ESAIA 42:1 - Jinghpaw Hanson Version Bible

¹ Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

Jinghpaw Common Language Bible 2009

¹ Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 42:1 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

SHAKAWN KUNGDAWN 72:4

Nni nkri hkrum ai amyu masha ni hpe shi tara dara ya u ga; Matsan mayan ni a kashu kasha ni hpe shi hkye la nna, Zingri zingrat ai wa hpe a dup kau mu ga.

SHAKAWN KUNGDAWN 89:4

Na a aru arat hpe tutnawng e, ngai shagrin da nga nna, Na a tingnyang hpe prat mi hte prat mi shadun da na we ai,” nga nit dai. [Selah.]

ESAIA 2:4

Shi gaw amyu ni a lapran e tara dara nna, amyu baw ga daga hpe jeyang na ra ai: shanhte gaw tinang a nhtu ni hpe najawn, tinang a ri ni hpe nhkyau dup kau na mara ai: amyu mi gaw amyu mi hpe nhtu n shaw ai hte, htawm hpang e hpyen majan sharin sana n rai.

ESAIA 32:16

Dai shani e nam mali hta e tara ding ai shanu nga nna, nsi naisi hpring ai yi hkauna hta, dinghpring ai, grin nga na ra ai.

ESAIA 41:8

Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

ESAIA 41:9

Nang gaw nye a shangun ma rai nga ndai; ngai nang hpe lata la ni ai; nang hpe gang kau na n rai:

ESAIA 42:2

Shi jahtau na n rai, shi a nsen hpe sharawt na n rai, mare lam hta e na shangun na, n rai.

ESAIA 43:10

“Nanhte dum lu nna, ngai hpe kamsham let, ngai nan dai wa rai nga nngai, chye na lu hkra, nanhte nye a sakse ni hte ngai lata la ai shangun ma ni rai nga myit dai, nga nna Yehowa tsun ai: nye a shawng e Karai Wa n nga ai, nye a hpang e mung pru na n rai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 52:13

Yu mu, nye a shangun ma gaw awng wa na ra ai: shi gaw shagrau shatsaw hkrum ai hte, hpung shingkang rawng nna, nachying galu kaba na ra ai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 63:1

Reng htum ai hpun palawng bu hpun nna, daru magam hpung hte nawt hkawm let, Edom mung hte Bozra mare kaw nna, ahkyeng nsan ai hpun palawng hte sa du ai wa gaw, kadai wa rai ta? Dinghpring ai mungga tsun nna, hkye hkrang la na matu n-gun atsam rawng ai, ngai nan wa rai nga nngai.

HAGI 2:23

Zaw nawng zaw wa up ai Yehowa ning nga ai: Nye a shangun ma, Shelatila kasha, Zerubabela e, ndai shani e ngai nang hpe woi la nna, nye a dazik lachyawp zawn san da na nngai, nga nna Yehowa tsun ai: kaning rai nme law, ngai nang hpe lata la ni ai, nga nna, Zaw nawng zaw wa up ai Yehowa tsun ai.

ZEHKARIA 3:8

Hkinjawng agyi Yoshua e, nang hte na a man e dung nga ai manang ni, madat mara mu; shanhte gaw kumla tai ai masha rai nga ma ai: kaning rai nme law, yu mu, nye a shangun ma ngu ai, Makrung hpe, ngai paw pru shangun na nngai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

LUKA 3:22

dai Chyoi pra ai Wenyi gaw hkrang dan dan shi a ntsa e hkrudu zawn yu hkrat wa nna, “Nang gaw nye tsawra ai Kasha rai nga ndai; nang hta ngai sharawng awng nngai law,” nga nna lamu de na nsen du pru wa ai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

LUKA 4:19

Madu a sharawng awng ai shaning hkaw tsun dan na matu mung, shi ngai hpe shangun dat ni ai,” nga ai.

LUKA 9:35

Dai sumwi hta nna mung nsen ngoi pru wa ai gaw, Ndai wa gaw, ngai Sha, ngai lata la ai wa rai nga ai: shi a ga madat mara mu, nga ai.

YAWHAN 16:32

Yu mu, nanhte bra mat nna, ngai hkrai hpe sha kau da nhtawm, langai hte langai tinang a shara de wa mat na ahkying gaw du wa ra ai rai nna, ya pyi du ra ai: rai timung ngai gaw, ngai hkrai nga nngai n rai, Wa gaw ngai hte rau rai nga ai.

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

YAWHAN 6:27

Hten bya chye ai lusha a matu hkum shaja myit; Masha Kasha nanhte hpe jaw lu ai htani htana asak a matu, agrin nga ai lusha lu la na she shaja mu: kaning rai nme law, dai wa gaw, Kawa Karai Kasang a dazik kap ai wa rai nga ai,” ngu nna htan mu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 28:28

Dai re ai majaw, ndai Karai Kasang a hkye hkrang la ai lam, maigan amyu ni hpang de jaw dat nu ai rai nna, shanhte mahtang madat mara hta la na mara ai gaw, nanhte nan chye nga mu law,”

KASA 9:15

Madu mung, “She sa su; dai wa gaw, maigan amyu ni hte hkawhkam ni a man e mung, Israela amyu masha ni a man e mung, nye a amying gun hpai na matu, nye a ngu nna san tawn da ai malai rai nga ai:

EHPESU 1:4

anhte gaw tsawra ai myit hte, shi a man e chyoi pra ai ni hte mara n rawng ai ni tai wa u ga, ginding aga garai n lat yang nna, shi anhte hpe Hkristu hta e lata la ma ni ai.

EHPESU 1:6

shi a shawang myit sharawng awng nga ai hte maren, Yesu Hkristu a jaw e, kasha yin la na chyeju hkam la lu u ga, shi anhte hpe shawng nnan e san da ma ni ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

HPILIPI 2:7

tinang dai shagawm kau nna, mayam a ahpraw nsam dagraw let, shinggyim masha hte bung hkra tai wa sai:

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.

1 PETRU 2:6

Kaning rai nme law, “Yu mu, lata la ai hte hpu la ai jut na nlung gaw, Ziun hta e ngai gaw da se ai rai nna, Dai hpe kamsham ai wa gaw, kaya kahpa n hkrum na ra ai,” nga nna laika hta rawng nga ai.