ESAIA 41:19 - Jinghpaw Hanson Version Bible

¹⁹ Bai ngai gaw nam mali hta e arit hpun, shitim hpun, murtu hpun, tsanlun hpun ni hpe mung, zaibru jang e marau hpun, shinglim hpun hte chyamka hpun kayau hkai na we ai:

Jinghpaw Common Language Bible 2009

¹⁹ Ngai gaw nam mali hta arit hpun shaji hpun, maihting hpun hte tsanlun hpun ni hpe shatut na nngai. Nam maling ni gaw akrin akraw re ai lamu ga hta tu wa nna marau maling, shinglim hpun maling hte chyamka hpun maling ni tai wa na ra ai.

ESAIA 41:19 ပူးပေါင်းရင်းမြစ်များ

ESAIA 27:6

Yaku gaw htawm hpang prat e aru jung na ra ai; Israela gaw tsit lali nna pu majawm na ra ai: shan gaw mungkan ga hpe nsi naisi hte jahpring na mara ai.

ESAIA 32:15

matsaw ntsang de na wenyi gaw anhte a ntsa e ru bun nna, nam mali gaw nsi naisi hpring ai yi hkauna, nsi naisi hpring ai yi hkauna gaw maling zawn nawn ai shani du hkra, Ohpela kawng hte langchyi ni gaw, prat dingsa lungpu tai mat nna, lawze nhprang ni dai hta pyaw nga nna, dai gaw yamnga ni a udat shara tai wa na ra ai.

ESAIA 35:1

Nam mali hte hkraw hkun ai shara gaw, kabu gara na ra ai; zaibru jang mung awng sharawng nna, mari pan zawn pu na ra ai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

ESAIA 51:3

Kaning rai nme law, Yehowa gaw Ziun hpe shalan shabran ya wu ai: shi gaw Ziun a katsi katsang re ai shara ni mahkra hpe shaman ya ai hte, de a nam mali hkan e Eden zawn, de a zaibru jang e Yehowa a sun zawn, shatai wu ai: sharawng awng ai hte kabu gara ai, chyeju dum ai nsen hte mahkawn mangoi ai, de a kata e hpring na ra ai.

ESAIA 55:13

Ju hpun a malai marau hpun, ju singwum a malai jangnai hpun tu na ra ai: dai gaw Yehowa man e n hten n run ai, htani htana amying shingteng hte sakse kumla tai na ra ai.

ESAIA 60:13

Nye a chyoi pra ai shara hpe shatsawm na matu, Lebanon a arawng sadang ngu ai, marau hpun, shinglim hpun hte chyamka hpun, nang hpang de rau du na ra ai rai nna, ngai gaw nye a lagaw kabye shara hpe hpung sharawng na we ai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 61:11

Lamu ga gaw apu pu shangun nna, sun gaw gat hkai ai nli hpe maku ku shangun ai hte maren, Madu Yehowa gaw Dinghpring ai hte shakawn kungdawn ai lam, amyu baw ni mahkra a man e tu pru shangun na ra ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

EZEKELA 47:12

Dai hka nu hkin-gau maga mi hte maga mi de, sha mai ai hpun amyu myu tu na ra ai; de a lap mung n nyip, asi mung n wai na ra ai: dai hka nu gaw chyoi pra ai shara na lwi pru ai majaw, dai hpun ni gaw shata shagu asi ningnan si na mara ai: asi gaw sha na matu, alap gaw ana ahkya shamai shatsai na matu, tai na ra ai,” nga nna ngai hpe tsun ai.

HOSEA 14:8

Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

ZEHKARIA 1:8

Ngai gaw shana e shingran mu nna, yu u, gumra ahkyeng jawn ai wa langai mi hpe ngai mu nngai; dai wa gaw murtu maling na shingnip htat ai shara e hkring nga nna, shi a hpang e hkyeng ai, mut ai hte hpraw ai gumra tsap nga ma ai.