ESAIA 41:21 - Jinghpaw Hanson Version Bible

²¹ Nanhte a amu shapraw mu, nga nna Yehowa tsun nga ai; nanhte a kangka sakse ga madun mu, nga nna Yaku a hkawhkam wa tsun nga ai.

Jinghpaw Common Language Bible 2009

²¹ Dai Madu Israela a hkawhkam gaw ning ngu tsun nu ai: “Masha amyu baw ni a karai ni e, nanhte a amu madun mu. Nanhte lu ai kaja htum ai sakse arai ni shawn mu!

ESAIA 41:21 ပူးပေါင်းရင်းမြစ်များ

YOBA 31:37

Nye a lam yawng, ngai shi hpe hkai dan nna, du zawn ngai shi a man de shang na nngai.

YOBA 38:3

Share wa zawn na nshang shingkyit kyit u; ngai san de ga, nang htan ya e.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 41:1

Zunlawng ni e, nye a man e atsin sha nga mu; masha amyu ni gaw n-gun ningnan shaja mu ga; sit sa marit; shanhte ga tsun mu ga; tara dangrang hkat ga, rau zuphpawng ga.

ESAIA 43:15

Ngai gaw, nanhte a Chyoi pra ai Wa Yehowa, Israela a Hpan wa Ningsang, nanhte a Hkawhkam wa rai nga nngai.”

ESAIA 43:9

Amyu baw ni yawng rau zuphpawng mu ga, masha amyu ni shinggyin nga mu ga: ndai amu hpe mung, moi shawng de byin ai lam ni hpe mung, shanhte hta na kadai tsun lu a ta? shanhte awlaw ai hkrum hkra, tinang a sakse shapraw mu ga; shing n rai, shanhte madat nna, “Ndai gaw teng nga ai,” nga nna yin la mu ga.

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 46:10

ngai gaw npawt kaw nna jahtum du hkra mung, moi chyaloi nhkoi kaw nna garai n byin ai amu ni hpe mung, shapraw dan nngai: Nye a hpaji daw ai lam grin nga na ra ai; ngai ra mara hpe shatup na nngai;