaw wa up ai, Israela Karai Kasang Yehowa kaw na ngai na la ai hte maren, ngai nang hpe htawn tsun dan ni ai.

ESAIA 42:20

Nang gaw lam law law hpe mu timung, matsing nga ai n rai; shi a na hpaw nga timung, shi n chye madat ai.

ESAIA 42:8

Ngai gaw Yehowa rai nga nngai; dai nye a amying shingteng rai nga ai: nye a hpung shingkang masha wa hpe, nye a arawng sadang hpara sumla ni hpe, ngai jaw na n rai.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

ESAIA 48:7

Dai lam ni ya she byin nga ai, moi kaw nna n rai; dai ni du hkra nang n na yu ndai: dai rai nna, Yu u, ngai chye nga nngai, nga nna nang tsun lu na n rai.

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

YEREMIA 33:3

Ngai hpe shaga e, ngai nang hpe htan na de ai; nang n chye na ai, galu kaba ai hte yak la ai amu, ngai nang hpe madun na de ai.

YEREMIA 50:2

“Amyu baw ni hpang de ashi tsun shana mu; dawnghkawn sharawt mu; tsun shana ya nna, hkum makoi myit: Babelon mare gasat la hkrum sai; Bela hpara kaya hkrum sai; Merodak hpara daw mat sai; de a hpara sumla ni kaya hkrum nna, nawku sumla ni mak mat masai,” ngu nna tsun mu.

AMO LAIKA (AMOS) 3:6

Mare hta pahtau dum yang, mare masha ni n hkrit kajawng na ma ni? Yehowa kaw na n rai yang, tsin-yam tsindam lama ma, mare hta byin na a ni?

MIHKA 6:9

Yehowa a nsen gaw dai mare hpe shaga nna, zai byeng-ya rawng ai wa gaw, na a amying ningsang hpe hkrit hkungga nga ai: sharin ai shingna hpe mung, dai hpe hparan ai wa hpe mung, matsing mu.

MAHTE 10:27

Ngai nanhte hpe nsin kata e tsun dan ai lam hpe, nhtoi hta e tsun dan mu: nanhte na hta e na la ai lam hpe, nta ntsa nna hkaw dan mu.

YAWHAN 15:15

Ya kaw nna ngai nanhte hpe mayam n ngu na ni ai; kaning rai nme law, mayam gaw madu galaw ai amu hpe n chye wu ai: nanhte hpe jinghku she ngai ngu na made ai; nye Wa kaw na ngai na la ai hte yawng, ngai nanhte hpe chye shangun masade ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

1 KORINHTU 2:9

Shing rai, ka da nga ai hte maren, “Myi e n mu, na hte n na yu nna, Masha myit hta n hkawn pru ai lam, Karai Kasang gaw shi hpe tsawra ai ni a matu mara lajang da ai hpa rai timung,” anhte tsun dan ga ai.

SHINGRAN 1:19

Dai re ai majaw, nang mu lu sai hpe mung, ya nga nga ai hpe mung, htawm hpang e du na ra ai lam hte hpe mung, ka da u:

SHINGRAN 4:1

Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.