ESAIA 43:2 - Jinghpaw Hanson Version Bible

² Nang hka rap wa yang, ngai nang hte rau rai nga nngai; hka nu hka shi ni hpe rap wa yang, lim wa na n rai; wan hpe kabye yang, hkru na n rai, wan shinglet mung galip na n rai.

Jinghpaw Common Language Bible 2009

² Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 43:2 ပူးပေါင်းရင်းမြစ်များ

YOBA 5:19

Shi nang hpe ru tsang amu kru hta na mawai la ai hta n-ga, sanit lang hkrum timung, nni nkri nang hpe hkra na, n rai.

SHAKAWN KUNGDAWN 23:4

Si ai hkaraw a shingnip hta e ngai hkawm sa wa timung, Nang ngai hte rau nga nga ai majaw, Ngai aru ara hpe n hkrit nngai: Na a sumdoi hte na a dawhkrawng gaw, ngai hpe shapyaw ya nga ai.

SHAKAWN KUNGDAWN 32:6

Dai re ai majaw nang hpe hkrum lu ai aten hta e, Chyoi pra ai ni nlang nang kaw hpyi mu ga; Gaja wa, hka kaba tung wa timung, Shanhte kaw du lu na n rai.

SHAKAWN KUNGDAWN 66:10

Rai tim Karai Kasang e, nang anhte hpe chyam yu nit dai, Gumhpraw hpe zawn, anhte hpe shabyawng yu nit dai.

SHAKAWN KUNGDAWN 66:12

Anhte a baw ntsa e, masha hpe jawn shangun nna, Wan hta, hka hta, anhte shang ga timung, Nang anhte hpe apra asan sha lai kawt shangun mi ai.

SHAKAWN KUNGDAWN 91:15

Shi ngai hpe shaga yang, ngai htan na nngai, Ru tsang ai hte ngai shi hte rau nga na nngai; Ngai shi hpe sai la nna, shagrau na we ai.

PRU MAT 14:29

Israela kashu kasha ni chyawm gaw dai nawng ka-ang hkarang hta e hkawm wa lu ma ai rai nna, hka dai gaw shanhte a hkra maga pai maga shakum tai nga malu ai.

PRU MAT 3:12

Bai Karai kasang gaw, “Ngai nang hte rau teng teng nga na ring ngai; ngai nang hpe shangun dat ai kumla gaw, Dai amyu hpe Egutu mung na nang shapraw wa nhtawm, ndai bum hta e nanhte Karai Kasang hpe naw jau lu ai rai na ra ai,” ngu wu ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 30:27

Yu u, Yehowa a mying nsang gaw sumtsan de na du ra ai; dai gaw shi a pawt bu ai hte hkru nna, htat ai wan hkut mawng nga ai: shi a n-gup gaw pawt kahtet ai hte hpring nna, shi a shinglet hkru ai wan rai nga ai;

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 43:5

Hkum hkrit et; ngai nang hte rau rai nga nngai: sinpraw maga de na, na a aru arat ni hpe ngai woi wa nna, sinna maga de na nang hpe shinggyin la na nngai;

YEREMIA 42:11

nanhte hkrit nga ai Babelon hkawhkam hpe hkum hkrit myit; Yehowa ning nga ai, Dai hkawhkam a lata na nanhte hpe hkye la nna mawai la na matu, ngai nanhte hte rau nga nga nngai majaw, shi hpe hkum hkrit myit.

YEREMIA 46:28

Nye a shangun ma Yaku e, hkum hkrit et; ngai nang hte rau rai nga nngai; nang hpe shachyut dat ai mungdan ni yawng hpe, ngai jahtum kau timung, nang hpe jahtum kau na n rai; rai timung, ngai nang hpe mara n kap ai wa n ngu lu nna, nang hpe ram ram naw shari na de ai, nga nna Yehowa tsun ai.

Daniela 3:23

Shadrak, Meshak, Abed-nego ngu ai marai masum chyawm gaw, dai grung nga ai wan htung kata de, gyit hkang let, hkrat bang ma ai.

HAGI 1:13

Dai rai nna Yehowa a kasa Hagi gaw, Yehowa tsun ai: Ngai nanhte hte rau rai nga nngai, ngu nna mung masha ni hpe Yehowa a mungga htawn tsun mu ai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

2 TIMOHTI 4:22

Dai Madu gaw na a Wenyi hte rau anga nga u ga. Chyeju gaw nanhte hte rau anga nga u ga law.

HEBRE 11:29

Kamsham ai hte shanhte gaw dai hkyeng ai nawng hta hkarang ntsa e zawn, rap lai wa ma ai: Egutu masha ni mung, dai zawn rap chyam yu ma yang, lup si ai hkrum ma ai.

YAWSHU 1:5

Nang naw hkrung nga dingsa nang hpe kadai daw lu na n rai: Mawshe hte rau ngai nga nga ai zawn, nang hte rau ngai nga nga na ring ngai; ngai nang hpe kau da na n rai, nang hpe kau rap rai na n rai.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”