ESAIA 47:6 - Jinghpaw Hanson Version Bible

⁶ Ngai gaw nye a amyu hpe pawt kahtet nna, nye a sali wunli hpe jahpoi kau ai hte, na a lata hta shanhte hpe ap kau nngai: nang chyawm gaw shanhte hpe matsan n dum nna, prat kaba ni a ntsa e pyi, li ai kandang mara da nu ai.

Jinghpaw Common Language Bible 2009

⁶ Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

ESAIA 47:6 ပူးပေါင်းရင်းမြစ်များ

2 SAMUELA 24:14

Shaloi Dawi gaw, Ngai myit grai ru nngai; Yehowa a lata hta mahtang a rai u ga; shi a matsan dum ai myit kaba la sai; masha a lata hta ngai n du n ga, ngu nna myihtoi Gad hpe tsun wu ai.

2 HKAWHKAM LABAU 10:11

nye wa gaw nanhte hpe li la ai kandang shagun da timung, ngai nanhte a kandang hta naw jat na we ai; nye wa gaw, nanhte hpe ri lasik hte kayat ai; ngai mahtang nanhte hpe hpri n-gawgawk hte kayat na made ai,” ngu nna tsun u, ngu mu ai.

2 HKAWHKAM LABAU 28:9

Rai timung Oded mying ai Yehowa a myihtoi langai mi dai yang e nga ai: dai wa gaw Samari mare de bai wa ai luksuk ni hpe sa tau la nna, shanhte hpe, “Yu mu, nanhte a nji nwa ni a Karai Kasang Yehowa gaw Yuda amyu hpe pawt bu ai majaw, shanhte hpe nanhte a lata hta ap ya manit dai; nanhte mung lamu dep hkra, n-yun bu ai hte shanhte hpe sat kau manu hka.

2 HKAWHKAM LABAU 36:17

Dai re ai majaw shi gaw Hkalde a hkawhkam hpe shanhte hpang de shangun dat nna, dai wa gaw, shanhte a chyoi pra ai nta kata e shanhte a shabrang ni hpe sat kau nna, brang ram ni hte mahkawn ni hpe mung, aprat kaba ai hte gumgai dingla ni hpe pyi matsan n dum nga ai: shi gaw yawng mayawng hpe shi a lata hta ap kau mu ai.

2 HKAWHKAM LABAU 36:20

Nhtu n hkrum ai ni hpe Babelon mare de bawng woi wa mu ai rai nna, shanhte gaw Persi mungdan grin wa ai du hkra, shi hte shi a kasha ni a mayam ni rai nga ma ai.

EZRA 5:12

Anhte a ji wa ni gaw sumsing lamu a Karai Kasang hpe pawt bu shangun ai majaw, shi shanhte hpe Hkalde a mung na Babelon hkawhkam Nebuhkadneza lata hta ap ya nna, shi gaw ndai nta hpe jahten kau ai hte, mung masha ni hpe Babelon mare de woi wa mu ai.

SHAKAWN KUNGDAWN 69:26

Kaning rai nme law, nang anu ai wa hpe, Shanhte htan shachyut ma ai rai nna, Nang galun nna nma shakap ai wa hpe, Shanhte bai shanan ma ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 13:16

Shanhte a ma kaji ni hpe mung, tinang man e adit sat kau nhtawm, nta ni hpe hpya kau ya nna, madu jan ni hpe kamu roi kau ya ai, hkrum na mara ai.

ESAIA 14:17

Mungkan ga hpe nam shatai kau ai hte, de a mare ni hpe run shabyak kau nhtawm, bawng dung ai ni hpe, tinang nta de wa na ahkang n jaw ai wa gaw, ndai wa rai ni?

ESAIA 14:6

masin pawt ai hte masha amyu ni hpe n sim n sa kayat nna, pawt bu ai hte amyu baw ni hpe up hkang ai wa gaw, ya zingri zingrat ai hkrum nna, shi hpe maga ai wa n nga a hka!

ESAIA 43:28

Dai re ai majaw Chyoi pra ai shara na du ni hpe, ngai awu asin di kau se ai; Yaku hpe dagam dala, Israela hpe shatan nhkan shara, ngai shatai kau se ai.

YEREMIA 50:42

Shanhte gaw ndan hte ri lang ma ai; gumshem ai amyu rai nna, matsan n chye dum ma ai; shanhte a nsen gaw nammukdara zawn wu kadu nga ai; Babelon shayi sha e, nang hpe hpyen htim na matu, shanhte gaw gumra jawn let, langai hte langai hkyen nga ma ai.

SHARUNG SHAYAWT 1:14

Ngai shut hpyit ai kandang hpe, shi a lata hte gyit da nu ai; Dai ni gaw gumhpawn nna nye du hta mara nga ai; shi gaw nye n-gun hpe shayawm kau nu ai: Madu gaw, ngai n hkap daw lu ai ni a lata hta, ngai hpe ap kau ni ai.

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

SHARUNG SHAYAWT 2:2

Madu gaw matsan n dum ai, Yaku a shara ni yawng hpe mayu kau nu ai; Shi pawt bu ai hte Yuda shayi sha a hpyen dap ni hpe sharun kau nu ai: Shi dai dap ni hpe ga de jahkrat kau nna, mungdan hte du salang ni hpe awu asin di kau manu ai.

SHARUNG SHAYAWT 4:16

Yehowa a myi man shanhte hpe shabra kau manu ai; shi shanhte hpe bai yu na n rai; Shanhte gaw hkinjawng ni hpe n kaw n law di nna, salang ni hpe hkungga ma ai n rai,” nga nna masha amyu baw ni hta tsun shajang nga ma ai.

SHARUNG SHAYAWT 5:12

Du ni hpe, tinang a lata hte noi da mu ai; Salang ni hpe hkungga ma ai, n rai.

EZEKELA 24:21

Madu Yehowa ning nga ai, Yu mu, nanhte a n-gun atsam gumrawng gumtawng shara, nanhte a nja nhpra nta hte, grai lahpawt dum ai shara ngu ai, nye a chyoi pra ai shara hpe, ngai awu asin di kau na nngai; nanhte jahti da ai shayi shadang sha ni mung, nhtu hte si na mara ai.

EZEKELA 28:16

Rai timung, na a law la ai hpaga majaw, kashun kashe amu hte nang hpring chyat nga nna, nang yubak galaw ndai; dai re ai majaw n san n seng ai wa hpe zawn, Karai Kasang a bum de na, ngai nang hpe kabai kau nngai: yawng hpe ka-up ai Hkerub e, htoi kabrim ai lungseng ni a ka-ang na, ngai nang hpe yeng kau nngai.

OBEDIA 1:10

Na nnau Yaku hpe adip arip di kau wu ai majaw, kaya kahpa nang hpe htinggrum nna, htani htana jahtum kau ai nang hkrum na rin dai.

OBEDIA 1:16

Kaning rai nme law, nye a chyoi pra ai bum ntsa e shanu ai ni gaw, dai gawm hpe lu ai zawn, maigan amyu ni yawng tut tut lu na mara ai: gaja wa, shanhte lu ai hte mayu dat nna, galoi n pra yu ai ni zawn, rai na mara ai.

ZEHKARIA 1:12

Shaloi Yehowa a lamu kasa gaw, “Zaw nawng zaw wa up ai Yehowa e, ndai sanit shi ning tup, nang sindawng kahtet ai Yerusalem hte Yuda mung na mare ni hpe, gaten du hkra matsan n dum nga na rai ta?” ngu nna san wu ai.

ZEHKARIA 1:15

asan apan de nga ai amyu ni hpe ngai ja ja sindawng kahtet nngai; kaning rai nme law, ngai gaw nye a amyu hpe kaji sha mi pawt yang, shanhte gaw ladu lai hkra zingri ma ai.

MAHTE 7:2

Kaning rai nme law, nanhte jeyang ai hku hkan nna, nanhte jeyang ai hkrum na marin dai; nanhte hteng ya ai dang hte, nanhte hpe hteng ya na marin dai.

TARA JAHPRANG 28:50

dai amyu gaw ru ai myi man man nna, dingla wa hpe hpa n nawn, ma hpe mung n gawn;

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.