ESAIA 41:23 - Jinghpaw Hanson Version Bible

²³ Nanhte Hpara rai nga ai hpe, anhte chye na lu hkra, byin magang ra ai lam ni, tsun dan mi; gaja wa, anhte rau mu mada nna mau mat lu hkra, kaja ai, shing n rai, n kaja ai, galaw mu.

Jinghpaw Common Language Bible 2009

²³ Du na ra ai aten hta byin magang wa na lam ni anhte hpe tsun dan mi- dai hpang nanhte karai ni rai nga myit dai hpe anhte chye lu na ga ai! Kaja ai amu lama mi galaw mu, shing n rai tsin-yam tsindam shabyin dat mu; anhte hpe hkrit ai myit hte hkrit kamyin ai myit jahpring ya mi!

ESAIA 41:23 ပူးပေါင်းရင်းမြစ်များ

ESAIA 19:12

Na a hpaji rawng ai ni kanang rai nga ma ta? Ya shanhte nang hpe tsun dan mu ga; Zaw nawng zaw wa up ai Yehowa gaw, Egutu mung a lam myit shatawng da ai hpe, shanhte chye mu ga.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 43:9

Amyu baw ni yawng rau zuphpawng mu ga, masha amyu ni shinggyin nga mu ga: ndai amu hpe mung, moi shawng de byin ai lam ni hpe mung, shanhte hta na kadai tsun lu a ta? shanhte awlaw ai hkrum hkra, tinang a sakse shapraw mu ga; shing n rai, shanhte madat nna, “Ndai gaw teng nga ai,” nga nna yin la mu ga.

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

ESAIA 45:3

magri chyinghka ni hpe ngai agrawp kau nna, hpri htinggrang ni hpe kahtum kadaw di kau na we ai: nsin kata na sutgan, shim ai shara e makoi da ai arung arai, ngai nang hpe jaw na de ai.

ESAIA 46:7

Shanhte gaw dai sumla hpe hpai nna, la wa ai hte de a shara hta tawn da mu ai; dai mung atsap nga nna shi a shara na n htawt lu nga ai; shi hpe jahtau timung htan lu ai n rai; ruyak kyin dut hta na mung, hkye mawai la lu ai n rai.

YEREMIA 10:5

Dai ni gaw maka ka ai ma-un hpun hte bung nna, n chye shaga ma ai: tinang hkrai n chye hkawm ai majaw, hpai hkawm ra ai. Dai ni hpe hkum hkrit myit; ruyak jahkrum lu ai n rai; kaja ai mung n chye galaw ma ai.”

Daniela 2:9

Rai timung, dai yup mang ngai hpe n hkai dan myit yang, nanhte myit langai sha nga nna, aten lai hkra, nye a man e masu ai ga tsun na maw ai majaw, nanhte a matu tara langai sha rai nga ai: dai re ai majaw, yup mang ngai hpe hkai dan mi; shaloi ga lachyum nanhte chye htai shapraw ai hpe, ngai chye na nngai,” ngu nna htan wu ai.

YAWHAN 13:19

Dai lam byin pru ai shaloi, ngai dai wa rai nga nngai gaw, nanhte kamsham myit ga, ngu nna garai n byin yang na tau tsun magang da made ai.

KASA 15:18

Ndai lam hpe chyi nma kaw nna shachye shachyang ai Madu tsun nga ai,” nga ai.