ESAIA 41:9 - Jinghpaw Hanson Version Bible

⁹ Nang gaw nye a shangun ma rai nga ndai; ngai nang hpe lata la ni ai; nang hpe gang kau na n rai:

Jinghpaw Common Language Bible 2009

⁹ Ngai gaw nang hpe ginding aga a jahtum kaw na woi la nngai; Ngai gaw nang hpe tsan htum ai jut shara ni kaw na shaga la nna nang hpe, ‘Nang gaw nye a shangun ma rai ndai,’ ngu nna tsun sai. Ngai nang hpe ningdang kau ai n rai, nang hpe lata la ni ai.

ESAIA 41:9 ပူးပေါင်းရင်းမြစ်များ

SHAKAWN KUNGDAWN 135:4

Yehowa gaw Yaku hpe lata la nna, Israela shi a sali wunli rai nga ai.

SHAKAWN KUNGDAWN 94:14

Yehowa gaw shi a amyu hpe kau da na n rai, Shi a sali wunli hpe jahti da na n rai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 41:2

Dinghpring ai lam hkan chye ai langai mi hpe, sinpraw mung de na kadai sharawt a ta? shi gaw amyu baw ni hpe dai wa a lata hta ap ya nna, hkawhkam ni a ntsa e up shangun wu ai; shanhte gaw shi a nhtu man e ga nhpu zawn rai nna, shi a ndan majaw, poi mat ai yi hku hte bung ma ai.

ESAIA 41:8

Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 44:1

Ya chyawm gaw nye a shangun ma Yaku e, ngai lata la ai Israela e, madat mara nga u:

ESAIA 45:4

Nye shangun ma Yaku hte, ngai lata la ai Israela a matu mara, ngai na a amying hpe shaga nngai: nang ngai hpe n chye timung, ngai nan nang hpe amying ningnan kahtap jaw de ai.

MALAHKI 1:2

Ngai nanhte hpe tsawra ni ai, nga nna Yehowa tsun ai. Nanhte mahtang, Nang anhte hpe kaning rai tsawra n ta? nga nna san myit dai. Ataw, Esaw gaw Yaku a kahpu, n rai ni? rai timung ngai Yaku hpe tsawra nngai:

LUKA 13:29

Dai shaloi, sinpraw sinna, dingdung dingda maga de na masha ni sa nna, Karai Kasang a mungdan hta ningngai nga na mara ai.

TARA JAHPRANG 14:2

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai; Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.