ESAIA 42:8 - Jinghpaw Hanson Version Bible

⁸ Ngai gaw Yehowa rai nga nngai; dai nye a amying shingteng rai nga ai: nye a hpung shingkang masha wa hpe, nye a arawng sadang hpara sumla ni hpe, ngai jaw na n rai.

Jinghpaw Common Language Bible 2009

⁸ “Ngai chyu sha dai Madu na a Karai Kasang rai nga nngai. Kaga karai gaw nye a hpung shingkang hpe garan la mai nga ai n rai; Ngai gaw kaga hpara sumla ni hpe nye a shakawn kungdawn ga garan hkam la shangun na n rai.

ESAIA 42:8 ပူးပေါင်းရင်းမြစ်များ

SHAKAWN KUNGDAWN 66:2

Shi mying a hpung shingkang hpe mahkawn mu, Shi hpe shakawn yang, arawng sadang jaw mu:

SHAKAWN KUNGDAWN 83:18

Prat dingsa shanhte kaya kahpa hte hkrit gari nna, Myi man sum ai hte hten byak ai hkrum mu ga law.

PRU MAT 34:14

Hpara shaje nang nawku lu na n rai: Nsu nnawn ngu ai Yehowa gaw, nsu nnawn myit rawng ai Karai Kasang rai nga ai:

PRU MAT 4:5

ning di yang, shanhte a kaji kawoi ni a Karai Kasang, Abraham a Karai Kasang, Isak a Karai Kasang, Yaku a Karai Kasang ngu ai Yehowa nang kaw dan pru ai gaw shanhte kam na mara ai, ngu nna Mawshe hpe tsun wu ai.

ESAIA 43:11

Ngai hkum nan, Yehowa rai nga nngai; ngai hta kaga hkye hkrang la ai wa n nga ai.

ESAIA 43:3

Kaning rai nme law, ngai gaw, nang hpe Hkye hkrang la ai Madu, Israela a Chyoi pra ai Wa, na a Karai Kasang Yehowa rai nga nngai: na a gawng malai hkungga tai na matu Egutu mung hpe mung, na a malai Hkusha hte Seba mung hpe mung, ngai jaw ni ai.

ESAIA 48:11

Nye a marang e, rai sa, nye a marang e, ndai lam ngai galaw na nngai; nye a amying hpa majaw jahpoi ai hkrum na rai ta? nye a arawng sadang hpe kaga wa e ap ya na n rai.

ESAIA 48:5

ngai dai lam ni hpe moi kaw nna nang hpe tsun dan ni ai; dai n rai taw gaw, ‘Nye a hpara sumla ndai galaw sai, ngai tawk la ai sumla, ngai jaw ai sumla, ndai lam ni shabyin sai,’ nga nna nang tsun na ndai.

ESAIA 48:6

Nang dai lam na yu nu ai; dai yawng mayawng hpe mada yu u; nanhte mahtang n tsun shana ai nga na myit ni? ningnan lam mung, nang n chye ai makoi magap da ai lam ni mung, ngai gaw ya kaw nna nang hpe madun dan ni ai.

Daniela 5:4

Gaja wa shanhte tsabyi jahku lu nna, aja, gumhpraw, magri, hpri, hpun hte nlung e tawk galaw ai hpara ni hpe, shakawn kungdawn ma ai.

YAWHAN 5:23

Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

YAWHAN 8:58

Shaloi Yesu gaw, “Nanhte hpe ngai gaja wa teng teng tsun made ga, Abraham garai n nga yang nna ngai nga ni ai,” ngu nna shanhte hpe tsun mu ai.

TARA JAHPRANG 28:58

“Na a Karai Kasang Yehowa ngu ai hpung shingkang hte hkrithpa rai nga ai mying ningsang hpe, hkrit kang nga na matu, ndai laika hta ka da ai tara matsun yawng hpe nang n hkan ai nga n yang gaw;