ESAIA 48:11 - Jinghpaw Hanson Version Bible

¹¹ Nye a marang e, rai sa, nye a marang e, ndai lam ngai galaw na nngai; nye a amying hpa majaw jahpoi ai hkrum na rai ta? nye a arawng sadang hpe kaga wa e ap ya na n rai.

Jinghpaw Common Language Bible 2009

¹¹ Ngai galaw ai amu gaw nye a matu rai nga ai- Ngai gaw nye a mying hpe jahpoi jahkrum shangun na n rai, nye a hpung shingkang hpe kadai hpe mung garan ya na n rai, dai gaw nye a matu hte nye a matu chyu sha rai nga ai,” ngu nna tsun ai.

ESAIA 48:11 ပူးပေါင်းရင်းမြစ်များ

SHAKAWN KUNGDAWN 106:8

Rai timung, shi a daru magam dan hkung wa u ga, Shi mying nsang a matu, shi shanhte hpe hkye hkrang la mu ai.

SHAKAWN KUNGDAWN 115:1

Yehowa e, anhte hpe n rai, anhte hpe n rai: na a chyeju hte sadi sahka a majaw, Na a amying nsang hpe sha, arawng jaw u.

SHAKAWN KUNGDAWN 25:11

Yehowa e, na amying majaw, nye a yubak hpe dat kau ya e: Kaning rai nme law, dai gaw kaba nga li ai.

SHAKAWN KUNGDAWN 25:7

Prat ram nga yang galaw ai yubak hte, Nye a shut hpyit ai hpe hkum matsing da ya et. Yehowa e, na a kaja htum ai myit majaw, Na a chyeju hte maren ngai hpe dum e.

ESAIA 37:35

Kaning rai nme law, Yehowa tsun ai gaw, “Ngai hkum nan a majaw mung, nye shangun ma Dawi a majaw mung, ndai mare hpe ngai makawp maga nna hkye hkrang la na we ai, nga ai,” ngu dat mu ai.

ESAIA 42:8

Ngai gaw Yehowa rai nga nngai; dai nye a amying shingteng rai nga ai: nye a hpung shingkang masha wa hpe, nye a arawng sadang hpara sumla ni hpe, ngai jaw na n rai.

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

ESAIA 48:5

ngai dai lam ni hpe moi kaw nna nang hpe tsun dan ni ai; dai n rai taw gaw, ‘Nye a hpara sumla ndai galaw sai, ngai tawk la ai sumla, ngai jaw ai sumla, ndai lam ni shabyin sai,’ nga nna nang tsun na ndai.

ESAIA 48:9

Rai timung, nang hpe n shamyit kau hkra, ngai gaw nye a amying nsang a marang e, nye a pawt bu ai myit dip kau nna, nye a arawng sadang matu, na a lam naw hkam sharang na nngai.

ESAIA 52:5

Dai rai nna Yehowa ning nga ai: “Nye amyu masha ni hpe mayu la dik e rim mat wa nna, shanhte a ntsa e up ai ni gaw shabam let, nye a mying nsang hpe tutnawng e jahpoi ma ai majaw, ya ngai kaning mai di na rai ta?

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

EZEKELA 20:14

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nngai.

EZEKELA 20:22

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nna, nye a lata dawm la nngai:

EZEKELA 20:39

“Israela dap e, na a lam Madu Yehowa ning nga ai: Sa wa mu, langai hte langai tinang a hpara ni hpe daw jau mu; rai timung, gaja wa, htawm hpang de nanhte nye a ga n madat sa na, n rai; nanhte jaw ai kumhpa ni hte hpara sumla ni e, nye a chyoi pra ai amying nsang hpe, awu asin di kau na n rai.

EZEKELA 20:44

Israela dap e, nanhte a n hkru ai arawn alai hte, nanhte a n seng ai amu hte maren, ngai nanhte hpe n dawdan ninglen, nye a amying ningsan tau let, nanhte hpe dawdan yang, ngai Yehowa rai nga ai hpe, nanhte chye lu na marin dai,” nga nna Madu Yehowa tsun ai.

EZEKELA 20:9

Rai timung, shanhte nga ai maigan amyu ni a man e, nye mying ningsang jahpoi kau ai n hkrum hkra, de a matu ngai shakut sharang nna, maigan amyu ni a man e, shanhte hpe nye hkum shadan dan let, shanhte hpe Egutu mung na shaw woi wa nngai.”

EZEKELA 36:22

“Dai rai nna Israela dap hpe htawn tsun u, ‘Madu Yehowa ning nga ai: Israela dap e, nanhte hpe tau nna ndai amu hpe ngai galaw nngai, n rai; nanhte bra wa ai maigan amyu ni a man e nanhte a jaw e awu asin hkrum ai nye a chyoi pra ai amying ningsang hpe tau nna, ngai galaw nngai.

Daniela 9:17

Dai re ai majaw, anhte a Karai Kasang e, na a mayam wa a akyu hpyi ai hte tawngban ai ga madat mara ya e; Madu a chyeju jaw e, katsi katsang rai nga ai, na a chyoi pra ai shara ntsa e, na a myi man naw htoi tu shangun u.

YAWHAN 5:23

Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

ROMA 2:24

Kaning rai nme law, Karai Kasang a amying ningsang gaw, nanhte a majaw maigan amyu ni hta shatan nhkan hkrum nga ai, nga nna laika hta ka da ai hte maren rai nga ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.