ESAIA 45:5 - Jinghpaw Hanson Version Bible

⁵ Ngai nan Yehowa rai nga nngai, ngai hta kaga kadai n nga ai; ngai hta shaje Karai Kasang n nga ai. Nang ngai hpe n chye timung, ngai nang hpe shingkyit kyit ya na ring ngai;

Jinghpaw Common Language Bible 2009

⁵ “Ngai gaw dai Madu rai nga nngai; karai shaje mi n nga nga ai. Nang ngai hpe n chye ti mung, nang hta ra ai n-gun lagaw ngai nang hpe jaw na de ai.

ESAIA 45:5 ပူးပေါင်းရင်းမြစ်များ

1 HKAWHKAM 8:60

ngai Yehowa hpe hpyi nem tawngban ai ga gaw, anhte a Karai Kasang Yehowa a man e shani shana anga nga u ga law.

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

YOBA 12:18

Hkawhkam ni gyit da ai sumri hpe shi raw kau nna, shanhte a nshang hpe shingkyit hte kyit da mu ai.

YOBA 12:21

Du ni hpe kaya kahpa jahkrum nna, n-gun ja ai ni hpe shanut kau mu ai.

SHAKAWN KUNGDAWN 18:31

Yehowa hta shaje kadai wa Karai Kasang rai nga a ta? Anhte a Karai Kasang hta kaga, kadai wa lunghkrung rai nga a ta?

SHAKAWN KUNGDAWN 18:32

Dai Karai Wa, ngai hpe n-gun hte shingkyit kyit ya nna, Nye a lam hpe shadik ya ai.

SHAKAWN KUNGDAWN 18:33

Shi gaw nye a lagaw hpe shan lagaw zawn shatai nna, Nye a tsaw ai shara de ngai hpe mara da ni ai.

SHAKAWN KUNGDAWN 18:39

Nang ngai hpe majan gun na n-gun hte shingkyit kyit ya nna, Ngai hte nhtan shai ai ni, nye a npu e kadawng taw nga ma ai.

SHAKAWN KUNGDAWN 86:10

Nang galu kaba nga ndai rai nna, Mauhpa amu galaw nga ndai: Nang chyu sha Karai Kasang rai nga ndai.

PRU MAT 9:14

ga ntsa ting hta e ngai zawn re ai kadai n nga ai gaw, nang chye lu na matu, ya ndai lang hta gaw, na a masin hta mung, na a agyi salang ni hte na a amyu masha ni hta mung, nye a ari zinli nlang ngai sharut bun dat na made ai.

ESAIA 22:21

na a palawng galu shi hpe jahpun kau na we ai; nang kyit ai shingkyit ngai shi hpe shakyit nna, nang up ai ahkang shi a lata hta ap ya na we ai: shi gaw Yerusalem masha ni hte Yuda mung a kawa tai na ra ai.

ESAIA 37:20

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

ESAIA 43:10

“Nanhte dum lu nna, ngai hpe kamsham let, ngai nan dai wa rai nga nngai, chye na lu hkra, nanhte nye a sakse ni hte ngai lata la ai shangun ma ni rai nga myit dai, nga nna Yehowa tsun ai: nye a shawng e Karai Wa n nga ai, nye a hpang e mung pru na n rai.

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 44:8

Nanhte hkum tsang myit, hkum hkrit myit; moi shawng kaw nna ngai nang hpe tsun madun da ni ai, n rai ni? nanhte nan nye a sakse ni rai nga myit dai. Ngai hta shaje Karai Kasang nga a ni? Gaja wa, Lunghkrung shaje nga ai gaw, ngai n chye nngai.

ESAIA 45:1

Yehowa gaw, shi a namman chya ya ai wa, Kuru hkawhkam hpe sha-ang nna ning nga tsun ai: Masha amyu ni hpe shi a man e shagrit kau nna, hkawhkam ni a shingkyit hpe ngai raw kau na matu mung, shi a man e chyinghka ni hpaw malang da nna, mare chyinghka ni n la da na matu mung, ngai gaw shi a lata hpe shadaw ya se ai:

ESAIA 45:6

dai rai nna, ngai hta kaga kadai n nga ai, sinpraw maga na ni mung, sinna maga na ni mung, chye na lu na mara ai: ngai Yehowa nan rai nga nngai, ngai hta kaga kadai n nga ai.

ESAIA 46:9

Moi prat na lam ni hpe dum mu; ngai gaw Karai Kasang rai nga nngai; shaje n nga ai; ngai nan Karai Kasang rai nga nna, ngai hte bung ai n nga ai:

ESAIA 47:8

Dai re ai majaw pyaw daw kadaw tam nna amu sha dung nga let, “Ngai nan rai nga nngai; ngai hta kaga kadai n nga ai; ngai gaida jan zawn dung nga na n rai; kashu kasha si ai mung hkrum na n rai,” nga nna kraw e tsun ai jan e, ndai ga madat u:

EZEKELA 30:24

Babelon hkawhkam a lahpum hpe, ngai n-gun shaja nna, nye a nhtu hpe, shi a lata hta ap ya na nngai: Hpara-u a lahpum hpe chyawm gaw, ngai agrawp kau nna, shi gaw si hkra hkala nba hkrum ai wa zawn, shi a man e madai na ra ai.

YOELA 2:27

Dai hta n-ga, ngai gaw Israela amyu ka-ang e rai nga ai mung, ngai nanhte a Karai Kasang Yehowa rai nga nna, ngai hta shaje n nga ai mung, nanhte chye lu na marin dai: nye a amyu masha ni mung, htawm hpang de kaya kahpa galoi n hkrum na masai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

TARA JAHPRANG 4:35

Yehowa chyu sha Karai Kasang rai nga ai hte shi hta kaga Karai Kasang shaje n nga ai gaw nanhte chye lu myit ga she, nanhte hpe dai hte madun ai rai nga ai.

TARA JAHPRANG 4:39

Dai rai nna, Yehowa gaw sumsing lamu lahta tang hte ginding dinghta ga ntsa e Karai Kasang rai nga ai mung, Karai shaje mi n nga sai mung, dai ni dum hprang nna kraw lawang kata e matsing gun nga mu law.