ESAIA 41:18 - Jinghpaw Hanson Version Bible

¹⁸ Ngai gaw krin ai kawng ni a ntsa e hka nu, kadit ni a ka-ang e hka hpawk, jahpaw na nngai; nam mali e hka lawng, hkraw hkun ai shara e hka deng, ngai shatai na we ai.

Jinghpaw Common Language Bible 2009

¹⁸ Ngai gaw krin ai kawng ni a lapran e hka nu ni hpe shalwi dat nna kadit ni hta hka hpawk ni hpe jahpaw ya na nngai. Ngai gaw zaibru jang hpe hka la-ing shatai nna, hkun hkraw ai lamu ga hpe hka hpawk lwi shangun na nngai.

ESAIA 41:18 ပူးပေါင်းရင်းမြစ်များ

SHAKAWN KUNGDAWN 104:10

Shi gaw hkaraw ni hta, hka shi jahpaw dat nu ai: Bum ni a lapran e, dai ni lwi nga ma ai.

SHAKAWN KUNGDAWN 105:41

Lunghkung hpe shi hpaw nna, ntsin pru nga ai; Hkraw ai shara e hka zawn, dai lwi nga ai.

SHAKAWN KUNGDAWN 107:35

Bai shi gaw zaibru jang hpe hka hpung-ya, Hkraw ai shara hpe hka hpaw ai shara shatai nna,

SHAKAWN KUNGDAWN 126:4

Yehowa e, dingda maga na hka shi ni zawn, Anhte a bawng dung ai ni hpe, nhtang dat mi.

SHAKAWN KUNGDAWN 46:4

Hka nu hte de a hka gai ni Karai Kasang a mare hte, Tsaw htum ai Wa a chyoi pra ai htingnu ni hpe, shapyaw nga ma ai.

ESAIA 12:3

Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

ESAIA 30:25

Masha law law sat kau ai hte langchyi ni hpe kadawng kau ai shani e, tsaw ai bum shagu a ntsa e mung, tsaw ai kawng shagu a ntsa e mung, hka shi hka gai ni lwi na ra ai.

ESAIA 32:2

Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

ESAIA 33:21

Dai yang e, daru magam rawng ai Yehowa anhte hte rau rai nga nna, dam lada ai hka nu hka hkawng ni a malai tai na ra ai: lashap shap ai li gaw, dai de shang na n rai, daru magam sanghpaw li mung, dai de lai lu na n rai.

ESAIA 35:1

Nam mali hte hkraw hkun ai shara gaw, kabu gara na ra ai; zaibru jang mung awng sharawng nna, mari pan zawn pu na ra ai.

ESAIA 44:3

kaning rai nme law, hpang kara ai wa ntsa e ngai ntsin ru bun nna, hkraw hkun ai ga hpe hka shalim na we ai: na a amyu a ntsa e nye a wenyi hpe, na a aru arat a ntsa e nye a shaman ai hpe, ngai ru bun na we ai:

ESAIA 48:21

Shi shanhte hpe akrin daleng hku woi wa yang, shanhte hpang kara hkrum ma ai n rai: shi shanhte a matu lunghkrung hta na ntsin lwi shangun wu ai: shi gaw lunghkrung hpe pyi shaga nna hka lwi nga ai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

YOELA 3:18

Dai aten e, bum ni gaw, dwi ai tsabyi jahku yun nna, kawng ni gaw, nga chyu lwi na ra ai: Yuda hka lawng hka hkawng ni yawng, hka lwi na ra ai; Yehowa nta kaw na hka hpawk hpaw pru nna, Shitim kadit hpe madit na ra ai.

ZEHKARIA 14:8

Dai shani e, Yerusalem mare kaw na, asak hka lwi pru na ra ai; chyen mi gaw sinpraw nawng de, bai chyen mi gaw sinna nawng de, ang wa na ra ai: dai gaw nlum ta e rai timung, kashung ta e rai timung, lwi nga na ra ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.

TARA AGYI 15:19

Karai Kasang chyawm gaw Lehi shara na hkamwam hpaw ya wu ai rai nna, dai kaw na ntsin pru wa ai; shaloi shi ntsin lu ngut jang, nsa awai lu nna bran wa ai: dai re ai majaw hkamwam dai hpe Em-hakore ngu nna shamying da wu ai: dai gaw dai ni du hkra Lehi shara e nga nga ai.