ESAIA 48:3 - Jinghpaw Hanson Version Bible

³ Ngai nan moi na lam ni moi kaw nna tsun dan ni ai; gaja wa, ndai lam ni gaw nye n-gup kaw na pru nna dan wa sai: ngai gaw akajawng sha ndai lam galaw nna, dai ni byin wa sai.

Jinghpaw Common Language Bible 2009

³ Dai Madu gaw Israela hpe, “Moi na lam hpa byin wa na hpe ngai tau tsun ni ai; dai hpang ngai gaw dai hpe akajawng sha shabyin nngai.

ESAIA 48:3 ပူးပေါင်းရင်းမြစ်များ

ESAIA 29:5

Rai timung, nang hpe hpyen ai wunawng wuwa ni gaw nbun zawn, hkrit na nsan ai wunawng wuwa ni gaw, poi mat ai mahkaw zawn, tai na mara ai: gaja wa dai gaw akajawng sha byin na ra ai.

ESAIA 30:13

run magang wa ai tsaw ai wut bunghku hte bung nna, dai gaw akajawng myi grip sha daw kadawng wa na ra ai.

ESAIA 37:29

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

ESAIA 37:7

yu u, ngai shi hpe, myit kaga bang ya nna, shi gaw ashi na ai hte, tinang a mung de bai wa mat na ra ai; dai mung hta e ngai shi hpe nhtu hte sat kau na we ai, nga ai,” ngu nna shanhte hpe tsun dat mu ai.

ESAIA 41:22

Shanhte myihtoi ga shapraw nna, hpa byin na ra ai hpe tsun dan maru ga; moi shawng de byin ai lam ni anhte myit aru yu nna, de a jahtum chye na lu hkra, tsun maru ga: shing n rai, byin na ra ai lam ni anhte hpe shana ya mi.

ESAIA 41:27

Yu mu, yu mu, dai lam byin na ra ai, ngu nna Ziun hpe shawng tsun ai wa ngai rai nga nngai; Yerusalem mare hpe kabu gara shiga htawn tsun ai wa ngai shapraw nngai.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 43:9

Amyu baw ni yawng rau zuphpawng mu ga, masha amyu ni shinggyin nga mu ga: ndai amu hpe mung, moi shawng de byin ai lam ni hpe mung, shanhte hta na kadai tsun lu a ta? shanhte awlaw ai hkrum hkra, tinang a sakse shapraw mu ga; shing n rai, shanhte madat nna, “Ndai gaw teng nga ai,” nga nna yin la mu ga.

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

YAWSHU 21:45

Yehowa Israela masha ni hpe tsun da ai chyeju lam langai mi muk yawm ai n rai: yawng mayawng byin tup wa sai.