ESAIA 48:18 - Jinghpaw Hanson Version Bible

¹⁸ Nang gaw nye a hkang ai ga hpe shatup nga u: dai rai yang na a ngwipyaw ai lam hka nu zawn, na a dinghpring ai gaw, nammukdara hka leng ni zawn, tai wa na mara ai:

Jinghpaw Common Language Bible 2009

¹⁸ “Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

ESAIA 48:18 ပူးပေါင်းရင်းမြစ်များ

SHAKAWN KUNGDAWN 119:165

Na a tara hpe tsawra ai ni gaw ngwipyaw kaba chye nga ma ai. Shanhte hta kadai mung myit kataw shara n nga ai.

SHAKAWN KUNGDAWN 36:8

Na a nta na sau hpum ai hte shanhte hkru kat nga ma ai, na a ngwipyaw ai hka hta na, nang shanhte hpe shalu mu ai.

ESAIA 33:21

Dai yang e, daru magam rawng ai Yehowa anhte hte rau rai nga nna, dam lada ai hka nu hka hkawng ni a malai tai na ra ai: lashap shap ai li gaw, dai de shang na n rai, daru magam sanghpaw li mung, dai de lai lu na n rai.

ESAIA 42:24

Yaku hpe hpya lu hpya sha na matu, Israela hpe damya ni a lata de kadai ap kau a ta? Anhte shut kau ai Yehowa n rai ni? shanhte gaw shi a lam ni n hkan hkraw ai hte, shi a tara hpe n madat ma ai.

ESAIA 45:8

Sumsing lamu ni e, ntsa de na yun hkrat mu; sumwi ni dinghpring ai hpe htu mu ga: ginding aga gaw pu pu nna, hkye hkrang la ai chyeju si si u ga; dinghpring ai gaw rau tu wa u ga: ngai Yehowa gaw dai lam hpan da nngai.

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 61:11

Lamu ga gaw apu pu shangun nna, sun gaw gat hkai ai nli hpe maku ku shangun ai hte maren, Madu Yehowa gaw Dinghpring ai hte shakawn kungdawn ai lam, amyu baw ni mahkra a man e tu pru shangun na ra ai.

ESAIA 62:1

Ziun mare na dinghpring ai gaw, kabrim ala nga ai hte, Yerusalem mare na hkye hkrang la ai lam, pyengdin zawn htoi tu nga ai du hkra, ngai atsin sha nga na n rai, ban sa ai mung nga na n rai.

ESAIA 66:12

Kaning rai nme law, Yehowa gaw ning nga ai: “Yu u, ngai gaw ngwipyaw ai hpe hka nu zawn, maigan amyu ni a arawng sadang hpe, lim ai hka zawn, Yerusalem de shadu na nngai: nanhte chyu chyu nna, ba kaye ai hte lahput ntsa e makrai chyai ai, hkrum na myit dai.

HOSEA 10:12

“Tinang a matu dinghpring ai nli gat mu, chyeju nsi naisi shu la mu; jahkam da ai yi hkauna ni hpe galau mu: Yehowa sa nna, nanhte a ntsa e dinghpring ai marang jahtu ai du hkra, shi hpe tam na aten ya rai nga ai.

AMO LAIKA (AMOS) 5:24

Tara malang ai lam hka zawn, dinghpring ai lam tut lwi ai hka nu zawn, lwi nga u ga.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

TARA JAHPRANG 32:29

Shanhte hpaji byeng-ya lu la nna, ndai lam chye na lu mu ga law, Hpang jahtum e hpa byin hpa tai na, aru yu mu ga le!

TARA JAHPRANG 5:29

Shanhte hte shanhte a kashu kasha prat dingsa ngamu ngamai lu hkra, ngai e hkrit hkungga nna ngai hkang da mada hkan sa mayu ai myit tutnawng rawng nga mu ga.