ESAIA 47:3 - Jinghpaw Hanson Version Bible

³ nang singgu krin rai nna kaya kahpa hkrum na rin dai: ngai matai dawp yang, kadai hpe mung matsan dum na n rai.

Jinghpaw Common Language Bible 2009

³ Amyu masha ni gaw nang singgu krin rai nga ai hpe mu na mara ai; shanhte gaw nang shagrit kau hkrum ai hte kaya kahpa hkrum sai hpe mu na mara ai. Ngai matai dawk na nngai, kadai mung ngai hpe jahkring lu na n rai,” ngu nna tsun ai.

ESAIA 47:3 ပူးပေါင်းရင်းမြစ်များ

NINGPAWT NINGHPANG 3:7

Dai Shaloi shan a myi hpaw malu ai rai nna, singgu krin rai nga ma ai gaw chye ma ai; shaloi shan gaw lakum lap chywi matut nna tinang a matu dangpai galaw ma ai.

ESAIA 20:4

Egutu masha ni hpe kaya jahkrum na matu, Asuri hkawhkam gaw, rim la hkrum ai Egutu masha ni hte, bawng dung hkrum ai Hkusha masha kaji kaba ni hpe, singgu krin, kyepdin n din, dangbau pyi n magap ai, woi mat wa na maru ai.

ESAIA 3:17

Madu gaw, Ziun shayi sha ni a baw pungding hpe hpye shakan kau ya ai hte, Yehowa gaw shanhte a hpun palawng sharun kau ya nna, kaya jahkrum na mu ai.

ESAIA 35:4

Da ting mu, hkum hkrit myit, ngu nna myit htum ai ni hpe tsun mu: yu mu, nanhte a Karai Kasang gaw matai htang na matu mung, shi kaw na ari jaw na matu mung, du na ra ai; nanhte hpe hkye hkrang la na matu shi nan du na ra ai.

YEREMIA 13:22

Bai nang gaw, Hpa majaw ngai dai lam hkrum ai i? nga nna na a kraw e dum yang, na a ladu lai ai shut hpyit majaw, na a labu raw kau hkrum nna, na a lahtin ahpye a lam hkrum nga ai.

YEREMIA 13:26

Dai re ai majaw, ngai na a labu hpe raw kau nna, na a kaya kahpa dawng na ra ai.

YEREMIA 51:11

Pala ni hpe garang mu; n-gang ni hpe la lang mu: Yehowa gaw Medi hkawhkam ni a myit hpe jasu nu ai; shi gaw Babelon mare hpe shamyit kau na maw nga ai; dai gaw Yehowa a matai dawp ai lam, shi a nawku Htingnu a matai htang ai lam, rai nga ai.

YEREMIA 51:4

Shanhte gaw Hkalde a mung hta kadawng taw nna, de a mare lam ni hta galun kau ai hkrum na mara ai.

YEREMIA 51:56

jahten shabyak ai wa gaw, gaja wa, Babelon mare ntsa e sa du nna, shi share ninghkrin ni rim la hkrum ai hte, shanhte lang ai ndan ni agrawp kau ai hkrum nga ai: kaning rai nme law, Yehowa gaw matai htang ai Karai Kasang rai nga nna, shi teng teng matai htang na ra ai.

NAHUM 3:5

Yu u, ngai nang hpe hkap daw nna, na a labu hpe, na myi man ntsa e malu kau nna, maigan amyu ni hpe, na a singgu krin, hkawhkam mungdan ni hpe, na a kaya kahpa, madun dan na nngai.

ROMA 12:19

Tsawra ai ni e, tinang nan matai hkum htang mu; Karai Kasang a pawt sindawng na hpe ala nga mu: kaning rai nme law, dai Madu tsun ai gaw, Matai htang na ahkang ngai chyu lu nngai, ngai tai na we ai, nga nna ka da nga ai.

TARA JAHPRANG 32:35

Matai htang na ahkang ngai lu da we ai; Shanhte a lagaw kashawt ai shani e, ngai tai na we ai: Kyin dut hkrum na nhtoi shanhte kaw du magang ra ai, Shanhte hkrum na ari gaw du lawan ra ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.