ESAIA 47:8 - Jinghpaw Hanson Version Bible

⁸ Dai re ai majaw pyaw daw kadaw tam nna amu sha dung nga let, “Ngai nan rai nga nngai; ngai hta kaga kadai n nga ai; ngai gaida jan zawn dung nga na n rai; kashu kasha si ai mung hkrum na n rai,” nga nna kraw e tsun ai jan e, ndai ga madat u:

Jinghpaw Common Language Bible 2009

⁸ “Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

ESAIA 47:8 ပူးပေါင်းရင်းမြစ်များ

ESAIA 14:14

sumwi ni a ntsa e ngai lung na nngai; Tsaw Htum ai wa zawn ngai nga na nngai, nga nna, na a kraw e tsun nit dai.

ESAIA 32:11

Apyaw sha nga ai num ni e, hkrit gari mu; n dum shami nga ai ni e, myit ru nga mu; hpun palawng raw kau nhtawm, lachyit nba bu hpun mu:

ESAIA 32:9

Apyaw sha nga ai num ni e, rawt mu; nye a nsen na la mu; n dum shami nga ai shayi sha ni e, ngai tsun ai ga madat mu.

ESAIA 45:18

Kaning rai nme law, sumsing lamu hpe hpan da ai Yehowa, ginding aga hpe hpajang tawn da ai hte shagrin da nhtawm, shanu nga na matu, akrin akraw n hpan da ai Karai Kasang, ning nga ai: “Ngai gaw Yehowa rai nga nngai; ngai hta kaga kadai n nga ai.

ESAIA 45:5

Ngai nan Yehowa rai nga nngai, ngai hta kaga kadai n nga ai; ngai hta shaje Karai Kasang n nga ai. Nang ngai hpe n chye timung, ngai nang hpe shingkyit kyit ya na ring ngai;

ESAIA 45:6

dai rai nna, ngai hta kaga kadai n nga ai, sinpraw maga na ni mung, sinna maga na ni mung, chye na lu na mara ai: ngai Yehowa nan rai nga nngai, ngai hta kaga kadai n nga ai.

ESAIA 47:10

Nang gaw na a n hkru ai hta machyu nga ndai: Ngai hpe kadai n mu ai, nga nna nang tsun nit dai; na a hpaji byeng-ya hte na a nyan gaw, na a myit hpe gale kau ya nna, ‘Ngai rai nga nngai, ngai hta kaga kadai n nga ai,’ nga nna na a kraw e nang tsun nit dai.

YEREMIA 49:31

“Rawt mu, asan apan nga nga nna, myit ru myit ra n chye ai amyu, mare chyinghka hte htinggrang n ra ai, shi hkrai nga ai amyu hpang de lung wa mu,” nga nna Yehowa tsun ai.

YEREMIA 50:11

“Nye a sali wunli hpya sha ai ni e, nanhte kabu gumrawng ai hte, mam kabye ai nga upra zawn pagawn di nna, n-gun ja ai gumra zawn ngoi myit dai majaw, nanhte a kanu gaw teng teng kaya kahpa hkrum nna, nanhte hpe shangai ai num gaw, mak mat na ra ai: yu u, shi gaw mung ni yawng hta hpang hkrat ai mung, nam mali ahkun ahkraw ga hte zaibru jang tai na ra ai.

YEREMIA 51:53

Babelon gaw sumsing lamu de dep nna, shi a tsaw htum ai shara hpe hpyen dap shatai timung, shi hpe jahten shabyak ai ni gaw, ngai kaw na pru na mara ai, nga nna Yehowa tsun ai.

EZEKELA 16:49

Yu u, na nnau Sodom a yubak chyawm gaw, shi hte shi a shayi sha ni gaw, myit kaba ai, nhpaw n-ya lu sha ai hte angwi apyaw ningngai nga nna, nni nkri hkrum ai ni hte matsan mayan ni hpe n shadaw shalan ai rai nga ai.

EZEKELA 28:2

“Masha kasha e, turu hkawhkam hpe htawn tsun u; ‘Madu Yehowa ning nga ai: Nang gaw myit kaba nna, Ngai Karai Wa rai nga nngai; nammukdara ka-ang e Karai Wa zawn nawn nga timung, Karai wa n rai, masha chyu sha rai nga ndai majaw,

EZEKELA 30:9

Dai shani e, hpa n nawn ai Hkusha masha ni hpe jahkrit shama na matu, ngai shangun dat ai kasa ni gaw, sanghpaw li hte pru sa wa nna, Egutu mung ari hkrum ai shani na zawn, Hkusha masha ni myit ru na mara ai: gaja wa, dai gaw du ra ai,” nga ai.

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 4:22

nang gaw kaba wa nna, n-gun ja wa ndai; nang daru magam dan hkung wa nna, dai gaw sumsing lamu de dep nga ai; nang up ai ahkang aya mung, lamu ga htum hkra dep nga ai.

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

Daniela 4:30

“Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

Daniela 4:4

Ngai Nebuhkadneza gaw nye a nta e aban asa, nye a htingnu e apyaw alaw rai nga yang,

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 5:30

Dai shana e pyi, Hkalde hkawhkam Belashaza sat kau ai hkrum nna,

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

NAHUM 3:4

dai gaw, ahpraw tsawm nna, shaba wawt ai ni a madu jan ngu ai, shawa num a law la ai hpye ai amu majaw, rai nga ai; shi gaw shi a shawa num a amu hte maigan amyu ni hpe, de a shaba wawt ai amu hte baw sang ni hpe, dut kau nga ai.

HABAKU 1:7

Dai gaw sheng mareng hte hkrit mai ai amyu rai nga ai; shanhte a tara, shanhte a arawng sadang, tinang ra ai hku hkrai rai nga ai.

ZEHPANI 2:15

Dai mare nan, Ngai gaw nga nga nna, ngai hta shaje kadai n nga ai, nga nna kabu sha rawng ai myit hte sawse lawklek nga let, tinang a kraw lawang e tsun ai mare rai nga ai: ya, shi gaw, katsi katsang hte matse labye ni hpum nga ai shara tai wa sahka! dai hku lai wa ai ni yawng, de a lam, Yi lo, nga nna, tinang a lata ari na mara ai.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

TARA AGYI 18:27

Shing rai Dan masha ni gaw Mihka galaw ai rai ni hte shi a hkinjawng wa hpe woi mat wa nna, angwi apyaw n hkrit n tsang nga nga ai Lisha masha ni hpang de du nna, shanhte hpe sat kau nhtawm, mare dai hpe nat kau wu ai.

TARA AGYI 18:7

Ya dai marai manga hte gaw pru wa na, Lisha mare de du ma ai; dai yang na mare masha ni gaw Sidon masha ni zawn lukmu rai angwi apyaw n hkrit n tsang nga nga ma ai mung, shanhte hpe jep hkrang na matu up lu ai du n nga malu ai hte Sidon masha ni hte tsan nna, kadai hte magyit mahkai n nga malu ai mung, yu da mu ai.