ESAIA 42:5 - Jinghpaw Hanson Version Bible

⁵ Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

Jinghpaw Common Language Bible 2009

⁵ Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 42:5 ပူးပေါင်းရင်းမြစ်များ

NINGPAWT NINGHPANG 1:1

Shawng ningpawt e Karai Kasang gaw sumsing lamu hte ginding aga hpe hpan da wu ai.

NINGPAWT NINGHPANG 2:7

Shaloi Yehowa Karai Kasang gaw aga hta na ga yun hte shinggyim hkrang shachyaw wu ai rai nna, shi a ladi hta hkrung ai nsoi nsa kawut bang ya wu ai: dai rai nna shinggyim masha gaw hkrung nga ai myit masin rawng ai masha tai wa ai.

YOBA 12:10

Shi a lata hta hkrung mahkrung rawng nga nna, nsoi nsa rawng ai shinggyim masha hpe shi jahkrung da nga ai.

YOBA 27:3

ngai hta nsoi nsa naw rawng nga ninglen, Karai Wa ndaw nsa nye ladi hta naw rawng nga dingsa,

YOBA 33:4

Karai Wa a Wenyi gaw ngai hpe hpan da ni ai; n-gun chyalai rawng ai wa a nsoi nsa, ngai hpe jahkrung ni ai.

YOBA 34:14

Shi gaw shi hte seng ai hkrai myit dum nna, shi a wenyi hte shi a nsoi nsa dawm la kau ai rai yang,

SHAKAWN KUNGDAWN 136:6

Hka a ntsa e, ginding aga hpe nep da ai wa hpe, shakawn mu, Shi a chyeju htani htana agrin nga ai.

SHAKAWN KUNGDAWN 33:6

Yehowa a mungga hte sumsing lamu tai nga nna, Shi a n-gup na nsoi nsa hte, de a zaw nawng zaw wa byin nga ai.

SHAKAWN KUNGDAWN 96:5

Amyu baw ni a hpara ni, sumla hkrai rai nga ma ai; Yehowa chyawm gaw, sumsing lamu hpe hpan da nu ai.

ESAIA 37:16

Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai, nang gaw sumsing lamu hte ginding aga hpe hpan da nu ai.

ESAIA 40:12

Nammukdara hka hpe lata lahkyawn hte shadawn ai wa, sumsing lamu hpe tinang lata hte lahkam yu ai wa, ga nhpu hpe dang bye hte hteng yu ai wa, bum ni hpe joi hte kawng ni hpe jang hte, shen yu ai wa, kadai wa rai ta?

ESAIA 40:22

Lamu madin ntsa e dung nna, de a npu e shanu nga ai ni hpe, dinggam-yaw zawn nawn ai wa gaw, Shi nan rai nga ai: shi gaw sumsing lamu hpe nba zawn grang nna, shanu na matu sum zawn kahpyen da wu ai.

ESAIA 40:26

Matsaw ntsang de mada yu mu: dai hte hpe hpan da ai wa gaw, kadai rai ta? shi gaw de a wunawng wuwa ni hpe nambat hte shapraw nna, yawng hpe amying shamying wu ai: shi gaw daru magam chyalai hte n-gun atsam rawng ai majaw, langai mi pyi yet lu ai n rai.

ESAIA 40:28

Nang n chye nni? nang n na yu nni? Nga yawng nga pra Hpan da Madu, n htum n wai Karai Kasang Yehowa gaw, n-gun yawm ai n rai; hki ba mung hkrum ai n rai; shi myit mang ai lam kadai sawk yu lu ai, n rai.

ESAIA 44:24

Nang hpe mawai la ai wa, hkritung kaw nna nang hpe shachyaw ai Yehowa ning nga ai: Yawng mayawng hpe hpan da ai Yehowa ngai rai nga nngai; ngai nan sumsing lamu hpe hpyan da nngai; ginding aga hpe ngai nep da nngai: ngai hte rau nga ai wa kadai?

ESAIA 45:12

Ngai gaw ginding aga hpe galaw da nna, de a ntsa e shinggyim masha hpe hpan da se ai: nye a lata nan sumsing lamu hpe hpyan da nna, de a Zaw nawng zaw wa up ai ni yawng hpe, ngai hkang da ni ai.

ESAIA 45:18

Kaning rai nme law, sumsing lamu hpe hpan da ai Yehowa, ginding aga hpe hpajang tawn da ai hte shagrin da nhtawm, shanu nga na matu, akrin akraw n hpan da ai Karai Kasang, ning nga ai: “Ngai gaw Yehowa rai nga nngai; ngai hta kaga kadai n nga ai.

ESAIA 48:13

Gaja wa nye a lata gaw ginding aga hpe gaw da sai, nye a hkra lata gaw sumsing lamu hpe hpyan da nu ai: ngai shaga yang, dai ni gaw rau tsap nga ma ai.

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

YEREMIA 10:12

Yehowa gaw shi a n-gun atsam hte ginding aga hpe hpan da nu ai; shi a hpaji byeng-ya hte mungkan ga hpe shagrin da nu ai; shi a nyan hte sumsing lamu hpe hpyen da nu ai:

YEREMIA 27:5

Ngai gaw, nye a n-gun lapyin kaba hte, nye a lahpum shada let, ginding aga hpe mung, de a ntsa e shanu nga ai shinggyim masha hte yamnga mahkra hpe mung, hpan da nna, ngai jaw mayu ai ni kadai hpe mung, jaw nngai.

YEREMIA 38:16

Dai re ai majaw hkawhkam Zedekia gaw, Anhte hpe nsoi nsa ban da ai Yehowa hkrung nga ai hte maren, ngai nang hpe sat kau na n rai, na a asak hpe tam ai ni a lata hta mung, nang hpe ap kau na n rai, ngu nna Yeremia hpe mayun e dagam da wu ai.

EZEKELA 18:4

Yu mu, myit masin yawng hpe ngai madu nga nngai; kaji kawa a myit masin hpe ngai madu ai zawn, kashu kasha a myit masin hpe mung madu na nngai: yubak galaw ai myit masin gaw, si na ra ai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

AMO LAIKA (AMOS) 9:6

shi gaw sumsing lamu ntsa e shi a gawk ni hpajang da nna, ginding aga ntsa e shi a lamu udaw htawk da wu ai; nammukdara hka hpe shi shaga nna, lamu ga ntsa e ru dat wu ai: shi a mying shingteng Yehowa rai nga ai.

ZEHKARIA 12:1

Israela amyu hpe sha-ang ai, Yehowa a shingran mungga, da ndai rai nga ai: Sumsing lamu hpe kahpyan nna, ginding aga a npawt nhpang gaw da ai hte, masha a kraw kata e, wenyi hpan da ai Yehowa gaw, ning nga ai:

KASA 17:24

Mungkan ga hte dai hta nga ai yawng mayawng hpe, hpan tawn da ai Karai Kasang gaw, sumsing lamu hte ginding aga a Madu rai nga ai rai nna, masha lata hte shachyaw ai nawku nta hta rawng nga ai n rai:

KASA 17:25

shi nan, yawng mayawng hpe hkrung ai asak, nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

HEBRE 1:2

ndai nhtoi ladaw na hpang jahtum ai hta, Kasha a n-gup hte anhte hpe ga matsun jaw da mani ai; dai Kasha hpe yawng mayawng a sali wunli hkam la ai wa tai na shi san da nu ai rai nna, shi hte mung nga yawng nga pra galaw da nu ai;