ESAIA 48:12 - Jinghpaw Hanson Version Bible

¹² Yaku e, ngai shaga la ai Israela e, nye a ga madat u; Ngai dai wa nan rai nga nngai: shawng na wa mung, hpang jahtum na wa mung ngai rai nga nngai.

Jinghpaw Common Language Bible 2009

¹² Dai Madu gaw, “Ngai shaga la sai Israela amyu masha ni e, nye a ga madat mu! Ngai gaw Karai Kasang rai nga nngai, shawng na wa mung, hpang jahtum na wa mung rai nga nngai, ngai chyu sha Karai Kasang rai nga nngai!

ESAIA 48:12 ပူးပေါင်းရင်းမြစ်များ

GA SHAGAWP 7:24

Dai rai nna, ngai sha ni e, nye a ga madat mu; Nye a n-gup ga hpe matsing da mu.

GA SHAGAWP 8:32

Dai rai nna, ngai sha ni e, nye a ga madat mu. Nye a lam hkan ai ni gaw, a lu ma ai.

ESAIA 34:1

Amyu baw ni e, madat mara na matu sit sa marit; maigan amyu ni e, matsing mu; lamu ga hte de a yawng mayawng, mungkan ga hte dai hta na pru ai baw nlang, na la mu.

ESAIA 40:26

Matsaw ntsang de mada yu mu: dai hte hpe hpan da ai wa gaw, kadai rai ta? shi gaw de a wunawng wuwa ni hpe nambat hte shapraw nna, yawng hpe amying shamying wu ai: shi gaw daru magam chyalai hte n-gun atsam rawng ai majaw, langai mi pyi yet lu ai n rai.

ESAIA 41:4

Dai amu ni hpe hpan hpajang nna galaw da let, masha ban mi hte ban mi npawt kaw nna shaga tawn da ai wa gaw, kadai rai ta? Shawng na wa hte mung, hpang na ni hte mung rau nga ai, ngai Yehowa nan, dai wa rai nga nngai.

ESAIA 43:10

“Nanhte dum lu nna, ngai hpe kamsham let, ngai nan dai wa rai nga nngai, chye na lu hkra, nanhte nye a sakse ni hte ngai lata la ai shangun ma ni rai nga myit dai, nga nna Yehowa tsun ai: nye a shawng e Karai Wa n nga ai, nye a hpang e mung pru na n rai.

ESAIA 43:11

Ngai hkum nan, Yehowa rai nga nngai; ngai hta kaga hkye hkrang la ai wa n nga ai.

ESAIA 44:1

Ya chyawm gaw nye a shangun ma Yaku e, ngai lata la ai Israela e, madat mara nga u:

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 46:3

Yaku a nta dap ni e, shangai shani kaw na ngai pawn ba ai hte, hkritung kaw nna gun hpai hkrum ai, naw ngam nga ai Israela nta dap ni e, nye a ga madat mu.

ESAIA 46:4

Nanhte aprat kaba yang pyi, ngai rai nga nngai; dingla ugut gu timung, ngai pawn ba na nngai; ngai galaw da nngai, ngai gun hpai nngai; gaja wa, ngai pawn ba na nngai; ngai mawai la na nngai.

ESAIA 49:1

Zunlawng ni e, nye a ga na la mu, sumtsan mung na amyu ni e, madat mara mu: Yehowa gaw hkritung nna pyi, ngai hpe shaga ni ai; nye nu a kraw lawang kaw nna, nye a amying hpe shabrawng ya ni ai;

ESAIA 51:1

Dinghpring ai hku hkan nang nna, Yehowa hpe hkan tam ai ni e, nye a ga madat mara mu: nanhte hpe tawk la ai lunghkrung hte, nanhte hpe htu shapraw la ai nhkun hpe mada yu mu.

ESAIA 51:4

Nye a amyu e, nye a ga madat mara la mu; nye a amyu baw ni e, nye a ga na la mu: tara langai mi ngai kaw nna pru na ra ai rai nna, nye a dinghpring ai lam amyu baw ni a nhtoi tai na ra ai.

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

ESAIA 55:3

Na la nna ngai hpang de sa marit; madat mara mu, shing rai yang nanhte a myit masin hkrung nga na ra ai: ngai mung nanhte hte htani htana ga shaka tawn da nna, Dawi hta grin nga ai chyeju hpe nanhte hta shagrin da na nngai.

MAHTE 20:16

Dai hte maren, hpang hkrat ai ni, shawng na mara ai; shawng nga ai ni mahtang, hpang hkrat na mara ai, ngu wu ai.

ROMA 1:6

Yesu Hkristu e shaga la ai ni rai nga myit dai majaw, nanhte mung dai ni hta lawm nga myit dai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

1 KORINHTU 1:24

rai timung, shaga la hkrum ai Yuda ni hte Heleni masha ni a matu mara, shi gaw Karai Kasang a atsam hte, Karai Kasang a hpaji byeng-ya ngu ai, Hkristu nan, rai nga ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:8

“Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 2:8

Bai, Samurna mare na Hpung a kasa hpe ning ngu ka dat u: Si sai rai timung ahkrung nga ai ningshawng wa hte jahtum rai nga ai wa gaw, ning nga nga ai:

SHINGRAN 22:13

Ngai gaw Alhpa hte Omega, ningshawng wa hte jahtum wa, apawt ningshawng mung, ahpang jahtum mung, ngai rai nga nngai.