ESAIA 41:22 - Jinghpaw Hanson Version Bible

²² Shanhte myihtoi ga shapraw nna, hpa byin na ra ai hpe tsun dan maru ga; moi shawng de byin ai lam ni anhte myit aru yu nna, de a jahtum chye na lu hkra, tsun maru ga: shing n rai, byin na ra ai lam ni anhte hpe shana ya mi.

Jinghpaw Common Language Bible 2009

²² Ndai de sa nna hpa byin wa na lam tau tsun yu mu, shaloi anhte gaw dai amu galoi byin wa na hpe chye lu na ga ai. Lai sai aten na mabyin lam ni hpe tara rung de tsun shaleng dan mu, shanhte kaning rai lachyum shapraw ai lam anhte hpe tsun dan mi.

ESAIA 41:22 ပူးပေါင်းရင်းမြစ်များ

ESAIA 41:26

Anhte chye lu hkra, moi npawt kaw nna dai lam tsun dan ai wa, teng nga ai, nga nna anhte tsun lu hkra, ndai lam shapraw ai wa, kadai rai ta? gaja wa, tsun dan ai wa langai mi n nga ai, shapraw dan ai wa langai mi n nga ai, nanhte a ga na lu ai wa langai mi n nga ai.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 44:7

Ngai gaw, ndai moi na amyu hpe san da ai shani kaw nna, ngai zawn myihtoi ga chye tsun ai hte, ngai hpe tsun dan lu na hpajang da ai wa gaw, kadai wa rai ta? byin na ra ai hte du magang ra ai lam ni, shanhte shapraw dan mu ga.

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

ESAIA 46:10

ngai gaw npawt kaw nna jahtum du hkra mung, moi chyaloi nhkoi kaw nna garai n byin ai amu ni hpe mung, shapraw dan nngai: Nye a hpaji daw ai lam grin nga na ra ai; ngai ra mara hpe shatup na nngai;

ESAIA 48:14

Nanhte yawng zuphpawng nna madat mara mu: shanhte hta na, ndai amu ni hpe, kadai chye tsun a ta? Yehowa tsawra ai wa gaw, Babelon mare ntsa e shi a myit shadik ya nna, shi a lata gaw Hkalde masha ni a ntsa e du na ra ai.

ESAIA 48:3

Ngai nan moi na lam ni moi kaw nna tsun dan ni ai; gaja wa, ndai lam ni gaw nye n-gup kaw na pru nna dan wa sai: ngai gaw akajawng sha ndai lam galaw nna, dai ni byin wa sai.

YAWHAN 13:19

Dai lam byin pru ai shaloi, ngai dai wa rai nga nngai gaw, nanhte kamsham myit ga, ngu nna garai n byin yang na tau tsun magang da made ai.

YAWHAN 16:14

Dai wa gaw, ngai lu ai hta na shaw la nna, nanhte hpe tsun shana ya na rai nga ai majaw, nye a hpung shingkang shapraw ya na ra ai.