ESAIA 45:2 - Jinghpaw Hanson Version Bible

² na a amying hte nang hpe shaga ai wa, Israela Karai Kasang, ngai Yehowa nan rai nga nngai gaw, nang chye na lu hkra, ngai gaw na a shawng e sa wa nna, kabawng kachyawng re ai shara ni hpe ara sha di na we ai;

Jinghpaw Common Language Bible 2009

² “Ngai nan na a lam hpe hkyen lajang ya na nngai, bum ni hte kawng ni hpe shara na nngai. Ngai gaw magri mang chyinghka ni hpe agrawp kau nna, de a hpri htinggrang ni hpe kahtum kadaw di kau na nngai.

ESAIA 45:2 ပူးပေါင်းရင်းမြစ်များ

SHAKAWN KUNGDAWN 107:16

Magri chyinghka ni hpe shi agrawp kau nna, hpri htinggrang ni hpe kahtum kadaw di kau nu ai.

ESAIA 13:2

Krin ai bum ntsa e dawnghkawn sharawt mu; nsen kaba hte shanhte hpe jahtau mu; shanhte gaw du magam ni a chyinghka ni hta shang lu hkra, lata wak mu.

ESAIA 14:31

Chyinghka e, sharung shayawt nga u; mare e, hkrap ngu hkrap ngoi nga u: Hpilisti mung ting e, nang yawn du krung nga ndai: kaning rai nme law, dingdung maga de na wan hkut mawng nga ai; shi lai wa ai hku kadai mung n ngam nga ai.

ESAIA 24:12

Mare kata e shingran katsi ai hkrai ngam nga nna, mare chyinghka gaw agrawp run kau ai hkrum nga ai.

ESAIA 40:4

hkaraw hkamwam shagu hpe, gaw shatsaw na ra ai; bum hte kawng shagu hpe shanem na ra ai; hkalik hkalawk re ai shara pri mat na ra ai; machyawk marawk re ai shara layang tai na ra ai:

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 45:13

Ngai nan dai wa hpe dinghpring ai hte sharawt da nna, shi hkan sa ai lam ni yawng, ngai malan ya na we ai: shi gaw nye a mare hpe dè da nna, bawng dung ai nye a masha ni hpe, manu jahpu n hpyi ai, shalawt dat na ra ai, nga nna Zaw nawng zaw wa up ai Yehowa tsun nga ai.

ESAIA 48:15

Ngai nan mungga hkang da ni ai; gaja wa, ngai shi hpe shaga ni ai: ngai gaw shi hpe lakawn wa nna, shi gaw shi a lam hta awng wa na ra ai.

YEREMIA 51:30

Babelon mare na share ninghkrin ni gaw, hpyen n gasat hkraw ai, hpyen dap ni hta nga nga ma ai; shanhte gawng kya nna, num zawn tai mat masai; mare masha ni a shanu ai shara ni wan hkru nna, chyinghka htinggrang ni agrawp mat sai.

YEREMIA 51:58

Zaw nawng zaw wa up ai Yehowa ning nga ai: Babelon mare a htat ai bunghku ni hpe, atsai awai agrawp kau nna, de a tsaw ai chyinghka ni hpe mung, wan nat kau na mara ai: amyu baw ni gaw kaman lila matu, mung masha ni gaw wan a matu hkrai, shakut sharang nna, shanhte gaw hki ba hkrum na mara ai.

Daniela 5:28

Peresa, ngu ai gaw, na a mungdan hpe karan kau nna Medi hte Persi masha ni hpe ap kau nu ai, nga ai, rai nga ai,” ngu nna hkawhkam wa hpe tsun dan wu ai.

Daniela 8:4

Dai sagu la gaw sinna de, dingdung de, dingda de daru gasat ai, ngai mu nngai: hpa ashu ashan mung hkap daw lu ai n rai; shi a lata na mawai la lu ai wa mung kadai n nga ai: shi galaw mayu ai hte maren shi galaw nna, shi hkum hpe shagrau shatsaw wu ai.

NAHUM 3:13

Yu u, na a ka-ang e nga ai masha ni gaw, num zawn rai mat masai; nang hpe hpyen ai ni shang lu na matu, na a mung chyinghka ni hpaw malang nga ai; na a htinggrang ni yawng hkru mat masai.

LUKA 3:5

Hkaraw hkamwam shagu kaput lu na rai nga ai, Bum hte kawng shagu hpe daw kau lu na rai nga ai; Magaw ai lam ni hpe shading lu na rai nga ai, Machyawk marawk re ai lam ni hpe shara lu na rai nga ai:

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,