ESAIA 41:2 - Jinghpaw Hanson Version Bible

² Dinghpring ai lam hkan chye ai langai mi hpe, sinpraw mung de na kadai sharawt a ta? shi gaw amyu baw ni hpe dai wa a lata hta ap ya nna, hkawhkam ni a ntsa e up shangun wu ai; shanhte gaw shi a nhtu man e ga nhpu zawn rai nna, shi a ndan majaw, poi mat ai yi hku hte bung ma ai.

Jinghpaw Common Language Bible 2009

² “Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

ESAIA 41:2 ပူးပေါင်းရင်းမြစ်များ

NINGPAWT NINGHPANG 11:31

Shaloi Htera gaw shi a kasha Aram hpe mung, shi a kashu Haran a kasha Lawt hpe mung, shi a kanam Abram a madu jan Sarai hpe mung shaga woi nhtawm, Hkanan mung de sa wa na nga, Hkaladea masha ni nga ai Ura mare kaw nna pru sa wa ai: shing rai shanhte gaw Haran de du nna, dai yang e nga nga ma ai.

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

2 SAMUELA 22:43

Shaloi ngai shanhte hpe ga nhpu zawn dup mani kau nna, Lam na shanut hpe zawn, kanen ayai kau we ai.

2 HKAWHKAM 13:7

Rai timung, Israela amyu hpe shut shangun ai Yeroboam a nta na ni a yubak hpe shanhte koi kau mu ai, n rai: dai hta e shanhte hkan nang nga nna, Samari mare hta e Ashare sumla ni mung naw nga nga ai.

2 HKAWHKAM LABAU 36:23

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai. Ya shi hte seng ai amyu masha ni kadai hte mung, shi a Karai Kasang Yehowa shi hte rau nga nga nna, shi lung wa u ga,” ngu nna ka dat wu ai.

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

ESAIA 40:24

Shanhte hpe hkai, shanhte hpe gat timung, ga hta ru garai n jung yang, shi shanhte a ntsa e kawut ai hte, shanhte hkraw mat na nna, bungsha gaw shanhte hpe mahkaw zawn shapoi kau na ra ai.

ESAIA 41:25

Dingdung maga de na wa langai mi, nye a amying shaga ai wa sinpraw de na, ngai paw pru shangun nna, shi du ra ai: dai wa gaw munggyi ni hpe engade zawn rin nna, dibu sama a ga kagam zawn kabye kau na ra ai.

ESAIA 41:3

Shi shanhte hpe hkan shachyut nna, shawng de n kabye yu ai lam hku, angwi apyaw lai wa lu ai.

ESAIA 42:6

“Nang gaw myi kyaw ai ni a myi hpe hpaw ya na hte, htawng hta bawng dung ai ni hpe shapraw nna, nsin htawng hta dung nga ai ni hpe shalawt dat na matu,

ESAIA 45:1

Yehowa gaw, shi a namman chya ya ai wa, Kuru hkawhkam hpe sha-ang nna ning nga tsun ai: Masha amyu ni hpe shi a man e shagrit kau nna, hkawhkam ni a shingkyit hpe ngai raw kau na matu mung, shi a man e chyinghka ni hpaw malang da nna, mare chyinghka ni n la da na matu mung, ngai gaw shi a lata hpe shadaw ya se ai:

ESAIA 45:13

Ngai nan dai wa hpe dinghpring ai hte sharawt da nna, shi hkan sa ai lam ni yawng, ngai malan ya na we ai: shi gaw nye a mare hpe dè da nna, bawng dung ai nye a masha ni hpe, manu jahpu n hpyi ai, shalawt dat na ra ai, nga nna Zaw nawng zaw wa up ai Yehowa tsun nga ai.

ESAIA 46:11

sinpraw maga na u matse, sumtsan mung na ngai san da ai wa hpe, ngai shaga ni ai: gaja wa, ngai mungga tsun da nngai, ngai dai hpe shabyin na we ai; ngai myit shatawng da nna, dai hpe galaw na we ai, nga nna ngai tsun nngai.

ESAIA 48:15

Ngai nan mungga hkang da ni ai; gaja wa, ngai shi hpe shaga ni ai: ngai gaw shi hpe lakawn wa nna, shi gaw shi a lam hta awng wa na ra ai.

SHARUNG SHAYAWT 1:15

Madu gaw nye a share ni yawng hpe, nye a ka-ang e jahti kau da mu ai; Nye a shabrang ni hpe, shamyit kau na matu, shi shawa hpawng shaga mu ai: Madu gaw Yuda shayi sha hpe, tsabyi htumbyen hta kabye kau nu ai.

HEBRE 7:1

Abraham gaw hkawhkam ni hpe sat kau ai kaw na bai wa yang, shi hpe sa tau nna shaman ya wu ai hte, Abraham mung lanep yawng hta na htamshi hta htammi karan sak wu ai Melhkizedek ngu ai wa chyawm gaw:

SHINGRAN 16:12

Bai kru ngu na wa, shi a gawm Uhprat hka nu kaba hta ru bun dat wu ai: dai rai nna, sinpraw mung na hkawhkam ni sa wa na lam hku na matu, dai hka nu gaw hkyet mat wa ai.

SHINGRAN 7:2

Bai, jan pru maga de na pru lung wa nna, ahkrung nga ai Karai Kasang a dazik lang ai lamu kasa kaga hpe, ngai mu nngai. Shi gaw, Anhte a Karai Kasang a shangun ma ni hpe lahtan e dazik garai n shakap kap gaw, aga hpe mung, nammukdara hpe mung, hpun ni hpe mung hkum zingri myit,