ESAIA 45:4 - Jinghpaw Hanson Version Bible

⁴ Nye shangun ma Yaku hte, ngai lata la ai Israela a matu mara, ngai na a amying hpe shaga nngai: nang ngai hpe n chye timung, ngai nan nang hpe amying ningnan kahtap jaw de ai.

Jinghpaw Common Language Bible 2009

⁴ Ngai lata la sai amyu masha ngu ai nye a shangun ma Israela hpe karum na matu, ngai nang hpe san da nngai. Nang ngai hpe n chye ti mung, ngai nang hpe galu kaba ai arawng sadang jaw ni ai.

ESAIA 45:4 ပူးပေါင်းရင်းမြစ်များ

SHAKAWN KUNGDAWN 105:6

Shi galaw dan sai lamik kumla bungli hte, shi a mauhpa magam, shi n-gup na pru ai tara hpe, adum nga mu.

SHAKAWN KUNGDAWN 136:22

Dai hpe shi a mayam wa Israela a sali wunli shatai wu ai, Shi a chyeju htani htana agrin nga ai.

ESAIA 43:1

Ya chyawm gaw, Yaku amyu e, nang hpe hpan da ai wa, Israela dap e, nang hpe hpajang da ai wa Yehowa ning nga ai: “Hkum hkrit et, ngai nang hpe hkrang la ni ai; na a amying hte ngai nang hpe shaga nna, nang nye a rai nga ndai.

ESAIA 43:14

Israela a Chyoi pra ai Wa, nanhte a Hkye hkrang la ai Madu Yehowa ning nga ai: “Ngai gaw nanhte a matu Babelon mare de shangun nna, hprawng wa ai Hkalde masha ni yawng hpe, tinang machyu nga ai sanghpaw li ni hta, shayu dat na mu ai.

ESAIA 44:1

Ya chyawm gaw nye a shangun ma Yaku e, ngai lata la ai Israela e, madat mara nga u:

ESAIA 44:28

Kuru hkawhkam hpe lakap nna, Shi gaw nye a sagu ni hpe rem ai wa rai nga ai; ngai ra mara shi shadik ya nna, Yerusalem mare hpe bai dè da mu ga, nawku Htingnu a npawt nhpang ni gaw da mu ga, nga nna shi hpe tsun shangun ai Yehowa nan ngai rai nga nngai,” nga ai.

MAHTE 24:22

Dai nhtoi ni hpe n shagying kau yang gaw, gade a hkum shan mung n lawt lu na ra ai; rai timung, lata la ai ni a matu mara, dai nhtoi ni gaw gying wa na ra ai.

MARKU 13:20

Dai nhtoi ni hpe, dai Madu n shagying kau yang gaw, gade a hkum shan mung, n lawt lu na ra ai; rai timung, shi lata la nu ai lata la ai ni a matu mara, dai nhtoi ni hpe shagying da nu ai.

KASA 17:23

Kaning rai nme law, ngai lai hkawm wa nna, nanhte jaw jau ai rai ni hpe mada yu yang, N chye gaw ai Karai Wa matu, nga nna ka tawn ai hkungri langai mi mung, ngai mu hkrup we ai: dai nanhte n chye let nawku ai wa a lam, ngai nanhte hpe hkai dan made ga,

ROMA 11:7

Dai rai yang gaw, kaning law? Israela masha ni gaw, tinang tam ai lam hpe n dep ma ai; lata la hkrum ai ni mahtang gaw dep ma ai:

ROMA 9:6

Rai timung, Karai Kasang a mungga gaw kaman be be zawn tai wa sai n rai. Kaning rai nme law, Israela amyu yawng hte wa, Israela masha majing n rai ma ai:

EHPESU 2:12

dai aten e Hkristu hta nanhte n lawm myit dai; Israela masha ni a mungdan a shinggan e nanhte nga ai hte, dai ga shaka hte seng ai ga ndat ni hta tsasam ni rai nga myit dai rai nna, mungkan ga hta myit mada shara mung, Karai Kasang mung, n lu ai sha pra nga myit dai hpe, dum nga mu.

1 HTESALONI 4:5

kadai hpe mung n tawt n lai ai hte, dai lam hta tinang a hpunau wa hpe n map n maw sha nga myit ga, dai gaw Karai Kasang a myit ra ai hku hte nanhte a shachyoi shapra na lam rai nga ai.