ESAIA 45:1 - Jinghpaw Hanson Version Bible

¹ Yehowa gaw, shi a namman chya ya ai wa, Kuru hkawhkam hpe sha-ang nna ning nga tsun ai: Masha amyu ni hpe shi a man e shagrit kau nna, hkawhkam ni a shingkyit hpe ngai raw kau na matu mung, shi a man e chyinghka ni hpaw malang da nna, mare chyinghka ni n la da na matu mung, ngai gaw shi a lata hpe shadaw ya se ai:

Jinghpaw Common Language Bible 2009

¹ Dai Madu gaw Kuru hpe hkawhkam tai na matu lata la nu ai. Shi gaw masha amyu baw ni hpe up na matu shi hpe lit jaw nu ai; Hkawhkam ni a daru magam n-gun raw sharun ya na matu shi hpe shangun dat nga ai; dai Madu gaw shi a matu mare ni a chyinghka ni hpe hpaw malang da ya na ra ai. Dai Madu gaw Kuru hpe,

ESAIA 45:1 ပူးပေါင်းရင်းမြစ်များ

1 HKAWHKAM 19:15

Bai Yehowa gaw, “Rawt u, Damasku nam mali hku bai wa u; dai yang du jang, Hazaela hpe Suru hkawhkam tai na matu, namman chya ya na ndai;

EZRA 1:1

Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

YOBA 12:21

Du ni hpe kaya kahpa jahkrum nna, n-gun ja ai ni hpe shanut kau mu ai.

SHAKAWN KUNGDAWN 73:23

Rai timung, ngai gaw tut tut nang hte rau nga nga nna, Nye a hkra lata hpe nang jum ya nga ndai.

ESAIA 13:2

Krin ai bum ntsa e dawnghkawn sharawt mu; nsen kaba hte shanhte hpe jahtau mu; shanhte gaw du magam ni a chyinghka ni hta shang lu hkra, lata wak mu.

ESAIA 13:3

Nye a lam hta tinang hkum nawng kau ai ni hpe ngai htet da nna, ngai pawt sindawng ai shakawp na matu, nye a share ninghkrin ni hte nye a arawng sadang hta ninglaw ai ni hpe, ngai shaga la ni ai.

ESAIA 41:13

Kaning rai nme law, Na a Karai Kasang ngai Yehowa gaw, “Hkum hkrit et; ngai nang hpe karum na de ai, nga nna, na a hkra lata jum let, tsun na nngai.

ESAIA 41:2

Dinghpring ai lam hkan chye ai langai mi hpe, sinpraw mung de na kadai sharawt a ta? shi gaw amyu baw ni hpe dai wa a lata hta ap ya nna, hkawhkam ni a ntsa e up shangun wu ai; shanhte gaw shi a nhtu man e ga nhpu zawn rai nna, shi a ndan majaw, poi mat ai yi hku hte bung ma ai.

ESAIA 41:25

Dingdung maga de na wa langai mi, nye a amying shaga ai wa sinpraw de na, ngai paw pru shangun nna, shi du ra ai: dai wa gaw munggyi ni hpe engade zawn rin nna, dibu sama a ga kagam zawn kabye kau na ra ai.

ESAIA 42:6

“Nang gaw myi kyaw ai ni a myi hpe hpaw ya na hte, htawng hta bawng dung ai ni hpe shapraw nna, nsin htawng hta dung nga ai ni hpe shalawt dat na matu,

ESAIA 44:28

Kuru hkawhkam hpe lakap nna, Shi gaw nye a sagu ni hpe rem ai wa rai nga ai; ngai ra mara shi shadik ya nna, Yerusalem mare hpe bai dè da mu ga, nawku Htingnu a npawt nhpang ni gaw da mu ga, nga nna shi hpe tsun shangun ai Yehowa nan ngai rai nga nngai,” nga ai.

ESAIA 45:5

Ngai nan Yehowa rai nga nngai, ngai hta kaga kadai n nga ai; ngai hta shaje Karai Kasang n nga ai. Nang ngai hpe n chye timung, ngai nang hpe shingkyit kyit ya na ring ngai;

ESAIA 48:15

Ngai nan mungga hkang da ni ai; gaja wa, ngai shi hpe shaga ni ai: ngai gaw shi hpe lakawn wa nna, shi gaw shi a lam hta awng wa na ra ai.

YEREMIA 27:6

Ya ndai mung ni yawng hpe, nye a shangun ma Babelon hkawhkam Nebuhkadneza a lata de ngai ap kau ni ai; shi hpe daw jau na matu, pa ga na ashu ashan ni hpe mung, ngai ap ya ni ai.

YEREMIA 43:10

Israela Karai Kasang Zaw nawng zaw wa up ai Yehowa ning nga ai: Yu mu, ngai gaw nye a shangun ma, Babelon hkawhkam Nebuhkadneza hpe shaga la nna, shi a tingnyang hpe, ngai lup makoi da ai nlung ni a ntsa e shadun da na nngai; shi gaw shi a hkawhkam sum hpe dai nlung ni a ntsa e hpyan tawn na ra ai.

YEREMIA 50:3

“Kaning rai nme law, masha amyu mi gaw dingdung mung kaw na dai mare de sa du nna, de a mungdan hpe shamyit kau na ra ai; dai hta e masha nga lu na n rai: masha hte yamnga yawng, hprawng pru wa masai.

YEREMIA 50:35

Yehowa ning nga ai, Nhtu tsin-yam gaw Hkalde masha ni, Babelon masha ni, de a du salang ni hte hpaji rawng ai ni a ntsa e du u ga;

YEREMIA 51:11

Pala ni hpe garang mu; n-gang ni hpe la lang mu: Yehowa gaw Medi hkawhkam ni a myit hpe jasu nu ai; shi gaw Babelon mare hpe shamyit kau na maw nga ai; dai gaw Yehowa a matai dawp ai lam, shi a nawku Htingnu a matai htang ai lam, rai nga ai.

YEREMIA 51:30

Babelon mare na share ninghkrin ni gaw, hpyen n gasat hkraw ai, hpyen dap ni hta nga nga ma ai; shanhte gawng kya nna, num zawn tai mat masai; mare masha ni a shanu ai shara ni wan hkru nna, chyinghka htinggrang ni agrawp mat sai.

YEREMIA 51:58

Zaw nawng zaw wa up ai Yehowa ning nga ai: Babelon mare a htat ai bunghku ni hpe, atsai awai agrawp kau nna, de a tsaw ai chyinghka ni hpe mung, wan nat kau na mara ai: amyu baw ni gaw kaman lila matu, mung masha ni gaw wan a matu hkrai, shakut sharang nna, shanhte gaw hki ba hkrum na mara ai.

EZEKELA 29:20

Shanhte gaw nye a amu gun hpai nna, Turu mare hta shakut sharang ai majaw, ngai shi hpe Egutu mung ap ya ni ai,” nga nna Madu Yehowa tsun ai.

Daniela 5:6

Dai rai nna hkawhkam wa myi man sum ai hte, myit ung ang nga ai; shi a mashi marung n-gun kya wa nna, shi a lahput shada ahkawk nga ai.

Daniela 7:5

Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

Daniela 8:3

Shaloi ngai dap mada yu yang, yu u, nrung lahkawng tu ai sagu la langai mi, dai hka kau e tsap nga ai; dai nrung lahkawng galu nga timung, langai mi grau galu nna, dai gaw hpang e tu ai nrung rai nga ai.

Daniela 8:4

Dai sagu la gaw sinna de, dingdung de, dingda de daru gasat ai, ngai mu nngai: hpa ashu ashan mung hkap daw lu ai n rai; shi a lata na mawai la lu ai wa mung kadai n nga ai: shi galaw mayu ai hte maren shi galaw nna, shi hkum hpe shagrau shatsaw wu ai.

NAHUM 2:6

Hka lam chyinghka ni hpaw malang nga nna, hkawhkam htingnu gaw mat mat nga ai.

NAHUM 3:13

Yu u, na a ka-ang e nga ai masha ni gaw, num zawn rai mat masai; nang hpe hpyen ai ni shang lu na matu, na a mung chyinghka ni hpaw malang nga ai; na a htinggrang ni yawng hkru mat masai.