ESAIA 42:6 - Jinghpaw Hanson Version Bible

⁶ “Nang gaw myi kyaw ai ni a myi hpe hpaw ya na hte, htawng hta bawng dung ai ni hpe shapraw nna, nsin htawng hta dung nga ai ni hpe shalawt dat na matu,

Jinghpaw Common Language Bible 2009

⁶ “Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 42:6 ပူးပေါင်းရင်းမြစ်များ

ESAIA 26:3

Myit maju jung ai wa gaw, nang hta shamyet shanat nga ai majaw, nang ban sa nga shangun wu ai.

ESAIA 27:3

Ngai Yehowa gaw sun sin ai wa rai nngai; n sim n sa ntsin jaw we ai; kadai n jahten lu hkra, ngai shani shana sin na we ai.

ESAIA 32:1

Yu mu, dinghpring ai hku hkan ai hkawhkam up nga nna, du ni gaw malang ai hku hkan let, tara dara na mara ai.

ESAIA 41:13

Kaning rai nme law, Na a Karai Kasang ngai Yehowa gaw, “Hkum hkrit et; ngai nang hpe karum na de ai, nga nna, na a hkra lata jum let, tsun na nngai.

ESAIA 41:2

Dinghpring ai lam hkan chye ai langai mi hpe, sinpraw mung de na kadai sharawt a ta? shi gaw amyu baw ni hpe dai wa a lata hta ap ya nna, hkawhkam ni a ntsa e up shangun wu ai; shanhte gaw shi a nhtu man e ga nhpu zawn rai nna, shi a ndan majaw, poi mat ai yi hku hte bung ma ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 43:1

Ya chyawm gaw, Yaku amyu e, nang hpe hpan da ai wa, Israela dap e, nang hpe hpajang da ai wa Yehowa ning nga ai: “Hkum hkrit et, ngai nang hpe hkrang la ni ai; na a amying hte ngai nang hpe shaga nna, nang nye a rai nga ndai.

ESAIA 45:1

Yehowa gaw, shi a namman chya ya ai wa, Kuru hkawhkam hpe sha-ang nna ning nga tsun ai: Masha amyu ni hpe shi a man e shagrit kau nna, hkawhkam ni a shingkyit hpe ngai raw kau na matu mung, shi a man e chyinghka ni hpaw malang da nna, mare chyinghka ni n la da na matu mung, ngai gaw shi a lata hpe shadaw ya se ai:

ESAIA 45:13

Ngai nan dai wa hpe dinghpring ai hte sharawt da nna, shi hkan sa ai lam ni yawng, ngai malan ya na we ai: shi gaw nye a mare hpe dè da nna, bawng dung ai nye a masha ni hpe, manu jahpu n hpyi ai, shalawt dat na ra ai, nga nna Zaw nawng zaw wa up ai Yehowa tsun nga ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

YEREMIA 12:16

Shing rai, shanhte gaw Bala mying gang nna, nye a amyu masha ni hpe dagam sharin ai hte maren, Yehowa hkrung nga ai, nga nna nye a mying gang dagam let, nye a amyu masha ni a lam azin ayang sharin la ma yang gaw, shanhte gaw nye a amyu masha ni a ka-ang e dè nga lu na mara ai.

MAHTE 26:28

dai gaw, yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai:

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

YAWHAN 8:12

Dai re ai majaw Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai: nye a hpang hkan nang ai wa gaw, nsin hta n hkawm n sa lu na rai nna, asak a nhtoi lu la na ra ai,” ngu mu ai.

KASA 13:47

Kaning rai nme law, ‘Lamu ga htum hkra hkye hkrang la ai lam tai wa hkra, Ngai nang hpe, maigan amyu ni a matu nhtoi shatai sade ai,' nga nna shi Madu anhte hpe hkang dat mani ai,” ngu nna tsun mu ai.

KASA 26:23

Hkristu nni nkri hkrum lu na hte, si ai ni kaw na shawng hkrung rawt wa lu nna, shi a amyu hte maigan amyu ni hpe nhtoi lam madun dan lu na ra ai, nga nna byin wa na ra ai lam ni a matu, myihtoi ni hte Mawshe tsun ai lam hta kaga, ngai hpa mung n tsun jan nngai,” ngu wu ai.

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

HEBRE 12:24

ga shaka ningnan a htinglu wa Yesu hpang de mung, Abela asai hta grau kaja ai lam chye tsun ai lapri bun ai asai hpang de mung, du manit dai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

HEBRE 7:2

Salem hkawhkam hte Tsaw Htum ai Karai Kasang a hkinjawng wa rai nga ai rai nna, ga lachyum hku hkan yang, shawng na gaw, dinghpring ai a Hkawhkam, bai, Salem hkawhkam ngu ai gaw, ngwipyaw ai a Hkawhkam, ngu ai rai nga ai:

HEBRE 7:26

Kaning rai nme law, shing rai chyoi pra ai, san seng ai, ra n rawng ai hte yubak kap ai ni hte ran ai wa rai nna, sumsing lamu hta shatsaw shagrau hkrum ai hkinjawng agyi wa gaw anhte a matu ram nga ai;

HEBRE 8:6

Ya chyawm gaw, grau kaja ai ga ndat hta jung da ai ga shaka a htinglu ya ai wa shi rai nga ai hte maren, grau reng ai daw jau ai aya shi lu la wu ai.

HEBRE 9:15

Dai rai nna mung, shaga la hkrum ai ni gaw, ga ndat hte seng ai htani htana sali wunli hkam la lu mu ga nga, shawng na ga shaka kata e tawt lai kau ai hpe hkrang shaw la na matu, si hkam lam byin pru sai majaw, shi gaw ga shaka ningnan a htinglu ya ai wa rai nga ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.