ESAIA 48:13 - Jinghpaw Hanson Version Bible

¹³ Gaja wa nye a lata gaw ginding aga hpe gaw da sai, nye a hkra lata gaw sumsing lamu hpe hpyan da nu ai: ngai shaga yang, dai ni gaw rau tsap nga ma ai.

Jinghpaw Common Language Bible 2009

¹³ Nye a lata hte ginding aga a npawt nhpang ni hpe gaw da nna, sumsing lamu ni hpe kahpyan da nngai. Ginding aga hte sumsing lamu hpe ngai shaga dat ai shaloi, dai ni kalang lata du sa nna nga sharat madun dan ma ai.

ESAIA 48:13 ပူးပေါင်းရင်းမြစ်များ

ESAIA 40:26

Matsaw ntsang de mada yu mu: dai hte hpe hpan da ai wa gaw, kadai rai ta? shi gaw de a wunawng wuwa ni hpe nambat hte shapraw nna, yawng hpe amying shamying wu ai: shi gaw daru magam chyalai hte n-gun atsam rawng ai majaw, langai mi pyi yet lu ai n rai.

ESAIA 45:18

Kaning rai nme law, sumsing lamu hpe hpan da ai Yehowa, ginding aga hpe hpajang tawn da ai hte shagrin da nhtawm, shanu nga na matu, akrin akraw n hpan da ai Karai Kasang, ning nga ai: “Ngai gaw Yehowa rai nga nngai; ngai hta kaga kadai n nga ai.

SHAKAWN KUNGDAWN 102:25

Nang gaw moi moi e, ginding aga hpe gaw da nna, Sumsing lamu, na a lata a amu rai nga ai.

PRU MAT 20:11

kaning rai nme law, Yehowa gaw kru ya laman e, sumsing lamu hte ginding aga, nammukdara hte nga yawng nga pra hpe hpan hpajang da nna, sanit ya ngu ai nhtoi hta ban sa nga wu ai: dai re ai majaw Yehowa gaw dai sanit ya nhtoi hpe shaman nna shachyoi shapra da nu ai.

ESAIA 42:5

Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

ESAIA 40:12

Nammukdara hka hpe lata lahkyawn hte shadawn ai wa, sumsing lamu hpe tinang lata hte lahkam yu ai wa, ga nhpu hpe dang bye hte hteng yu ai wa, bum ni hpe joi hte kawng ni hpe jang hte, shen yu ai wa, kadai wa rai ta?

ESAIA 40:22

Lamu madin ntsa e dung nna, de a npu e shanu nga ai ni hpe, dinggam-yaw zawn nawn ai wa gaw, Shi nan rai nga ai: shi gaw sumsing lamu hpe nba zawn grang nna, shanu na matu sum zawn kahpyen da wu ai.

SHAKAWN KUNGDAWN 147:4

Shi gaw shagan ni hpe nambat jaw nu ai rai nna, Langai hte langai hpe amying shamying ya mu ai.

YOBA 37:18

Jaw ai magri jamna zawn grin nga ai lamu madin hpe, nang shi hte rau din da nni?

ROMA 4:17

Abraham hpe gaw, Amyu law law a kawa ngai nang hpe shatai sade ai, nga nna ka da nga ai hte maren si mat ai ni hpe jahkrung ya ai hte, garai n tai ai ni hpe ya e rai nga ai zawn ngu da ai rai nna, shi kamsham nga ai Karai Kasang a man e, anhte mahkra a kawa rai nga ai.

ESAIA 40:21

Nanhte n chye myit ni? n na yu myit ni? moi npawt kaw nna nanhte hpe n shapraw dan yu a ni? lamu ga nnan lat kaw nna, n chye na nga myit ni?

ESAIA 45:12

Ngai gaw ginding aga hpe galaw da nna, de a ntsa e shinggyim masha hpe hpan da se ai: nye a lata nan sumsing lamu hpe hpyan da nna, de a Zaw nawng zaw wa up ai ni yawng hpe, ngai hkang da ni ai.

ESAIA 51:13

sumsing lamu hpe hpyan da ai hte, ginding aga npawt ni gaw da ai, nang hpe Hpan da ai wa Yehowa hpe malap kau ai hte, jahten shabyak maw ai wa a n-yun bu ai hpe shani shagu tutnawng hkrit ai wa, nang gaw, hpa wa rai nga nta? jahten shabyak maw ai wa a n-yun bu ai mung, ya kanang rai nga a ta?

ESAIA 44:24

Nang hpe mawai la ai wa, hkritung kaw nna nang hpe shachyaw ai Yehowa ning nga ai: Yawng mayawng hpe hpan da ai Yehowa ngai rai nga nngai; ngai nan sumsing lamu hpe hpyan da nngai; ginding aga hpe ngai nep da nngai: ngai hte rau nga ai wa kadai?

YEREMIA 51:15

Shi gaw shi a n-gun atsam hte lamu hte lamu ga hpe hpan da nu ai; shi a hpaji byeng-ya hte mungkan ga hpe shagrin da nu ai; shi a nyan hte sumsing lamu hpe kahpyen da nu ai: