ESAIA 47:1 - Jinghpaw Hanson Version Bible

¹ Babelon shayi hkawnsek e, yu wa nna ga nhpu hta dung u; Hkalde a shayi sha e, tingnyang hta n re ai sha, ga hta dung u: htawm hpang de nang hpe, Nu nu nai nai re ai jan, n ngu na masai.

Jinghpaw Common Language Bible 2009

¹ Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

ESAIA 47:1 ပူးပေါင်းရင်းမြစ်များ

YOBA 2:13

Shing rai shanhte gaw sanit ya sanit na tup shi hte rau ga hta dung nga nna, shi hkrum ai tsin-yam tsindam gaw, grai yak la nga ai hpe, shanhte mu ma ai majaw, kadai mung shi hte ga hkaw mi pyi n tsun ma ai.

YOBA 2:8

Shi hkum hpe ahkut kau na matu, di chyen shi la nna, wan dap hta dung nga ai.

SHAKAWN KUNGDAWN 137:8

Run kau hkrum ai Babelon shayi sha e, Nang anhte hpe di mi ai hte maren, Nang hpe bai tai lu ai wa gaw, a nga ai.

SHAKAWN KUNGDAWN 18:27

Ru tsang hkrum ai amyu hpe nang hkye la nna, Gumrawng ai myi man hpe shagrit kau ndai.

SHAKAWN KUNGDAWN 89:44

Shi a shingkang hpe nang la kau ya nna, Shi a tingnyang hpe ga de jahkrat kau ya mu ai.

ESAIA 13:1

Amot a kasha Esaia gaw, Babelon mare hpe sha-ang nna, shapraw ai myihtoi ga, da ndai rai nga ai:

ESAIA 13:13

Dai re ai majaw, Zaw nawng zaw wa up ai Yehowa a pawt sindawng ai hte shi n-yun bu ai nhtoi hta e, ngai gaw sumsing lamu hpe ashun awam dat nna, ginding aga gaw de a shara na gari htawt mat na ra ai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 21:1

Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

ESAIA 23:12

Bai shi gaw, “Adip arip hkrum ai Sidon shayi hkawnsek e, nang gaw htawm hpang de kabu lu na n rai; rawt u, Kihtim mung de rap wa u; dai yang e pyi nang ban sa lu na n rai,” nga ai.

ESAIA 26:5

Shi gaw tsaw ai shara hta shanu nga ai ni a myit kaba ai mare hpe shayu kau wu ai; shi dai hpe ga du hkra shagrit kau ai hte, ga nhpu du hkra shanem kau wu ai.

ESAIA 3:26

Shi a chyinghka ni gaw hkrap ngu hkrap ngoi let sharung shayawt na mara ai: shi gaw shingran katsi ai shara e ga hta dung nga na ra ai.

ESAIA 37:22

da ndai gaw, Yehowa shi a lam tsun ai ga rai nga ai: Ziun shayi hkawnsek gaw nang hpe jahpoi mani kau nga ai; Yerusalem mare shayi sha gaw na a hpang e baw kanga nga ai.

ESAIA 52:2

Yerusalem e, nang hta kap ai ga nhpu hpe ahpu kau u; rawt u, na a tingnyang hta dung u: bawng dung ai Ziun shayi sha e, na a du na sumri raw kau u.

YEREMIA 13:18

Tinang hkum hpe shagrit nna dung nga mu; nan a arawng sadang janmau gaw, nan a baw na malaw mat sai, ngu nna hkawhkam wa hte kanu hpe tsun nu;

YEREMIA 46:11

Egutu shayi hkawnsek e, Gilead mung de lung wa nna, balsam hpun naw hpe la u; nang gaw kaman lila tsi law law tsi ndai: na a ana ahkya mai wa lu ai n rai.

YEREMIA 48:18

Dibon shara e shanu nga ai shayi sha e, na a arawng sadang kaw na yu wa nna, hpang ga a hkrum let dung nga u: Moba hpe jahten shabyak ai wa gaw nang kaw du nna, na a hpyen dap ni hpe run kau na ra ai.

YEREMIA 50:1

Babelon mare hte Hkalde mung hpe lakap nna, myihtoi Yeremia n-gup hte Yehowa tsun ai mungga, da ndai rai nga ai.

YEREMIA 50:42

Shanhte gaw ndan hte ri lang ma ai; gumshem ai amyu rai nna, matsan n chye dum ma ai; shanhte a nsen gaw nammukdara zawn wu kadu nga ai; Babelon shayi sha e, nang hpe hpyen htim na matu, shanhte gaw gumra jawn let, langai hte langai hkyen nga ma ai.

YEREMIA 51:1

Yehowa ning nga ai: Yu u; ngai gaw Babelon mare hte ngai e gumlau ai myit rawng ai ni hpe, shamyit kau na nbung sharawt na nngai.

YEREMIA 51:33

Kaning rai nme law, Israela Karai Kasang, Zaw nawng zaw wa up ai Yehowa ning nga ai: Babelon shayi sha gaw, mam kabye na chyarang zawn rai nga ai; gade n na yang, shi hpe mam zawn kabye na ra ai.

YEREMIA 51:51

Anhte shatan nhkan ai ga na ai majaw, anhte mak mat saga ai; kashuk kashak ai, anhte a myi man hpe htinggrum nga ai: kaning rai nme law, tsasam masha ni gaw Yehowa nta a chyoi pra ai shara ni hta shang wa masai.

SHARUNG SHAYAWT 2:10

Ziun shayi sha a salang ni gaw, ga ntsa e dung nna, atsin sha nga nga ma ai; Shanhte gaw tinang a baw ntsa e ga nhpu hpe bun nna, lachyit nba lawai ma ai. Yerusalem a mahkawn ni gaw, ga du hkra gum dagup nga ma ai.

SHARUNG SHAYAWT 2:21

Dingla ni hte ma ni gaw, mare lam ni hta kadawng taw ma ai; Nye a shabrang ni hte mahkawn ni gaw, nhtu hte si ma masai; Nang pawt bu ai shani hta, nang shanhte hpe matsan n dum ai, kahtam sat kau manu ai.

SHARUNG SHAYAWT 4:5

Mu mu mai mai sha ga ai ni gaw, shingbyi shara kata, mare lam ni hta nga nga ma ai: Hkyeng mang ai yup ra ntsa e yup ga ai ni gaw, nga hkyi sumpum machyu nga ma ai.

EZEKELA 26:16

Dai shaloi e nammukdara agyi ni yawng tinang tingnyang na yu nna, palawng galu hpe raw kau nhtawm, maka ka ai palawng hpe raw kabai kau na mara ai; shanhte gaw hkrit gari ai bu hpun na mara ai: ga hta dung nga nna tut hkrit gari let, nang hta byin ai amu majaw, shanhte mak mat na mara ai.

EZEKELA 28:17

Nang tsawm htap ai majaw myit kaba nga ndai; htoi kabrim ai majaw na a hpaji gale mat sai; ngai nang hpe ga du hkra shagrit kau nngai; hkawhkam ni nang hpe mu lu hkra, ngai nang hpe shanhte a man e jahkrat tawn nngai.

YONA 3:6

Dai ga gaw Ninewe hkawhkam kaw mung du nna, shi gaw shi a tingnyang hta na rawt nhtawm, hkawhkam yangwat raw kau wu ai hte, lachyit nba lawai let, wan dap hta dung nga ai.

HAGI 2:22

hkawhkam mungdan ni a tingnyang hpe, ngai gale galau kau na nngai: maigan amyu ni a hkawhkam mungdan ni a n-gun atsam hpe, ngai agrawp kau na nngai; hpyen leng ni hte dai hta jawn ai ni hpe, ngai gale galau di kau na nngai; gumra ni hte gumra jawn ai ni gaw, langai hte langai tinang a hpunau wa a nhtu hte kadawng hkrat na mara ai.

ZEHKARIA 2:7

“He, Babelon shayi sha hte rau de nga ai, Ziun e, hprawng lawt u.

SHINGRAN 18:7

Shi tinang hkum shareng nna sawse lawklek kaba wa ai made, zingri zingrat ai hte sharung shayawt ai, shi hpe htang jaw mu: kaning rai nme law, shi gaw, Ngai hkawhkam jan hkaw dung nga nngai; ngai gaida jan n rai; galoi mung sharung shayawt ai ngai n hkrum na nngai, nga nna kraw kata e tsun nga ai.