ESAIA 41:8 - Jinghpaw Hanson Version Bible

⁸ Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

Jinghpaw Common Language Bible 2009

⁸ Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

ESAIA 41:8 ပူးပေါင်းရင်းမြစ်များ

1 HKAWHKAM LABAU 16:13

Shi galaw dan sai lamik kumla bungli hte, Shi a mauhpa magam, shi a n-gup na pru ai tara hpe, adum nga mu.

2 HKAWHKAM LABAU 20:7

Anhte a Karai Kasang e, ndai mung e nga yu ai amyu ni hpe, na a amyu Israela man na nang jahtaw kau ya nna, na a jinghku wa Abraham a aru arat hpe jaw da mu ai, n rai ni?

SHAKAWN KUNGDAWN 105:6

Shi galaw dan sai lamik kumla bungli hte, shi a mauhpa magam, shi n-gup na pru ai tara hpe, adum nga mu.

SHAKAWN KUNGDAWN 135:4

Yehowa gaw Yaku hpe lata la nna, Israela shi a sali wunli rai nga ai.

SHAKAWN KUNGDAWN 136:21

Shanhte a lamu ga hpe shi jaw kau ya mu ai, Shi a chyeju htani htana agrin nga ai.

SHAKAWN KUNGDAWN 136:22

Dai hpe shi a mayam wa Israela a sali wunli shatai wu ai, Shi a chyeju htani htana agrin nga ai.

SHAKAWN KUNGDAWN 33:12

Karai Kasang ngu ai, Yehowa hpe nawku ai amyu hte, Sali wunli matu shi lata la ai abaw gaw, a nga ai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 29:22

Dai re ai majaw, Abraham hpe hkye hkrang la ai Yehowa gaw, “Yaku amyu hpe sha-ang nna, Yaku gaw kaya kahpa ya hkrum na n rai, myi man mung sum na n rai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 42:19

Nye mayam wa hta kaga, myi hten ai wa kadai rai ta? ngai shangun dat ai kasa zawn, kadai na lahpang a ta? nye jinghku wa zawn, kadai myi hten a ta? Yehowa a mayam zawn kadai myi hten a ta?

ESAIA 43:1

Ya chyawm gaw, Yaku amyu e, nang hpe hpan da ai wa, Israela dap e, nang hpe hpajang da ai wa Yehowa ning nga ai: “Hkum hkrit et, ngai nang hpe hkrang la ni ai; na a amying hte ngai nang hpe shaga nna, nang nye a rai nga ndai.

ESAIA 43:10

“Nanhte dum lu nna, ngai hpe kamsham let, ngai nan dai wa rai nga nngai, chye na lu hkra, nanhte nye a sakse ni hte ngai lata la ai shangun ma ni rai nga myit dai, nga nna Yehowa tsun ai: nye a shawng e Karai Wa n nga ai, nye a hpang e mung pru na n rai.

ESAIA 43:5

Hkum hkrit et; ngai nang hte rau rai nga nngai: sinpraw maga de na, na a aru arat ni hpe ngai woi wa nna, sinna maga de na nang hpe shinggyin la na nngai;

ESAIA 44:21

Yaku hte Israela e, ndai lam ni hpe dum mu; nang gaw nye a shangun ma rai nga ndai; ngai nang hpe hpan da ni ai; nang gaw nye a shangun ma rai nga ndai: Israela e, ngai nang hpe malap mali kau ai n rai.

ESAIA 45:4

Nye shangun ma Yaku hte, ngai lata la ai Israela a matu mara, ngai na a amying hpe shaga nngai: nang ngai hpe n chye timung, ngai nan nang hpe amying ningnan kahtap jaw de ai.

ESAIA 48:12

Yaku e, ngai shaga la ai Israela e, nye a ga madat u; Ngai dai wa nan rai nga nngai: shawng na wa mung, hpang jahtum na wa mung ngai rai nga nngai.

ESAIA 49:3

shi gaw, Israela e, nang gaw nye a shangun ma rai nga ndai; nye a hpung shingkang nang hta dan na ra ai, nga nna ngai hpe tsun sai.

ESAIA 51:2

Nanhte a kawa Abraham hte, nanhte hpe shangai ai Sara hpe, mada yu mu: shi hkrai sha naw nga yang, ngai shi hpe shaman ya ai hte, shalaw jahtam we ai.

ESAIA 63:16

Abraham anhte hpe n chye, Israela anhte hpe n hkap la timung, nang nan, Yehowa e, anhte a Wa rai nga ndai; gaja wa, nang anhte a Wa rai nga ndai; anhte hpe mawai la ai wa e, na a amying ningsang moi chyaloi kaw nna rai nga ai.

JAW JAU 25:42

Kaning rai nme law, shanhte gaw Egutu mung na ngai shaw wa ai nye a shangun ma ni rai nga ma ai: mayam hpe zawn shanhte hpe dut lu na n rai.

MALAHKI 1:2

Ngai nanhte hpe tsawra ni ai, nga nna Yehowa tsun ai. Nanhte mahtang, Nang anhte hpe kaning rai tsawra n ta? nga nna san myit dai. Ataw, Esaw gaw Yaku a kahpu, n rai ni? rai timung ngai Yaku hpe tsawra nngai:

MAHTE 3:9

‘Abraham gaw anhte a wa rai nga mali ai,’ nga nna tinang a kraw hta e hkum nawn nga myit! nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw da lu ai.

GALATI 3:19

Dai rai yang gaw, dai jep ai tara gaw hpa akyu nga a ta? dai ga ndat hta ang ai aru arat du ai du hkra, dai gaw shut hpyit nga ai a majaw set kahtap da nga ai: dai gaw htinglu ya ai wa a lata hte lamu kasa hta na san tawn da ai rai nga ai.

TARA JAHPRANG 10:15

Yehowa gaw na nji nwa hpe chyu sha tsawra wu ai rai nna dai ni rai nga ai hte maren shanhte a amyu matu ngu ai nang hpe nan masha amyu danghta hta na lata la nit dai.

TARA JAHPRANG 14:2

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai; Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

YAKU 2:23

shing rai, Abraham gaw Karai Kasang hpe kamsham wu ai rai nna, dai hpe dinghpring ai rai nga ai shi a matu ngu ya wu ai hte, Karai Kasang a jinghku wa shi hpe ngu da wu ai, nga nna tsun da ai laika gaw dik wa sai.